من الأسلحة إلى الورود 🖤🥀

Part 52

عند رياض
كانت راكبة وراه فلموطور ومزيرة عليه من كرشوا وهو غادي طاير حتى حس براسو بعد بزاف على البار ووقف كانت بلاصة خاوية نوعا ما هبط من الموطور ووقف حداها هي حيدت الكاسك تتشوف فيه : مالك علاش وقفتي رياض جاوه ملامح وجهها مألوفين ولكن ما حكرش نطق بابتسامة لعوبة: علاش ا زين باغاني نديك معايا الدار هي خنزرت فيه : احترم راسك راه غير سولت رياض طانز : واشتك باقا جالسة هي باغاني نديك معايا هي هبطت دغيا ولاحت ليه الكاسك ديالو على صدرو هو تطوا وبدا كيضحك : هههههه واا غااصبريي ماالك على سببة هي تمات غادة مخلياه هو تبعها دغيا جرها من يدها وضارت تتشوف فوجهوا: اضاحك معك الزين قولي فين داركم وطلعي نوصلك هي ربعات يديها : وشنوو ليي يخليني نتيق فيك رياض دار يديه ورا راسو : والله صراحة ماعندك حتى اختيار اخر يا غاطلعي معايا يا بقاي هنا هي بدات تضور فعينيها كان غير الخلا والظلام رياض كيضحك: هههه الا بغيتي رأي ديالي الاختيار الاول حسن

هي شافت فيه : واخا انمشي معك ولكن تفكر دير ليا شي حاجة رياض قاطعها مطلع حاجبوا: غاتهرسي ليا قرعة د شراب فراسي هي ميقات فيه : امم بحال هكاك  رياض ضحك : ههههه زيدي زيدي فين تتسكني بعدا هي تبسمات وطلعت رجعت وراه وقالت ليه فين : اجي بعدا شنو سميتك رياض طلع حاجبوا: اممم وعلاش باغا تعرفي هي ميقات : رااه غير سولتك مال نيتك ناقصة يااه على بنادم رياض تبسم : رياض سميتي رياض هي : اممم متشرفين رياض : ايوا نتي ماغاتشرفيناش هي كانت مضورة يديها عليه حيت غادي بزربة وخافت طيح حيدات يد وحدة من كرشوا وهزاتها قداموا بحال الا باغا تصافحه: ايناس هو تبسم وسلم عليها بيدو : اممم اينااس مزيانة ايناس ضحكات : ههههه وراه زوينة مالك رياض : تانا ماقلت والو بقاو غادين مرة يتناگرو مرة يضحكوا حتى وصل لبلاصة لي قالت ليه كانت عامرة ڤيلات ايناس : صافي غير وقف هنا رياض : قولي شمن وحدة داركم نحطك قدامها ايناس تنهدت وبقات تتنعت ليه حتى وصلها هو جاتو الدار مألوفة ولكن ماحكرش اصلا

گاع الفيلات كيتشابهوا وقف الموطور وهي هبطت ضارت تتشوف فيه هو كان كيشوف فالفيلا حرك راسو وشاف فيه : اممم بنت فحالك شكدير فالبيران ايناس تبسمت : كنمشي ندير داكشي لي كنتي تدير رياض طلع حاجبوا: ت*وي القحاب ؟ ايناس وسعات عينيها وخبطاتو: الله يمسخخخككك تفوو رياض ضحك : هههههه صافي صافي ريلاكس الزين ايناس مدات ليه الكاسك ديالو : مهم شكرا بزاف حيت ماخليتينيش تما رياض : اممم مانستاهلش شي كادو ؟ ايناس عقدت حجبانها: بحالاش ؟ رياض مد ليها التيلي ديالو : وايلي زعما تتفهميها طايرة هي ضحكت ليه وخذات من عندو التيلي دخلت نمرتها: مهم تصبح على خير كانت غادة وجرها من خصرها دغيا قرب باسها فحنكها قريب لفمها: هادي هي تصبح على خير لي كنعرف يلاه رولي لداااركم  هي تصدمت من فعلتوا حيت زرب عليها تبسمت ليه ومشات دخلت طلعات هو بقا كيشوف فيها حتى مشات وديمارا موطورو مشا فحالو كيضحك