من الأسلحة إلى الورود 🖤🥀

Part 7

🌺 اصبحنا و اصبح الملك لله 🌺
🏠 في الفيلا 🏠
فاقوا بكري و تجمعوا فوق الطبلة بش يفطروا فالراس ديال الطبلة كاين زهير وحداه على الليمن مرتوا كنزة و الليسر بنتوا نهاد و حداها ايناس و الراس لاخر ديال الطبلة فيه مهدي على الجهة اليمنى كاينة مرتوا نسرين و الجهة اليسرى ولدو امير حداه كريم . كريم : بااابا باقي ما شريتش شنو خاصني المدرسة . ايناس و نهاد قد قد : تاااحنا كنزة و نسرين بداو كيضحكوا: هههههه صافي اليوم نمشيوا نخرجوا و نديوكم نهاد : لا لا ا ماما بغيت نمشي غير انا و ايناس بوحدنا عفااك ايناس : اه ا ماما عفاك . نسرين : صافي واخا ولكن غادي يمشيو معاكم الگارد و نت ا كريم تمشيي معانا ؟ كريم هز راسو باه وهي دارت شافت فولدها امير لي غير كيشوف فطبسيلوا و ما كيدويش معاهم : ولدي امير ونت ؟ امير هز عينيه فيها : غانمشي من بعد باقي الحال مهدي : شمن حال باقي 6 ايام عندك نت بزاف ؟ نسرين : صافي ا مهدي عفاك خليه على خاطروا امير ناض طلع لبيتوا زهير: كيبان ليا علاقتك بولدك متوترة مهدي خنزر فيه : هانتا قلتيها علاقتي بولدي نت مالك ؟ زهير ما جاوبوش و لاخرين كاملين استغربوا حيت هما كلهم عارفين شحال كيحتارم خوه و عزيز عليه نسرين بغات تلطف الجو : ههههه وااا البنات نوضو يلاه توجدوا بش نمشيو. كنزة : اه اه يلاه ا ولدي كريم حتى نت . و ناضو مشاو كاملين بقا غير مهدي و زهير مقابلين زهير : شعندك نتا مالك ؟ مهدي : رااك عارف مزيييان مالي ولدي عطيه بالتيساع زهير: ولدك ختار هاد الطريق و مشااا فيها و حتى الا بغيت نخرجوا منها هو ما غايبغيش. مهدي : حتى ولدك راه معاه والا طاح هو غايطيح حتى ولدك ما خايفش عليه ؟ زهير: ما حد ولدك كاين حتى واحد ما غايطيح مهدي خنزر فيه خبط الطابلة وناض. عند نهاد و ايناس كانو لبسو ايناس لبسات كسوة توب كحلة لاصقة عليها وهي اصلا رقيقة ما عندها علاش تزير و نهاد لبسات ميني جيب جلد كحلة وتريكو مقطن باج نهاد: وااا خاصنا نشوفو كينديروا نلقاوا فين ساكن خويا اذيب و خوك اجي بعدا شنو سميت هاد خوك . ايناس : شكون عرف راه قلنا ليك غير سمعنا بابا و ماما داوين و امير بدا كيغوت هي فاش عادوا لينا القصة و فاش سولت بابا على سميتوا قال ليا ما عندك ما ديري بيها . نهاد : بفففففف مشاكيل ودبا كيغادي نديرو نلقاوهم ايناس : مااا عرفتششش زيدي بعدا نمشيوا شحال هادي ما درت الشوبينغ.
