من الأسلحة إلى الورود 🖤🥀

Part 5

🐺 عند الذيب وزريقة 🐺
كانو فواحد البار جالسين فواحد الطبلة الفوق جات معزولة بوحدها قدامهم طابلة عامرة قراعي و غبرة گاع الموبقات كان زريقة مشا الحمام يصوني ليها عارفها اتبقى مشطونة و بقى غير الذيب جالس تما و حداه جوج قحبات و حدة حاطة راسها على صدرو و تتقيس فيه و هو مخليها ما مسوقش اصلا هو عندو البنات كيصلاحوا لحاجة وحدة هي الليل . بان ليه زريقة جاي : دويتي معاها ؟ زريقة تلاح حداه فوق الفوطوي: ويييه لقيتها باقا فايقة مبرزطة. الذيب ضحك بالجنب و بقا ساكت . زريقة : نتااا بنتييي ليا باقي مطول هنا انا انوض نقود فحالي نقزات ديك القحبة لاخرا شداتوا من كتفوا و عنقاتوا و تتلصق فيه : لاااا بب ما جلستي معانا والو زيد غير شوية عفاااك و بقات تتحلون عليه و ترقق فصوتها هو بعدا غير قاستوا عيفاتوا نتر ليها يديها بجهد و خبطها مع الارض : مرة اخرى تحط ايدك نقطعها ليك شاف ف الذيب تهلااا و مشا خرج . هي ما رضاتش قدام صاحبتها و قدام الذيب ناضت جمعات داكشي لي بقا من كرامتها و مشات . القحبة لي بقات عند الذيب : ههههههه بب شتيي كيدااار ليها . الذيب ما جاوبهاش هي سرطات القمعة و صقلات. الذيب سالا كاس ديال الشراب و ناض هي تبعاتوا بلا ما يدوي عارفة فين ايمشيوا و اش ايديروا. هذا هو الذيب كيعرف البنات غير فالليل عمروا عقل حتى على سمياتهم . زريقة وصل الدرب طلع لداروا طلع لسطح بقا ينقز من السطوح حتى وصل سطحها و هبط منو عندها حيت ديما كيخليو بابا د السطح محلول. هبط عندها حل البيت الضو ديال الزنقة ضارب فيه داكشي لاش مضوي يلاه بغا يتخشا حداها بحال ديما حتى تتبان ليه شي وحدة ناعسة حداها بدا كيسب فخاطروا: شهاد القلاوي هادي شتدير هنا . طلع ليه الخز حيت مولف ديما كيجي ينعس حتى كيقرب الصباح و كيمشي قبل ما تفيق ولكن هاد المرة حرماتها عليه هاد المصيبة كيما سماها هو شاف حتى عيا هبط باسها فراسها و دوز على شعرها بيدوا و رجع لدارو ينعس فيها وهو كيسب فبنت عمها .

