من الأسلحة إلى الورود 🖤🥀

Part 42

عند سلمى كانت تتشطح وتنقز حتى حسات براسها جات فشي واحد ضارت لقاتها ايناس مخرجة عينيها : نتييي كيدرتييي دخلتي هنااا سلمى مخنزرة : دخلت من الباب ايناس تتعوج: اممم مايحسابنيش كيدخلوا الهماج سلمى : تانا مايحسابنيش كيدخلوا القحاب ايناس خنزرات فيها ودفعاتها : نتي شكايحسااابك راااسك راك غير همجية ديال الخلا سلمى اصلا ماتتحملهاش حيت حاطة العين على اذيب ودبا زادت كملات فاش دفعاتها طارت على شعرها تتنتف فيها وايناس غير تتبعد فيها ولكن والو سلمى تتنتف وتضرب: انا انوريييك القحببة الهماج كيدااير القحبة لييي قالتهااا ليييك بدات ايناس تتغوت وتتحاول تفك وشي بنات كانو حداهم وقفوا كيتفرجوا فيهم نهاد غير تتشوف فيهم فايتة مجربة نتفة من عند سلمى ماباغاش تعاود تاكلها رياض واذيب شافوا بحال الجوقة تمشاو ليها اذيب كيقرب وكيعقد فحجبانوا كيقول مع راسو وش هادي سلمى مشا قرب ليهم وجرها من يدها هي ضارت ناوية تبدا تسب حتى شافتوا هو قدامها تصدمات بقات تتشوف فيه هو عينيه ولاو حمرين زير على يدها ونطق بنبرة حادة تتخلع: شكديري هنا ؟ رياض مشا جر ايناس لي كانت گاع مريشة والناس كيشوفو فيها مارضاتش تتشوف ف سلمى : والله الا بقات فيك الهمجية بان ليها اذيب واقف شادها زادت حقدات ودفعات رياض لي هز راسو شافها فين تتشوف بانت ليه سلمى عقد حجبانوا حتى هو وجات نهاد جرات ايناس : راه عيط لي بابا قالك بغانا نرجعوا دبا ايناس غير تتخنزر فاذيب وسلمى حالفاها فيها على هاد الشوهة لي دارت ليها ومشات هي ونهاد سلمى كانت تتشوف فعينيه لي حمرين وقلبها بدا كيضرب بجهد تتحس هادي هي الاخيرة ليها ندمات حتى كذبت عليه كرهت الكونسرت وآيتييز وكلشي هو كان كيزيد يزير على يدها وكيشوف كسوة لي لابسة كانت تتفتن كيتفكر بلي شحال من واحد غايكون شافها هكاك وتشهاها تيزيد يزير على يدها : راه سولتك شكديري هنا سلمى مالقات ماتقوليه شغاتقول گاع عتقها غير رياض لي جا جرو : صاحبي طلقنا راه وصلوا اذيب شاف فيها شوفات فشكل طلقها ومشا هي بقات واقفة فبلاصتها فيها البكية خلاص فاش دار فيها هادوك الشوفات مافهمات والو بقات تضور فبلاصتها بغات غير ياسمين تجي.

