من الأسلحة إلى الورود 🖤🥀

Part 3

🐺 عند الذيب 🐺
طلع لدار و طالع لييه الخز حيت ديما كيرد بالوا كفاش هاد المرة زعما يكون شافوا شي واحد جالس كيسب بينو وبين نفسوا حتى وصلوا مساج من عند زريقة . عاد تكالما طل من البالكون ديال داروا تتبان ليه بنت هبطات من اللوطو تتنقز ما قدرش يشوف وجها حيت مع هبطات تجمعوا عليها العيالات بقا كيحاول يشوف ولكن والو . الذيب : انا مالي اصلا لاش باغي نشوفها تمشي تحوااا خلعتنا. دار مناقص من شي خروج و تلاح فوق صداري عيط لزريقة : شوف يااا اطلع تقود ندويو يا انهبط نثقب لييك دوك العينين ليي حاضيهم بيها . زريقة اصلا كانت سلمى دخلات اما والله ما يطلع ليه: صافي صافي تهدن هاني طالع . نخليو هادو يدويو و نمشيو لدار فاطنة كانوا العيالات مجمعين فوق الطابلة وحاطين الدجاج و الموناضا ياسمين جالسة حدا سلمى و كياكلوا نعيمة : كولي ابنتي كولي ما تحشميش. هنية : قولي اي ابنيتي لاش جيتي . هاد المرة ضربتها نعيمة بعكازها قدامهم كلشي تكرشخ بضحك نعيمة : ياويييلي على علاش جاية تي مالها جالسة عندك الالة ديها فراسك اويلي على علاش جاية . ياسمين غالباها الضحكة : لا امي نعيمة هههه غير خليها والو غير من ليي سمعت سلمى دوزات الصيف هنا و اتبقى تولي تقرا هنا عند الميمة لصقت بابًا تانا بش نجي و هو خلاني . سلمى : ياختشي التابعة ياسمين خبطاتها من التحت . زهيروا: بنيتي ياسمين سمعت باك بوليسي ما تشوفيش ليا معاه ينقص لولدي. رحيموا: اييه اييه تانا تانا ابنيتي واحد الكارط ما بغاو يطلعوها ليا ما تشوفيش ليا معاه . نعيمة : هاوييييييلي ندب هك و لا هك توما وش جهلتوا البنت باقا تا ما جلست بديتوا عليها بضواساكم اويلي على ينقص ليه ياكما قالك باها عندوا سوارت د حبيبيس كلي كلي ا زهيروا و نوضي لخيمتك . ياسمين و سلمى عياو حابسين الضحكة و هما يطرطقوا. مهم بقاو مقشبين و ضاحكين و ياسمين عاجبها الجو .

