من الأسلحة إلى الورود 🖤🥀

Part 69

⛓في الديبو⛓
كان رياض و الذيب جالسين كيشوفو في السكفاندري والدري لي ناعسين معلقين رياض عقلوا ماشي معاه كيشوف فيهم وساهي الذيب شاف فيه ونطق ببروده المعتاد : خرج رياض فاق من سهوته وشاف فيه مستغرب : كفاش ؟ اذيب بحدة : قلت لك خرج رياض ماعاودهاش معاه عارفه ما كيتفاهمش رياض غير خرج الذيب وقف قرب لسكفاندري لي وجهوا گاع منفوخ ودم شاف في الگارد لي واقف على راسه ونطق : فيقوا الگارد هز سطل ديال الما كان حداه وخواه عليه السكفاندري قفز وحل عينيه كيترعد الذيب تبسم باستهزاء وربع يديه : ياكما بارد ؟ السكفاندري غمض عينيه وعاود حلهم

كيحاول يستوعب ويتفكر شنو واقع الذيب طلق يديه ورجع لملامح وجهوا الجامدة : شكون لي خدمك السكفاندري شاف فيه باستغراب : ق قلنا لك هاديك البنت الذيب قرب ليه ونطق بفحيح: شكون كان معاها السكفاندري توتر ولكن حاول يخفيه: ح حتى واحد اش تتخربق الذيب شاف في الگارد لي فهموا غير من عينيه ومشا جاب السوط حامي السكفاندري شافو كيقرب حداه وهو يبدا يتفتف: ش شنو باغي دير الذيب ماجاوبوش والگارد غير وصل حداه نزل عليه بشحطة لظهر حتى طلقها بغوتة احباله الصوتية كانو ايخرجوا الذيب بملامح وجهوا المعتادة : شكون كان معاها السكفاندري شاف فيه مخنزر ووجهوا حمر بالدقة حتى الگارد هز يدو وعطاه دقة اخرى

السكفاندري غوت مرة اخرى وعض على شفاهه بألم الگارد فاش شافو ماهدرش بدا كيعطيه بجهد كثر من الدقات الاخرين كيضرب فيه بحال الا كيضرب فشي بطانة. الذيب كان غير واقف كيشوف فيه كيتعذب قدامو حتى غوت السكفاندري بألم :..صافي ..صافي انا انهدر الذيب دار حركة بيدو لگارد بش يحبس وشاف في السكفاندري لي كان كيشوف فيه ونطق : م ماكانتش بوحدها الذيب ساكت كيشوف فيه بمعنى كمل السكفاندري سرط ريقوا كيشوف فيه وساد صمت بيناتهم الذيب كيتسناه غير ينطق السمية لي باغي يسمع والسكفاندري كيشوف فيه ماعارفش شغايقول حتى كسر داك الصمت صوت تيلي لي صونا الذيب عقد حجبانوا حيت ماشي ديالو وهز راسو في الگارد

لي بدا كيقطر بالخلعة جبد تيلي من يدو ومدو ليه : د ديال هذا خذيناهم ليهم البارح وبقا عندي الذيب شاف فيه مبرد وخذاه من يدو ظهرت على ملامحه ابتسامة باهتة فاش شاف شكون كيصوني: بان ليا لي معاها ماصبرش حتى تنطق سميتوا السكفاندري وسع عينيه بصدمة: ل لا راه ماشي كيف.. سكت فاش الذيب جاوب على التيلي وتسمع صوتها من الجهة الاخرى : السكفاندري ؟ علاش ماتتجاوبش من الصباح وانا كنصوني ليك ؟؟ بصح تلاقيتي مع ديك ياسمين ؟ الذيب زير على يدو غير من ذكر سميتها وقرب تيلي لسكفاندري لي بقا ساكت حتى عاودت نطقت هي وكان باين الشك والقلق في صوتها : ولاش ماتتجاوبش شنو وقع السكفاندري حس بسلاح تحط على راسو كان الگارد و شاف في الذيب لي مبرد شاف حتى عيا سرط ريقوا ونطق :

لا والو غير مبرزط نهاد تنهدت براحة فاش هدر : وشنو طرا بصح تلاقيتي معاها ؟؟ السكفاندري كيشوف في الذيب وكيهدر:ا..اه نهاد : ايوا وشنو وقع اصلا لاش مشيتي تلاقا معاها السكفاندري : حيت نتي وديك لي معاك كنتو اتخويو بيا اللهم ناخذ من عندها هي الفلوس ونهرب فحالي نهاد : وخذيتيهم السكفاندري نسا راسو : لا بنت القح.. زعما لا عيطت ليا البوليس نهاد وسعت عينيها : اوييلي بنت القحبة وشنو درتي السكفاندري كيشوف في الذيب لي ملامح وجهوا تبدلوا: ه هربت شنو اندير نهاد : مهم تحصل ولا شي حاجة راك عارف انا نساني منك ل ايناس اصلا ديك ختنا مابقاتش عاجباني السكفاندري يلاه ايجاوب الذيب قطع ولاح التيلي للگارد لي شدو السكفاندري باقي كيشوف في التيلي لي تلاح حتى حس بقبضة يد الذيب نزلت عليه الوجه