⛔️ فكارتي كوبا ⛔️
وصلات 12 وباقين ياسمين و سلمى ناعسين مع البارح عياو بزاف و هي طلع ليهم نعيمة بدات بياسمين حيت جا بيتها على الدروج : واااا تييي نوضيي يايه نوضيييي العيالات راه خملوا وصبنواا وتييي خامرة ليا هنا و حلات الشرجم ياسمين دخلات ليها الشمس عنكشاتها ضارت الجهة لاخرا: المييمة ممممم غاا شويية هممم نعيمة هزات عكازها حتى هزاتو و خبطاتها لفخاضها ياسمين ناضت بلهلا يطريه ليها : اححححح والميمة وهئ هئ ضريتيني نعيمة : نوضييي تگعدييي 12 هادييي نوضييي . ياسمين ناضت تتنكنك دخلات الحمام و نعيمة مشات عند سلمى : تهزييي الالة تهزييي توما خمرتوااا سلمى ما جاوبتهاش حلات الشرجم دخلات الشمس و والو ناعسة ما كايناش هنا نعيمة : تيييي تهزيييي عليا وااااا دييك اااه تييي تهزييي بدات تتنغز فيها سلمى عاد تقلبات: واااا وششش ما نعسوووش حنا اولا كفاشش نعيمة خبطتها: تيييي شتتتك تهلييي عليا تهزييي و لا نوض لككك سلمى ناضت حتى هي تتنكنك دخلات الحمام خرجات من عندها طلات على ياسمين لقاتها لابسة غير بيل سماطي بيض و شورط تتدهن ففخضها لي خبطتها ليه: مييي مييي على بابا عجينة تيي هادي تاهي يخسرواا عليها الناس بومادة هاا ياسمين : واا الميمة رااه ضريتيني شوو راه زراگت نعيمة خنزرت فيها: طلگي بعدا ديك البومادة لهنااا نترتها ليها هاديييو ماشي البومادة الصفرة ؟ ياسمين : لا لا حسن منها تتحيد سيكاتريس زوينة نعيمة : اييه اييه  خشاتها فدزارتها و تهزيييي نتي عليا من هنا و لبسي شي حاجة سخونة قبل ما تهبطي راه البرد ياسمين : و البومادة ؟ نعيمة ما جاوبتهاش و هبطات هي ناضت صلات و لبسات بيجامتها سروال كحل مطلوق من التحت ولكن مزير شوية من الفوق و تريكو ديالو فيه القب تاهو كحل و قصير جمعات شعرها بفيليل و خلات الگصة هابطة على وجها و هبطات. عند زريقة ناض كيتقلب تفكر البارح وفاش خرج معاها فاق ناشط هز تيلي صونا ليها هي الاولى سلمى كانت يلاه خرجات من الحمام و لبسات سروال مطلوق حمر وديباردور بيض و ضفرات شعرها و خلات زغيبات طايحين سمعاتو كيصوني جاوباتوا 📞 زريقة : صباااح الورد و الحب و التيتيز و الزعرا ديالي سلمى : هههههه فايق ناشط زريقة : وايليييي انا مصبح عليك وما نكونش ناشط سلمى : هههههه كنبغييك سمعات نعيمة تتعيط من الدروج مهم مهم نخليك حتى نسالي ونصوني ليك واخا ؟ زريقة : صافيي كولي مزيان نتي ما فيك حتى فين نشدوا سلمى بغات تجاوبو سمعات نعيمة طالعة ليها : حتىىى نساليييي ليييك زريقة : ههههههه تنمووووت عليك الشهبة ديالي 📞 قطع معاها وناض راشقة ليه بدا يدندن زريقة : ياااا كنتييي طاايرة وعقلللللك طااااير🎵🎵 و انااا نبغيهاا گاااع وش كاااين 🎵🎵🎵 وانا نبغيييها گاااع وش كايين 🎵🎵🎵 كفاااش و علاااش 🎵🎵 ليي شافو هكا ما يقولش هذا هو لي خالعهم فالدرب عند الذيب كان نااعس حتى سمع التيلي صونا وهو ينوض عينيه مجبدين بالنعاس وصوتوا باح 📞....: خاصك تجي (عطاه واحد العنوان ) اليوم الذيب سخط من لي عرف داك العنوان : لا  .....: ضروري على قبل الصفقة وحتى اذيب خاص يجي معاك الذيب: داك