من الأسلحة إلى الورود 🖤🥀

Part 20

وصلات ياسمين الدار طالع ليها الدم لقات سلمى يلاه حطها زريقة سلمى تعلات باستوا وهو عنقها وباسها فراسها ضحكات بلا ماتحس فرحانة لبنت عمتها عارفاها شحال عانات مع ماماها وباباها لي عمروا حسسها بوجوده ولكن دبا ربي عوضها بزريقة يقدر مايكونش مثالي ولكن كيبغيها وهادشي باين من عينيه قبل من فعايلوا سلمى ضارت لقاتها تتشوف فيهم مبتسمة ودعات زريقة ومشات عندها ودارت خمسة بيديها فوجها : خمسسسسة وخمااامسسس كيمااا شتييينااا تخلييناا ياسمين ضحكاتها واخا طالع ليها الدم : دوزييي دوزييي بقييييتييي ليا غانتييي تمشاو كيدويييو سلمى : فين سندس علاش ماشي معاك ياسمين تنهدات : جاتاني الذيب وداني معاه سلمى : اوييلييي هذا جهل وش ولييتي تتبانيي ليه غير نتي ولا كفاااش ياسمين تفكرت فاش قاليها سميتوا يحسابها بصح كتهموا ضحكات على البلاهة ديالها : تيييي صافييي اصاحبتيي سلمى : اصلا صافييي دويت مع زريقة يودييي معاه مايعاودش يقرب ليك ياسمين حركات ليها راسها ومشاو حتى وصلوا الدار

دخلوا كانت نعيمة تتفرج فمسلسل تركي وحداها فاطنة : يااا يلاااه طفااات عليكم الشمعة سلمى : واا هذا هو الوقت اصلا اليوم عندنا عشية خاوية ياسمين حيدات سبرديلتها وشكارة وتلاحت فوق صداري تنعس نعيمة شافت فسلمى : تييي الدرية مالها ؟ سلمى ضحكات : ههههه وااا راه كان عندنا السبووور سخفهاا فاطنة: اييش هو هاد سبور ثانيي سلمى : الرياضة امي الرياضة نعيمة : وقووولووو الرياااضة يااه مابقيييتوووش راضيين بهدرتنااا سلمى مشات الكوزينة تقلب على ماتاكل وياسمين نعسات

فالفيلا
كانت غير نسرين وكنزة لي جالسين فالصالون كيدويو لاخرين كلهم مشاو الدراري لمدرستهم وزهير ومهدي مشاو لخداميهم نسرين : متشوقة بزاف نشوف الجمعية كفاش غاتولي من ورا الاصلاحات كنزة تتشرب من فنجانها: اممم حتى انا خاص الناس كاملين يعرفوا بلي حنا كنساهموا فمساعدة الناس نسرين : اجيي ماجاتكش هاديك الرئيسة بحال الا وجهها مألوف؟ كنزة : لاا بمرة ولكن تقدري تكوني فايت شفتيها فشي مجلة حيت راها مشهورة بالاعمال الخيرية لي كدير نسرين : اهاه ايوا سبحان الله باقي الناس فيهم الخير كنزة ضحكات : هههه شمن خير حتى نتيي راه باغا تبان زعما حنينه وداكشييي نسرين : امم ماتعرفي انا بانت لي بصح باغا تعاون الاطفال كنزة : كلهم كيبانوو هكاك فالاوول نسرين نسولك وماتقلقييش منيي نسرين شافت فيها : وي مرحبا سولي كنزة : ماعمرك عاودتي جبدتي الموضوع ديال حسناء مع مهدي ؟؟ نسرين كانت تتشرب وحلات ليها : اوووح اووح علاش تتسولي اش فكرك فيها ؟؟ كنزة : والووو غير كفاش عمرها رجعات تسول على ولدها وش كاينين شي امهات هكا نسرين خنزرات فيها وناضت : داك الموضوع تسد وكنظن ماعندكش الحق تسولي فييه حيت ماكيخصكش.

عند حسناء
كانت خارجة تدور هي وليلى ومعاهم دانيال حيت باباه وخوه مشاو للشركة وهو بحكم انو ماقاريش مشا مع ماماه حسناء : صاحبتي عرفتي شحال توحشت الاجواء ديال المغرب والله يكذب عليك كذاب ماكاين ما حسن من البلاد ليلى تبسمات ليها : هههه وييه وانتييي لي مغربة 20 عام بزااف گاع حسناء : راك عارفة شكاين ليلى حركات ليها راسها وهو يوقف عليهم دانيال هاز ليهم داكشي لي شراو: مااماا وااا عييت يلاه نجلسوا غير شوية ليلى ضحكات : هههههه تقلنا علييك زيد زيد نيت بش تقصاح دانيال هز يدو يوريها العضلات : رانييي قااااصح حسناء وليلى ضحكوا: قاصح قاصح غير زييد دانيال : خالتي ليلى فين بناتك من لي جيت ماشفتهم ليلى : فالمدرسة حسناء : كيقراو ماشي بحاالك دانيال : وااا راه بابا لي ماسجلنيش بكري اجي خالتي ليلى دبًا الا دخلت نقرا انقرا مع بنتك ؟ ليلى : لااا بنتي تحولات وهي تفكر ايناس وامير لي كيقراو فنفس المدرسة شافت واحد المحل : ولدي دانيال سير شوف ليا هاديك بشحال هو مشااا وهي جرات حسناء : وش فراسك ولاد مهدي كيقراو فهاذيك المدرسة حسناء تصدمات : وشش داوية بصحح ؟؟ ليلى: اااه حسناء ضوراتها فراسها : ومن بعد اصلا ولادو ماكيعرفونيش ومرتوا راه شافتني ومادات ماجابت ليلى : وانا غير بغيت نعلمك جا دانيال: خالتي قالك 300 درهم ليلى : صافي غير زيد مابقيتش باغاها وكملوا كيضورو