من الأسلحة إلى الورود 🖤🥀

Part 55

عند سارة
كانت جالسة فوق المكتب ديالها تتكتب فشي حاجة وداوية ابيل فيديو مع آلاء وصفاء آلاء : اجيي قبيلا من لي مشيتي نتي و امير فين مشيتو سارة ميقات فيها : وصلني لدارنا فين انمشيو گااع صفاء : امم انا قلت يمكن عطاك شي براسلي اخر سارة شافت فالبراسلي لي فيدها وتبسمت آلاء وصفاء كيضحكوا: امممم شكون كان كيقوول ساارة اتزعط هي شافت فيهم مخنزرة : شمن شمن زعطة سيرو فحالكم آلاء وصفاء كيتغامزو ويضحكوا : وتيي غيير اعترفييي سارة ميقات فيها : نعترف مالي قاتلة كينيدي سير سير اختي بحالك خليني نكمل هاد الحفاظة وقطعت عليهم
ورجعت تتحفظ شوية حتى صونا ليها امير جاوباتو امير : مع من كنتي داوية ؟ سارة حركت راسها بلا حولة: واا غير آلاء وصفااء امير : امم مزيان خرجي طلي من البالكون سارة عقدت حجبانها بطفولية : وعلاش ؟

امير كيضحك : خرجي وغاتعرفي سارة حلاتو ومع خرجات بانو ليها بالونات بالحمر كيطيرو فالسما وسعات ضحكتها تتشوف فيهم امير كان كيشوف فيها من التحت متبسم هي هبطات عينيها وهو يبان ليها ضحكات : شكديير هناا و وكيدرتي البالونات منين جبتيهم زعما كفاش امير ضحك من لي شاف التوتر ديالهم : لبسي عليك وهبطي عندي سارة عقدت حجبانها كضحك : كفاش ؟ امير : طلقينا دغيا سارة ضحكت ودخلت دغيا جبدت قبية بيضة لبستها وسبرديلتها وشعرها خلاتو مطلوق كيف كان مجعد وهبطات تتجري فالدروج ليلى شافتها : فيين غادة راه الشمس قربت تغرب سارة تتجري : غيير مع البنات شوية ونجييو ومشات خرجت مع حلت الباب تلاقات مع يوسف داخل شافها وضحك : شنيولة فين غادة سارة باستو فحنكوا ومشات تتجري: غير مع البنات هو ضحك من حماسها ودخل لدار هي خرجت دغيا تتقلب عليه بعينيها بان ليها واقف قدام لوطو ديالو بعيد على دارهم شوية مشات تتجري عندو وتضحك

: فيين غاديين هو كان كيشوف فعينيها لي كيلمعوا بفرحة والحماس لي فيها ضحك وجرها من يدها طلعها لوطو وديمارا سارة تضحك : وااا فيين غاديين امير شاف فيها : صبري قريب تعرفي هي ضحكت وجبدات تيلي ديالها كونيكطاتو مع البلوتوث ديال لوطو ودارت اغنية وبدات تتغني معاها وتتشطح : حسدوو ولاا غيروو 🎵🎵🎵 كتبوو ولاا سحروواا 🎵🎵🎵 اييي نبغيهاا وتبغيينيي 🎵🎵🎵 يااا ماعندكمم ماديروو 🎵🎵🎵 شكوون يساالهاا ويساالنيي 🎵🎵🎵 يانااا بغيتهااا وبغاتنيي 🎵🎵🎵 كاين بيناتنا امور نعشق فيها عمري فور 🎵🎵🎵 نتوما لي قلتوا سحووو🎵🎵 روااح تشووف اخوويااا دااك الزيين الكاامل الي دااليي العقلل 🎵🎵🎵 برااس ماا وبويااا نديهااا ولااا نهبلل ويين بغااات توصل توصل 🎵🎵🎵 امير كان كيضحك وهو كيشوفها فرحانة وتطير ورك على واحد البوطون فلوطو وهو يتحل السقف ديالها سارة وسعات عينيها تتشوف فيه هو تبسم بجنب وهي وقفت شعرها كيطير بالبرد وتتحرك فيديها وخصرها بانسجام هو كسيرا كيضحك ومرة مرة كيهز راسو يشوف فيها

بقا غادي مكسيري حتى فات السرعة القانونية وتبعوه جوج ماطر ديال البوليس امير ماتسوقش مهم هي فرحانة زاد كسيرة هربان عليهم وكيضحك هما كيضربوا عليه الضو بش يوقف ولكن بان ليهم ماغايوقفش حتى مشا واحد فيهم ضوبلوا وبدا كيبرزط فيه سارة شافتوا رجعت جلست تتشوف ف امير : هدا مالو ؟ امير كيضحك مامسوقش: بب عندك مع العدس ؟ سارة عقدت حجبانها: علاش ؟ امير ضور لوطو بزربة ووقف على جنب : حيت غانمشيو الحبس سارة وسعات عينيها وجاو وقفوا عليهم هادوك الجوج مخنزرين : كنتي غاتخلص غير مخالفة وتمشي ولكن على هاد التجرجير هبط هبط تمشي تحاسب مع ضلوعك امير مبرد : سيرو حنا غانتبعوكم لكوميسارية هما ضحكوا : ههههه علاش كنيتك المريني ومافراسناش امير حرك راسو بلا حولة حيت راه بصح كنيتو هاديك : دبا شباغين فين غاتهزونا اصلا راه ماعندكمش صطافيط البوليسي شاف ف صاحبوا ونطق : صافي سير نت من قدامهم وانا من وراهم رجعوا لماطرهم ومشاو سارة تتشوف ف امير مخلوعة: وش من نيتك غانمشيو الكوميسارية امير مامسوقش : وش ناسية باك شكون ؟ سارة حطات يدها على راسها : لا ولكن حيت عارفة با شكون لي مخلوعة امير تبسم وشد فيدها : ماتخافيش انا معك ماايطرا والو ماتخافيش هي حركات راسها و سكتات وهو ديمارا تابع هذاك ومخنزر حيت نكدها عليهم