🤍 نهاااار جديد اصبحنا و اصبح الملك لله ✨
فاقت ياسمين تتكسل و تتحس بشي ثقل عليها ضارت لقات سلمى لايحة عليها رجلها ياسمين : اويلي هادي شتدير هنا . بقات شحال عاد تفكرات راها هي لي ناعسة ليها فبلاصتها ناضت بشوية بش ما تفيقهاش مشات لبيتها غسلات و جها و سنانها قادات حالتها لبسات سروال بيض مطلوق و صوفيطمة ديالو و زادت بينوار حتى هو فالبيض و سداتوا ياسمين : الله على مزيناتي هههه . توضات و صلات و هبطات التحت حلات الباب طل بانت ليها الزنقة تتصفر هذا هو حال الاحياء الشعبية ما تتبدا فيهم الحياة حتى 12 . سدات الباب و دخلات لقات نعيمة و فاطنة فايقين و كيوجدوا فالفطورنعيمة : صباااح النور بنيتي الغزالة ناضت. ياسمين : ههههه صباح الخير مي نعيمة كيصبحتوا. فاطنة : مزيان و نتي ا بنتي نعستي مزيان ؟ نعيمة : ياااو مالها لي ما تنعس مزيان عندها الزهر البارح ما ناضت تا مضاربة . ياسمين : هههههه و تفووو كنت باغاها تنوض . نعيمة نغزتها بالعكاز: دوزي دوزي يحسابني بعقلك ساعة كيفك كيف ديك عزري دوار فين هي بعدا. ياسمين : خليتها ناعسة راه اصلا باقي الحال يلاه 10 نعيمة : 10 العيالات الحرات القادات راه وجدوا الفطور و سيقوا وقادوا و كينصبوا الغدا گالاك بكري . فاطنة : تييي بعدي من البنات راه غير العطلة شبغيتي يديروا ياسمين صبري تفيق سلمى و سيري جيبي نتي و ياها الخبز و الحليب . ياسمين : واخا الميمة. نعيمة مشات جلسات فالصالون و عيطات على ياسمين: زيدي زيدي بنيتي الغزالة و المأدبة و المرزنة و الحشومية شتيييي تييي راه حسن ليا منهم كاملين . ياسمين بدات كضحك شي واحد فبلاصتها غايفهم بلي نعيمة باغا شي حاجة و لكن هي راه قلت ليكم غير هبيلة : ربي يخليك ا مي نعيمة تانتي عزيزة عليا والله . نعيمة : و سمعيني ا بنيتي الغزالة الفنة داك الشيفور لي وصلك البارح ما عرت كتي گلتي عمك نير ولا ما نعرف . ياسمين : ااااه عمي منير مالو . نعيمة بدات تقاد فزيفها: يااو والو غاا هو و كان مزوج . ياسمين  باقا ما فهمات نعيمة شباغا: هاء لا لا محال مسكين علاش ؟ . نعيمة تدور فعينيها: لا والووو ا بنيتي غا هو راجل قدو مسكين و ما مزوجش باينة فيه وحداني و خاص لي تونسوا ياك . ياسمين مشات معاها فالخط و بقا فيها تاهي : اه والله الا بصح عمري فكرت فيه مسكين و شنو الحل نقلبوا ليه على عروسة ؟ نعيمة فرحاااات قالت راه صافي فهمتني شبغيت: ايييه  ايييه ا بنيتي و تكون مرا ديال الزمان و تحن فيه و تهلا فيه . ياسمين : اهههه عندك الحققق انا انقول لبابا يشوف ليه مع خالتي لطيفة. نعيمة كانت فرحانة تتسناها تقول سميتها حتى سمعتها قالت لطيفة. نعيمة ضربتها بالعگاز دقة ديال الصح كانت اتفلعصها: نوضيييي حيدي عليا من هنا القردة لييي گالتها لك من الصبيح وانا نشكر ليك فراسي و تيي باركا عليا لطيفة نوضيييي الله يلگيها ليك . ياسمين ما عرفت راسها باش تبوقلت عاد فهمات: دبا نتي من الصباح و نتي تشكري فيا و داكشي غير حيت باغا تزوجي بيه ههههههههه وبدات تتمرغ بالضحك . نعيمة حشمات: و علاه مالك فين يلقى بحالي هااا المعقول و الزين و الحداگة ياسمين غير تضحك نوضي نوضي بعدي مني راه قالوها لي تصحر مع البعالك يصبح فاطر . فاطنة : ا مااالك ا نعيمة . نعيمة : مالييييشاي ليي دايرة راسي فالمنونخة د بنت ولدك فاطنة بقات ضحك . سلمى بقااات على خاطرها حتى 11 عاد ناضت شعلات تيلي هو الاول صيفطات ليه صباح النور بانت ليها وصلاتوا وهي تصوني هو كااان ناعس على كرشوا كيحلم حتى سمعوا كيصوني غادي يبدا يسب حتى بانت لييه هي وهو يجاوب صوتوا باح بالنعاس : الزيييين ديالييي فاقت سلمى تبسمات : هههه اه و بغيت نصبح عليك . زريقة : اححححح باين النهار كفاش ايدوز من لي بديتوا بهاد الصويت . سلمى كضحك : هههههه نوض باراكا من التعناب . زريقة : راه ما ناعس تا الربعة غاشوية ونوض سلمى : واخا واخا مهم انا مشيت زريقة : اجييي اجي ما نسيتي والو ؟ سلمى : ههههه كنبغيييك ماااااح . زريقة : الله على بوسة كنحماق عليك انا . قطعات معاه ناضت غسلات و جها و قادات حالتها لبسات سروال مقطن باج سخوون مع تريكو ديالو تاهو مقطن باج وفيه دبدوب بني الوسط. توضات صلات و هبطات لقاتهم جالسين فالصالون فاطنة قدام الصينية و حداها نعيمة و ياسمين مربعة فوق الصداري تتسرط . نعيمة: لولروروروي على السلامة العروسة ناضت . فاطنة: الله يا بنيتي الله و المدرسة قربات معولة تبقاي تفيقي حتى لهاذ الوقيتة . سلمى : واا الميمة المدراسة باقا ليها سيمانة كبي كبي شي كاس د اتاي و مشات جلسات حدا ياسمين تييييي البارح مخلية بيتك قداش وجاية تزاحمي معايا . ياسمين : هههههه و راه داتني عيني خنزرات فيها و جلسات تتندغ حداها.
الذيب فاق من النعاس فالاوطيل دار كيلقا البلاصة لي حداه مخربقة يعني كان ناعس حداه شي واحد و باينة شكون نااض من الفراش مشا دوش لبس حوايجوا و هبط مشا فحالوا . ديما كيجيب بنات الاوطيل غير كيسالي معاهم كيلوحهم ديك الساعة ما كيخليهمش حتى يدوشوا عندوا و الا فاق ولقى شي وحدة حداه و مشاتش بحالها غير تشهد على روحها هادشي الا خلاها تشهد .