من الأسلحة إلى الورود 🖤🥀

Part 22

عند دانيال
وصل المدرسة بلوطو ديالو بلاصاها وهبط داير نظاظروا كحلين وكيتمختر البنات والدراري كلهم كانو حاضينوا حيت حافظين بعضياتهم وهذا جاهم جديييد هو دخل مشا نيشان الادارة عطاوه القسم لي غايقرا فيه ودخل كان فنفس القسم مع ايناس وامير دخل ومعاه المدير هما شافو المدير كلهم وقفوا احتراما ليه عاد جلسوا: استاذ اسف على المقاطعة ولكن عندنا تلميذ جديد نخليه هو يقدم ليكم نفسوا دانيال دخل حيد نظاظروا بانو عينيه الخضرين وهدر : سلام انا دانيال گوستاڤو 19 عام اول عام ليا معكم فالمغرب وتبسم فالاخير المدير : نبغيكم ترحبوا بييه وتعاملوه بحال واحد منكم وشاف فالاستاذ نخليك تكمل الدرس ديالك خرج هو الاستاذ وقف حدا دانيال : مرحبا بيك معانا جلس هنا كانت بلاصة حدا امير فالطاولة الاولى دانيال مشا جلس حداه والاستاذ كمل الدرس امير مد يدو لدانيال : امير دانيال ضحك ومد ليه يدو : دانيال امير : مشرفيين وش بصح اول عام ليك هنا ؟ دانيال دار ليه براسو اه امير : الدارجة ديالك ديال واحد عايش هنا دانيال ضحك : ههههه حيت ماما مغربية وعندي صحاب مغاربة كندوي معاهم بيها امير : هي حتى انا دبا وليت من صحابك دانيال : وييه الساط زربتي عليا امير ضحك الاستاذ شافهم : دانيال باقي حتى ماسخنتي بلاصتك بديتي بالشغب القسم كامل ضحك وهو حك راسو بحرج: ههه كنعتذر.

عند نهاد
كانت يلاه وصلت الشركة دخلت لقات خالد كاين زادت خنزرت اصلا هي خارجة طالع ليها الدم هو شافها وهدر : لا لا تبارك الله اجي نتبادلو ولي نتي المديرة هي ماجاوباتوش وجلسات فمكتب ديالها خالد ناض عندها : راه واقيلا دويت شهاد التعطيلة نهاد زفرات بسخط: راه ماعندنا والو اليوم اصلا خالد : لا الالة عندنا مايدار واخر مرة تجي معطلة ولا سيري قلبي على بلاصة اخرى ديري فيها السطاج نهاد خنزرت فيه : واقيلا ناسي بلي نت كلك راك خدام عند بابا خالد : ونتي ناسيه بلي راك نتي كلك خدامة عنديي ناض المكتب ديالو وخلاها نبغيي دبا يوصلني دوسي بگاع الصفقات لي جايين مع قهوة تكون  قاصحة وبلا سكر نهاد : من نيتك انا سكريتير ماشي خدامة عندك بغيتي القهوه نوض ليها خالد : الا بغيتي تبقاي سطاجير تهزي ديري شقلت لييك نهاد ناضت تتسب فيه وفباها لي دخلها لهادشي النهار الاول خالد كان فرحان من الداخل حيت كيعجبوا يعصبها ويفقصهاا.

عند حسناء
كانت جالسة فبيتها من ورا ماقادات الدار وتأكدات من ان الجمعيات كلهم غادين مزيان كانت شادة ألبوم ديال الصور فيدها وعينيها مدمعين كانت تتشوف فصورتها مع واحد دري تكون عندو ديك ربع سنين كانو فالبحر جالسين فالرملة كيصيبوا قصر وصور اخرى ليها مع نفس الدري جبدات واحد الصورة كانت فعيد ميلادو هي واقفة حداه تتقطع معاه الگاطوو وبجووج فرحانيين عنقات ديك الصورة وبدات تتبكي وتشهق : لؤي ولدييي هئ هئ فيينك اولديي فيين بقات معنقاها وتتبكي 20 عام وهي بعيدة عليه حتى صورة ليه وهو كبير ماعندهاش اصلا ماعارفاهش حتى وش حي ولا ميت بقات تتبكي تما حتى صونا ليها التيلي كان نيكولاس مسحات دغيا دموعها وجاوبات نيكولاس : مرتييي الغزاالة غاتكوووني قنطتيي فالدار حسناء ضحكات تتحاول ماتبينش راه كانت تتبكي : هههه ااه نيكولاس : شبانلك ندوز عندك ونمشيو بجوج نتغذاو فشي بلاصة غير انا وياك همم ؟؟ حسناء ماتتبغيش تخسر ليه خاطروا : صافيي واخا احبيبة انا انوجد راسي ونتسناك وقطعات معاه ورجعات تتشوف فالصورة ديال لؤي : غانلقااك اولدي غانلقاااك.