البلاصة ما انجيش ليها ....: ما يمكنش نتلاقاو فبلاصة اخرى غاندخلو الشك الذيب بدا كيسب فخاطروا و قطع خبط التيلي مع الناموسية وهو يشعل على تصويرتها الذيب بقا كيشوف فيها زاد سخط ناض يتكيف فالشرجم بش يبرد وهي تبان ليه نعيمة حلات الخامية بانت ليه ناعسة وشعرها مشعكك وفاش تقلبات عطاتوا بترمتها دور راسو بلا حولة وبقا حاضيها بانت ليه نعيمة خبطتها بالعكاز نتر نترة من داك الگارو و زاد خنزر ما كرهش يهرس داك العكاز على ظهر نعيمة بانت ليه ناضت تتغبن و شعرها مشنتف جاتو الضحكة من شكلها تبسم بلا ما يحس وبقا ساهي حاضيها شافها فاش خرجات من الحمام وبدات تتدهن ففخضها وهو كيشوف فلحمها بيض كيلمع بداو كيضورو ليه شي افكار فمخوا شافها ناضت قربات حدا الشرجم دخل دغيا وسد الشرجم عاد عاق براسو كان حاضيها نفض راسو من دوك افكارا وتفكر فين خاصو يمشي زاد سخط ما حاملش هاد الزمر لي كيطرا ليه  الذيب : شهااد القلاوي شهاد الزمر لاش حاضيها انا لاش لاششش نسيييت علاش كنت معصب لا ازبي لا البنات گاع قحبات كلهم بحال بحااال كلهم نتر داك الشال من ايدو ولاحوا فوق الناموسية و جبد التيلي ديالو مسح تصويرتها بقا ساهي معصب مع كرو حتى كيسمع زريقة كيهلل تبسم بالفقصة و دخل دوش لبس غا سروال كحل  و هبط صدروا كيبان قاصح و عامر وشام و ناوي على خزيت بان ليها زريقة داخل الكوزينة ناشط كيدندن مشا تلاح فوق الصداري : واااا بنادم حط لينا ما نجغذروا راك تتبرح ماشي تتغني زريقة عارفوا ديما كيفيق خاسر ماشي شي حاجة كمل تيدندن و جا جلس حداه بجوج ما كيفطروش كيشربوا غا قهوة و الگارو: مالك تااني ع الصباح ما يمكنش شي نهار تفيق كي الناس الذيب خنزر فيه : غانمشي عندو اليوم زريقة ملامح وجهوا تقلبوا: علاش ؟ الذيب : على قبل ديك الصفقة د الزب زريقة طلع ليه حتى هو الخز : وغاتمشي الفيلا ؟ الذيب : شبانلك ؟ نتر نترة من الگارو و كمل تانتا خاصك تجي زريقة عينيه حمارو و تزير : القلاوي الذيب : باك لي قاال و ناض هز قبيتوا لبسها و مشا خرج .
سلمى  و ياسمين هبطوا لقاوهم فطروا و سالاو ولكن الطبلة باقا فيها الصينية سلمى : طاالعة تنوضينا تاا ضربتوا القص كامل نعيمة : وانااا گلت لك خمريييي حتى 12 ياسمين : وا ما اناكلوش ما اناكلوش خلينا غير نعسوا ياه نعيمة : شتك تتنغنغي عليا نوضي دبا نشحط والديك ياسمين تفكرات الخبطة و هي تسكت فاطنة : شدووو شدوووجيبوا لكم الكوميير و مرة خرى نوضو مع الوقت سلمى شداتو من عندها ولبسات صندالتها و قبية حمرة طويلة : وااا تهزييي نتي ما جاياش ؟ ياسمين : هاء جايه جاية صبري ناضت حتى هي لبسات غير صندالتها وخرجوا تيتعوجوا . الذيب فاش خرج مشا المحلبة كانت عامرة بولاد درب مع هي كبيرة شوية و فيها تلفازة ديارينها قهوة ماشي محلبة دخل شافوه كلشي ضرب طم مشا هو عند حمد خذا قهوة و جلس حتى هو تيتفرج معاهم صونا ليه التيلي 📞زريقة : معاش قالك نجيو ؟ الذيب : ما قالش و لكن مع ديك 3 نتحركوا زريقة : صافي مهم انا انخرج دبا ندي هاد الموطور عند الميكانيك راه بان لي بدا كيعيا تكون غادي صوني ليا 📞 و قطع.