يا عواصف الدنيا هُبي..وطيري مع هبوبك سنيني

P3

انصدموا كلهم و و بهاج ناظر اخته وتوامه بصدمه :وشش تقوليييين ؟؟
مسك يد ابتهاج : وششش تقولين يا ابتهاج انا اخوكك توأمكك بهاج تكفيين تذكري لاتستبهلييين !!
ابتهاج بهدوء:اسفه بس ما اعرف مين انت
طالعها بصدمه وتمردت دمعه لتنساب على خده..
بهاج بحزن: ما تذكريني ؟ انا اخوك انا توأمك ماتذكريني ؟
وتين فزت وهي تبكي: طيب وانا ؟ انا اختك وتين ،
ابتهاج حطت يدها على راسها: ما اتذكر احد
بهاج: طيب اسمك ؟ تذكرينه ؟
ابتهاج هزت راسها بالنفي : لا ،
انهارت وتين تصيح وبهاج يطالع اخته بحزن شديد ويمسح دموعه ،
التف على الدكتوره :كم الساعه الحين ؟
الدكتوره : الساعه 7 بالليل لكم 6 ساعات
بهاج : جوالي وينه ؟
الدكتوره :للاسف السياره كلها مُدمره والجوالات كذالك ،
بهاج:ابي جوال المستشفى ابي اطمن اهلي ،
الدكتوره هزت راسها بتفهم وعطته الجوال ،

