من الأسلحة إلى الورود 🖤🥀

Part 39

🐺 عند الذيب 🐺
كان جالس قدام المدير ديال الليسي لي عاقد حجبانوا مافاهمش شكون هدا جا دخل وجلس المدير : نعام ا ولدي فاش نقدر نعاونك الذيب شاف فيه مبرد : البارح شكون كان مضارب ؟ المدير ضحك وشاف فيه : ههههه راه تبارك الله هذا ليسي وعارف دراري صغار وماعارفينش يعني راه القليلة فالنهار تتكون كثر من مضاربة يعني اولدي البارح الا جبت لك گاع لي ضاربوا راه انجيب لك المدرسة كاملة الذيب ببرود : كتفتاخر حيت كل نهار نايضة عندك مدابزة ؟ المدير ناض وقف طالع ليه الدم : شوف اسيدي نهار تكون تتقرا عندي ولا ولدك ولا بنتك عندي ديك الساعة تقدر تجي تحاسبني اما دبا تفضل الله يخليك الذيب شاف فيه باقي مبرد : البنت لي ضربات فكتفها البارح المدير غير سمعها بدا كيقطر حيت عاودو ليه عارفها هي ياسمين بدا كيفكر وش هذا شي واحد خدام عند باها ولا باغي غير السلاكة : سيدي راه دبا حنا شفناها وعرضنا الجرحة على وحدة من الاساتذة وقالت لينا بلي الجرحة مافيها والو خفيفه الذيب شاف فيه مخنزر : ونت جايب استاذة تعاين جرحة ؟ المدير بدا كيتفتف: سيدي راه حيت قلنا لك الضربة غير خفيفة راه غير شي زميلة ديالها ماتفاهموش ويمكن جات فيها بمقص و راه درنا اللازم الذيب مبرد : بغيت دبا سمية والكنية ديال هاد البنت المدير : علاش ا سيدي الذيب خنزر : راه دويت المدير خايف على بلاصتوا جبد ليه السمية والكنية ديال آية كتبهم ليه فورقة ومدهم ليه الذيب هزهم وناض المدير نطق : سيدي عفاك انا راه غير مابغيتش القضية تكبر وراه هاد الخدمة هي لي عندي ماباغيش نخسرها الذيب شاف فيه : حتى انا هي لي عندي وماغانخسرهاش مشا خرج والمدير بقا تما كيقفقف عارف هادي هي اللخرة ليه حيت باباه كان وصاه عليها .

دانيال كان كيضور بلوطو وعينيه باقين حمرين ماعارف فين يمشي مشا لوطيل لقا باباه وقف ليه لي كارط ديالو كاملين وزيد ماعندوش صحاب بزاف فكر يمشي عند امير ولكن غادي يبقى يشوف باه ديما وهو حاقد عليه فكر يمشي عند ليلى ولكن ديك ساعة ماماه اتبقى غادة جاية عندو شاف حتى عيا وديمارا لكارتي كوبا وصل بلاصا لوطو فالدخلة ديال الدرب وكمل على رجليه حتى وصل لدار الذيب دق بقا كيدق حتى ناض رياض كيسب حل الباب وعينيه مجبدين بالنعاس شاف فدانيال مخنزر : شكاين شباغي دانيال ماعارفوش: شكون نت رياض طالع ليه الخز : راه نت لي شكون دانيال حك راسو : فين الذيب رياض مخنزر بغا يسد الباب دانيال حبسوا برجلوا رياض: غاااتحيد ولا غانقطعها لمك دانيال : واا قلت لك فيين الذييب رياض طلق الباب وشاف فيه : شوووف الا تقطعتي اولد القحبة سير قلب لك على شي بزناز اخر وقود عليا من هنا دانيال مخنزر: ا ماكنتعاطاش انا ازبي دبا خليني ندخل حتى يجي الذيب رياض :نت راه بنتي ليا كامي جواان صحييح وش انا حال ميتم هنا سير حيد قود دفعوا وسد الباب دانيال بدا كيسب وجلس قدام باب الذيب

فالليسي
كانوا خارجين بحال ديما وهاد المرة مع الخرجة بان ليهم الذيب متكي على موطورو وكيلعب بموس صغير فيدوا نزار شاف ف سلمى : سبق زريقتك اليوم سلمى خنزرت فيه : غاتهنينا لاا راضية شافت فيه : نارييي البنااتشش تييتيييز اححح انا بعدا كيساليي معايا سيمو خنزر فيها : راه واقيلا انا هنا راضية تتشوف فيه بنص عين : سير سير دبا نعادييك ياسمين كانت غير تتشوف فيه مافاهماش اش جا كيدير هنا هو ماهزش راسو فيها گاع عصام : يلاه يلاه خوييو علينا من هنا سيري اختي عند صعصع ديالك ياسمين خنزرت فيه ومشات حدا الذيب واصلة ليه لصدروا: شنو كدير هنا ؟ الذيب شاف فيها : ياكما جالس فداركم ومافراسيش ياسمين مابقاتش تتصدم من هدرتوا : انا راه غير باقا ماكملاتش هدرتها داز من حداها وخلاها هي تصدمات ضارت تشوف لقاتو قاصد آية عقدات حجبانها تتشوف هو قرب ل آية لي كانت شادة ف علي لي شافو كحل بالعمى الذيب قرب ل آية لي عقدات حجبانها ولكن عجبها الحال حيت تيتيز وعارفة گاع البنات كيحلموا بيه طلقات من يد علي لي هز فيها راسو مخنزر : وش مرييضة لاش طلقتي مني آية : وش من نيتك اخويا اش بيني وبينك علي تصدم مشا وخلاها الذيب كيشوف فعنقها ووجهها لي حمر حط يدو عليهم بحنية ونطق : مالكي شكون دار لك هكا ياسمين شافتوا اش دار خرجات عينيها وحسات بقلبها كيضرها آية آية والذيب علاش حسات بلي ماغاتقدرش تحكم براسها وغاتبدا تبكي رجعات حداهم ألف فكرة تضور فراسها وش كان غير كيضحك عليها وغير تتشوف فيهم نزار عاقد حجبانوا : بحال الا خلاك نتي ومشا عند آية عصام : تشاا حيد ختنا تتحرك المجامر مافيهاش سندس شافت عينيها مغرغرين خبطاتهم : وهنيييونااا سلمى مصغرة عينيها : لاش مشيتي عندو ياسمين حاضياه هو وآية كان باقي حاط يدو على وجهها سرطات غصتها : حيدو خلينا نمشيو من هنا هما شافوها هكاك ماقالو والو ومشاو يلاه كانو غادين وهو يوقف عليهم زريقة سلمى عنقاتوا نزار نغز ياسمين : تعلمي تعلمي ضرباتوا بكوعها لكرشوا زواتو زريقة جاتو فشكل ولكن زير عليها طلق منها شاد وجهها هدر عاقد حجبانوا: مالكي كاينة شي حاجة ؟ سلمى حركات ليه راسها ب لا وركبات وراه وديمارا ولاخرين كملو كيتمشاو.