ياسمين كانت باقا فالحمام تتقاد فحالتها سمعات شي هدرة حداها حلات الباب شوية تطل وطالقة ودنيها بان ليها واحد لابس كوستيم كحل عاطيها بالظهر وقداموا شي واحد حتى هو لابس كوستيم وداير نظاظر وكيدويو بالايطاليه مافهماتهمش الراجل: البوص باغي يشوف سلعتوا دبا الذيب تحرك من قداموا وخلا ليه منين يدوز: دخل تسناني تما هو مشا ياسمين شافتوا دايز من حداها سدات الباب دغيا حتى حسات بيهم مابقاوش وخرجات تضور فراسها مالقات حتى واحد وخرجات تتمشا بشوية حتى تتسمع خطاوي ديال شي وحدين جايين تخلعات ماعرفات مادير تضور فبلاصتها حتى حسات بشي يد جراتها لواحد البيت مظلم سادة على فمها ياسمين تترمش فعينيها بزربة بالخلعة باغا تعرف غير شكون هذا لي شادها بانو ليها عينيها بقات تدقق فيهم عرفاتوا الذيب ماعرفاتش علاش حسات بالراحة فاش عرفاتوا هو هو كان شم شي ريحة فشكل فاش كان داوي مع هذاك عرفها ديالها حيت ماتخفاش عليه ولكن مافهمش هي اش غاتكون كدير هنا حتى شافها حيد يدو على فمها بشوية ياسمين عقدات حجبانها : شكدير هنا ؟ الذيب مخنزر : انا لي خاصني نسول ياسمين تفكرات فاش كان مع آية وكفاش خلاها ومشا عندها دفعاتو من عليها وبغات تمشي تخرج هو جرها رجعها لاصقة مع الحيط وهو واقف قدامها مزير عليها من خصرها وكيشوف فعينيها : شهاد البلايص تتجي ليهم ياسمين مخنزرة : ونت ماالك سير عند آية دياالك الذيب طالع ليه الدم حيت عارف هنا ما مأمنش خبط يدو مع الحيط ونطق كارز على كل كلمة : ياسمين اش جابك هنا هي شافتو هكاك ماتنكرش خلعها : راه غير كاين كونسرت وجيت انا وبنت عمتي نت لي اش كدير هنا الذيب ضور راسو بفقصة : ومع من تشاورتي مع من ؟؟ ياسمين خنزرت فيه : وشش مرييض سير عند آية ديالك ماسوقكش فيااا هو كيشوف فملامح وجهها لي تتخنزر بيهم وفمها لي كيلمع ماحسش براسو حتى هبط كيمص ويجر فيه ويديه كيلعبوا فخصرها مزيرين عليها ياسمين خرجات عينيها ماتوقعاتهاش منو الذيب مابعد منها حتى مسح هذاك الگلوس كامل شاف فيها : ماتبقايش ديري هاد الزمر ياسمين مخرجة عينيها دفعاتوا تتخبط فيه : وش حمق وش مرييض اش درتي اش درتيي الذيب حبس ليها يديها: نتي بوحدك لي ديالي وندير لي بغيت هي بقات تتشوف ف عينيه مصدومة من هدرتوا وش عاوتاني كيضحك عليها هو غير ساهي فعينيها لي فيهم واحد البريق فشكل قاطعوا رياض لي نطق فالسماعة ديالو : كلشي واجد خاصنا نبداو التسليم دبا هو عينيه رجعوا للبرود والظلام ديالهم هي عقدات حجبانها طلقها ونطق : تحركي دبا فين كنتي وماتعاوديش ترجعي هنا تحركي ياسمين يلاه اتنطق تسولو هو قاطعها بحدة : تحركيي ياسمين خنزرت فيه ومشات هو بقا تابعها من اللور حتى شافها خرجات ورجع عندهم كان هداك الراجل وراه اذيب السلعة وستفوها رياض : دبا غانخرجوها بداو كيخرجوا فيها من الديبو حتى طلعوها للريسطوا الفوق الذيب شاف ف رياض : علم هذاك يبدا دبا رياض حرك راسو ودار هادكشي لي قال ليه يلاه بداو كيخرجوهم تسمع القرطاس گاع البوليس لي كانو تما مشاو هبطوا للكونسرت رياض ضحك وشاف ف الذيب الخطة غادة كيف بغاو الذيب عطا الاذن لدراري ديالوا يبداو يخرجو اذيب لي كان التحت فالديبو هو كيبقا غير لور ديما فاش سمع القرطاس غمض عينيه بفقصة وماقدرش يحبس راسو ناض خرج عندها حيت عارف  القضية غاترون ويخاف تجي فيها شي دقة .