#############

قبل 7 ساعات قبل الحادث
عزام كان معصب حييل طق باب الحمام وهو  يقول:صققرروهه ويين حطيت عقاليي ؟!!
صقر من الحمام: ياخي شدخلني شف اختك ليالي اكيد معها ،
عزام بعصبيه : لاتكذب كان موجود قبل نروح على التسريحه وين اختفى ؟
طلع من الحمام ونطق وهو لابس سروال وفنيله بيضاء: ابي افهم شي واحد ! انسان طبيعي يتروش انت وش تبي تعجله ما اخذت عقالك يا ولدد افهم !
عزام بقهر : يعني مين اخذه الجني مثلًا ؟
صقر بضحكه : ممكن ليش لا ،
مشى عزام ونطق بعصبيه: وتضحك بعد ، والله اذا ما لقيته باخذ عقالك
صقر كمل بضحك: عساك على القوه هذا اذا قدرت تلقى عقالي
ليالي طلعت وهي حاطه بوجهها ماسك القهوه فز صقر : بسم الله سكنهمم مساكنهم
ليالي طالعته بنص عين: شايف جنيه ؟
صقر ينادي : يممه جنييه ناطقه اعوذ بالله من الشيطان الرجيم ،
ضربت ليالي كتفه بزعل : وجع صقر ما يضحك !
هج صقر وهو يصارخ بتمثيل : يممه جنيه ضربتني يممممه ،
ليالي بهمس : مو صاحي ،
عزام طلع من وراها ونطق بعصبيه شديده : لياااااليييييييي !
فزت ليالي بخوف: يمه وش فيكك ؟
عزام طلع عقاله : هذا وش ؟
ليالي بعباطه: وش ؟
نطق بغضب: انا اللي اسال هناا ! عقالي وش كاان يسويي بغرفته وشوفي بععد مليييان بودره
ليالي بخوف :ءء عزام والله ما انتبهت انه كان على تسريحتي والله ،
عزام بقهر رماه عليها : اغسليه بسرعه بنمشي ،
دخل ابو عزام وعكازه يسابقه ونطق بصراخ: مااا خلصتووووو ؟؟؟
جت ام عزام تركض وبيدها دله القهوه والشاهي : الا الا خلصنا يا ابو عزام ،
ليالي: يُبه انا ما خلصت باقـ،،
قاطعها ابوها بحده : ربع ساعه وكلكم بالسياره !
وطلع ، لفت ليالي على عزام : عززاام تكفى والله ما يمديني اسوي عقالك اعفني ياخي ،
عزام تكتف : وانا من وين لي عقال ؟
ليالي بتفكير : شوف اذا وصلنا المخيم انا اغسله واضبطه لك طيب ؟
عزام طالعها : واذا سحبتي علي ؟
ليالي:وقتها يحق لك تدفنني ،
هز عزام راسه وعطاها العقال ومشى ، تنهدت وجت بتمشي الا تزلق على الارض وتطيح على ظهرها صرخت : ااااااااايي ،
صقر كان واقف وراها وانفجر ضحك:وش فييك علامك طحتي ،
ليالي بالم: مدري مين الكلب الي كاب مويا هنا !
جت الجده ونطقت: انا الي كابه مويا هنا فيه اعتراض ؟
ليالي بابتسامه مزيفه : لا لا وين يا جده بالعكس احسن نتكسر لعيونك ، بس ممكن سوال ؟
الجده بحده : لا
ليالي بالقوه وقفت : سمي بروح البس عبايتي عشان نمشي
الجده:وامسحي هالخرايط الي بوجهك ،
ليالي تمشي بشويش: ابشري ابشري ،
التفتت عليها:جده تروحين معنا المخيم ؟
الجده:لا بروح لجارتنا ،
ليالي:وجدي ؟
الجده:مالك دخل اذلفي ،
ليالي كملت تمشي : سمي ،
دخلت غرفتها ولحقها صقر يضحك عليها : والله محد عرف لك غير جدتي ،
ليالي بغيض: ضحكت بلا سنون انقلع فاضيه لك انا !
صقر طلع : ابشري من عيوني ،
طفى انوار الغرفه وسكر الباب وهج وليالي صرخت:صققققررووووووووههه
ابو عزام :وجعععووه اقصريي حسك يا بنت ! ما خلصتي ؟
فزت تغسل وجهها وتعدل شعرها : الا خلصت يبه جايه جايه
بعد كم دقيقه جت بتركب ولقمت تهزيء من ابوها وركبت ورا بين عزام وصقر ، بعد ما مشو بربع ساعه
عزام نطق: معك عقالي
ليالي بورطه وهي نسته : ها ؟ ا اي معي اكيد لاتشيل هم
صقر : لقيت عقالك يالورع وانت من اليوم مزعجنا مين اخذ عقالي وتحطها علي ؟
عزام بحده : انت انكتم
صقر طالع قدام : سم طال عمرك
ام عزام وابو عزام يسولفون ، عزام يطالع الطريق بشرود وليالي تقرا روايه كانت معها ، وصقر يطقطق بجواله ،
وصلو بعد ساعه للمخيم ، نزلو الاغراض وانبهرت ليالي من جمال المكان ، كانو ثلاث خيمات قريبه من بعض يحيط فيهم سور عالي شوي ، فيه مطبخ بالنص ودوره مياه ، معلق على السور سراج ذهبي، الاجواء كانت مره حلوه وخصوصًا بقرب شهر رمضان كان الجو معتدل لا هو حر ولا برد بس نسيم بارد يهب بين فتره وفتره ،
نطقت بانبهار : واووو يهببل المكاان ياخذ العققل ! واذا غربت الشمس بيكون خياللييي !
عزام وهو ينزل الأغراض: خلي عنك هالسوالف وامشي عاونيني انتي واخوك الي مامنه فايده ،
تنهدت ليالي بضجر : مُفسد المتعه !
عزام طالعها : قلتي شي ؟
ليالي شالت بعض الاغراض : ولا شي ،
دخلو اغراضهم داخل ، الخيمات ثلاث وحده بالوسط والثانيه يمينها والثالثه يسارها الي باليمين للرجال ، الي بالوسط للاطفال وحوستهم ، والاخيره للحريم ،
مشى صقر وعزام وابو عزام لخيمه الرجال ، ومشت ليالي وامها لخيمه الحريم ، دخلت ليالي وشافت عمتها مرام وترف وام ترف ، تقدمت تسلم عليهم ووراها امها ،
بعد ٣ ساعات وعلى الساعه 5 العصر ، طلعت ترف وليالي وعمتهم مرام ورا الخيمه يشبون النار ، الجو كان خيالي ، حطو الفرشه وطلعو شيلتهم .. جت ترف وحطت بوكس الدونات مع الهوت شوكليت ، وقعدت ليالي تصور ،
ترف بضجر : يا بنت خلاص حللتي ام الاكل خلاص !
ليالي : دقيقه بس الزاويه هذي حلوه ،
مرام : اصبري يا ترف مسويه ما تعرفينه  هذي هي لازم يبرد الاكل ونجوع وبعدين زيين ان عطتنا
ضحكت ليالي: شدعوه ،
مرت خمس دقايق ووقفت ترف : يبنت خلاص ما صارت
ليالي بتركيز : صبر اخر صوره عمتي بالله امسكي البوكس بصورك معه ،
مرام وقفت تاخذ البوكس : لا يبين وجهي
نطقت ليالي : ما عليك ،
تخصرت ترف : واضح مطولين بروح المغاسل اشوف شكلي روجي واضح راح،
مشت متوجهه للمغاسل وحاطه شيلتها على راسها ومغطيه فيها نص وجهها مو باين منها الا عيونها المُكحله ، قبل توصل المغاسل شافت واحد معطيها ظهره ويشبه بدر حيل توقعته بدر وتقدمت تضربه مع ظهره وقالت :بووو
لف عليها وانلجمت ، ما كان بدر كان صديقه عزام ، توترت تطالع تحت وتشد الشيله زياده على وجهها ،
عزام طالعها باعجاب ، استوعب على نفسه وصد نطقت : ملعيش حسبتك اخوي بدر ،
عزام مشى وهو صاد وعلى ثغره ابتسامه: حصل خير،
وقفت عند المرايا متفشله ووجها احمر من الاحراج وتسب نفسها ،
رجعت شافت مرام تعاني وليالي تتفنن بالتصوير ، صرخت : خلاصص ليالي طولتيها !
ليالي فزت : بسم الله خلاص خلصنا لا تاكليني ،
قعدت مقهوره وهي متفشله من نفسها ،ومرام وليالي يسولفون ،