🏠 نرجعوا الفيلات 🏠
فواحد الفيلا كيييرة يجري فيها الخيل جالس مهدي و حداه مرتوا عويناتها عسليين منفوخين بالبكا. مهدي : نسرين وا صافي باراكا راه تقهرت انا قلنا ليك هداك نسايه بحال الا عمرو كان عندك بنتك و ولدك ربيهم ما يخرجوش بحالوا ونساي هذاك . نسرين : و راه ولدك هذاك ولدك علاش قلبك قاصح بحال هكا انا ماشي ولدي و كيبقا فيا وش نتا مريض . مهدي طلعات ليه الخز: نسرييين صافيييي هاد الموضوووع يتسد هذاك ماشي ولدك يعني ديها فولادك. كانت غادي تجاوبوا ولكن دخل ولدهم امير ( 19 عام طويل شهب وعينيه عسليين بحال ماماه ) . نسرين : حبيبي جيتي ياك كنتي مسافر . امير : مشيت نودع ياسمين باباها صيفطها لواحد الحي قالك حيت جداها مريضة. نسرين : اااه ديك البنيتة ضريفة سبحان من صورها . مهدي : هذاك يوسف راه غير كيخربق مصيفطها تما وهي غير هبيلة . امير: و بعدا كيخاف عليها و كيدير ما فجهدوا بس يعاونها . مهدي : شبغيتي تقول دبا مالي انا ما مسوقش ليكم كنخدم ليل ونهار بش لي طلبتوها تحضر وفلخر جاي تحل عليا ففمك. امير ما جاوبوش طلع لبيتو نسرين : رخف على دري راه يلاه عرف و راه ما قادرش يتقبلها. مهدي : يتقبلها ولا لهلا يتقبلها انا راه باه يحتارمني. داويين وهي دخل بنتوا ايناس ( 20 عام طويلة بيضة رقيييييقة شهبة عينيها خضرين هي و خوها توام) : بااااابااا توحشتتتتك مشات عنقاتوا. مهدي عنقها وباسها: شفتي الولاد د بصح بحال داك المقمقم د ولدك. نسرين واخا كانت مقلقة ولكن من لي شافتوا هكا مع بنتوا ضحكات : وااا باز اشغنقولك مالو ولدي بوحدي . مهدي : خارج ليييك تعرفوا غير للنگيير و البكا شوفي البنات شوفي خارجة لباها و باسها فراسها . جالسين مناگرين و ضاحكين حتى سمعوا الدقان مشات الخدامة تحل و هو يدخل راجل كيبان قدو قد مهدي شادة فييه مرتوا و من وراهم بنتهم نهاد و ولدهم هو الصغير فالعائلة ديالهم كريم . مهدي وقف : اهلا اهلا بخويا العزيز وعنقواا. زهير ( 47 عام طويل سمر ملامحه مرخوفة وجهو مبشور و باينة فيه حنين ) : توحشنااااك اودي ا سي مهدي . نسرين مشات عنقات مرتوا كنزة ( 44 عام عويناتها زرقيين و باينة فيها حنينة بحال راجلها) : كيف كانت التسافيرة ديالكم. كنزة : ما نعاود لييكش اختي نسرين رتاحينا بزاف من الستريس د الخدمة و القراية و تركيا ما كنتش باغاها فالاول مشيت غير حيت نهاد لصقات عليها راك عارفة ولكن صراحة زوينة . نسرين : مشيتي زرتي عثمان كوزان هههههه . كنزة: ههههههه الله يمسخك زيدي زيدي نعاود لييك. مهدي : زيدوو عند عمكم نسيتوني. نهاد : مشات سلمات عليه و هي كضحك : توحشتكم بزاف والله . كريم : عمووو عرفتييي اناااا صگت لوطو بوحدي وحنا جايين. مهدي : هاي هاي تبارك الله على ولدي السبع و عنقواا. هذا هو كريم ( 16 عام طول ديالو مناسب لعمره عينيه بنيين بحال باباه و شعرو كيعجبوا يطولوا و سميمر بحال باه) و نهاد ( 22 عام رقيييقة لفعة عينيها بنيين و بيضة و ما تتخليش دقتها تتعطيك الوجه الزوين ولكن ما تتعرفها علاش مطوية) .نهاد : حبيبية ايناس كان خاصك تشوفي تركيا كيدايرة واعرة ما نعاودش لك. باغا تفقصها حيت عارفاها دوزات الصيف غير فالمغرب ايناس: اه ايوااا بصحتكم ا حبيبة اصلا بابا واعدني هاد العام انمشي لمالديف.
نهاد : يلاه معاي نوريك شنو خذيت و لي فوطو لي تصورت . كريم : ما كاينش امير ؟ . مهدي : راه اولدي الفوق طلع عندوا. كلهم مشاو و بقا غير مهدي و زهير فالصالون . زهير : ما سولتيش فيه . مهدي : زهير صافي داك الموضوع سديتوا داك الولد بحال الا ما ولدتوش. زهير : هادشي ليي كدير فيه راه ما يبغيه لا ربي لا عبدوا وش تتحاسبه على ذنب هو ما داروش. مهدي : زهييييير سالينا داك الموضوع اتسدوووووا و كلها يديها فحياتوا فبلاصة ما تنصحني سير نصح راسك الا نسيتي راه حتى ولدك معاه . زهير : انا ولدي ماشي نافيه من حياتي راه كيعرف خوتو وخوتو كيعرفوه هو بغا يعيش تما وانا مخليه. مهدي : على من تتكذب بجوجنا عارفين بليي ولدك من لي عرف باه الحنين و الظريف كيتاجر بحياة الناس مشا وخلا ليك الدار . زهير وقف : مهدي حدك تما راك عارف خدمتي تتوجب عليا هادشي وانا ماشي الوزير الاول و لا اللخر ليي كيدير هكا . مهدي : ايوا فبلاصة ما تنصحني على كفاش كنتعامل مع ولدي سير شوف علاقتك نت الاول مع ولدك .
💅 عند نهاد و ايناس 💅
ايناس : امممم خوك و باباك باقي مخاصمين . نهاد ما تصدماتش ولفات تبقى تسولها عليه عارفاها تتبغيه من لي كانت صغيرة ولكن هو عمروا داها فيها ديما كانت تتبان ليه بحال ختو الصغيرة ونهار خرج من الدار خرج بمرا كيعيط يسول فموا و خوتوا مرة مرة صافيي. نهاد تتشوف فتصاورها وتتهدر : همممم غير نساي عليك هذاك راه انا ختو و ما كيديهاش فيا بقيتي غير نتي . ايناس : ا انا ر راه غير سولت ما قصدت والو . نهاد : اه اه حبيبة وش كتكذبي على راسك ولا عليا راني عارفاك تتبغيه ايناس تنهدات و صافييي طلقيها تسرح اجي نتي بعدا سمعت بابا و ماما كيدويو قالو ليا عندك شي خوك من باك بصح ؟؟ ايناس: هاء ا اودييي قصة طويلة تانتي مي وي بصصح . نهاد : عندك شي تصويرة ديالو نشوفو لمن كيشبه. ايناس : اه صبري صبري نعطيك انسطا ديالو. وراتها تصويرتو عينيها خرجوا نهاد : واااااو ا صحبتي هذا كامل خوك وااا غير عمي صافييي تبارك الله . ايناس بغات ترد ليها الصرف : هاء وا حبيييبة انسااايه عليييك الا كان خوك نتي مره مره كيسول فيكم هذا راه ما كرهش كنيتوا يبدلها بش ما تبقى حتى حاجه تربطوا بينا . نهاد خنزرات فيها و رجعات تتشوف فالتيلي .