يا عواصف الدنيا هُبي..وطيري مع هبوبك سنيني

P8

مر يومين وليالي بغرفتها ما طلعت منها ، حاولو كلهم بـ ابوهم بس ما شافوا منه الا الرفض التام ،
صقر يطق باب غرفه ليالي للمره الالف : ليالي ، ليالي ،
لا رد. ،
تنهد بضيق : ليالي اطلعي كفايه تحبسين نفسك ، شوفي امي وجدتي تحت خايفين عليك ويبكون ، تكفين كفايه تقهريهم فوق قهرهم ،اطلعي طلبتكك
فتحت ليالي الباب واخيراً لكن صقر انصدم ، شعرها القصير مُبعثر على وجهها ، عيونها ذابله من كثر البُكاء ، خشمها مُحمر ، نطقت بصوت مبحوح : جدتي درت عن الموضوع ؟
صقر بحزن على حالها ، نطق : اي امس درت وحاولت بأبوي بس رفض ، جدي بعد عرف بالموضوع بس ما تدخل ، قال هذولا عياله وهو اعرف بمصلحتهم ،
ليالي بهدوء وضيق : ليش ابوي يجبرني بعد كل هالسنين اتزوج ؟ شافني عله وبيتخلص مني بأسرع وقت ؟
صقر تقدم يحضنها : خلاص ليالي لاتصيحين ، تعبتي عيونك من كثر البكي !
ليالي تمالكت نفسها : خلاص انا موافقه اتزوجه ، بلغ ابوي ،
صقر بصدمه : وش تقوليين !! لياليي لاتدمريين نفسك عشان غيررركك!
ليالي بحزن : وش اسوي يا صقر قول لي ؟ اوقف بوجه ابوي ويطلق امي ؟ امييي ؟ ما ابيها تعاني بهالعُمر ، وما ندري يمكن يجبرني أتزوجه بعد طلاق امي ؟ افضل لي احل الامور قبل تكبر ،
صقر مسك كتوفها يهزها: على حساب نفسكك ؟ على حسابب حياتكك ؟ تدمرين نفسك عشان غيركك ؟ عشان نااااااسسس ؟
ليالي : مو اي ناس ، على حساب امي ، وبعدين يا صقر ما ندري ؟ يمكن اتقبله مع الايام ونعيش بسعاده ، هذي الحياه ،
جاء عزام الي كان يسمعهم وحضن ليالي ونطق
: سوي الي تبينه بس اعرفي اني معك مهما صار ،
صقر اطلق تنهيده وتقدم يحضنها : وانا معك بعد ، اعرفي ان وراك سند ، اذا قالك اي شي بس اتصال ونكون على باب بيتك ،
ليالي سكتت ورفعت راسها تمنع دموعها من النزول ،
_
مرت الايام بسرعه ، الكل وصله الخبر ،
بعضهم يبارك مو عارف عن شي ، و الثانيين يواسونها ،
يوم الزواج ، وتحديدًا بالقاعه ، ليالي تطالع نفسها بالثوب الابيض وعيونها تنزل الدموع ، تنهدت من سمعت طرق على الباب ، مسحت دموعها ونطقت : تفضل ،
دخلت ترف وتقدمت تحضنها : ماشاءالله لا اله الا الله ، وش هالجمال بسم الله عليك ،
ليالي ماسكه نفسها بالغصب : ترف تكفين ما ابي ،
ترف تواسيها : خلاص ليالي ، يمكن خيره من ربي انك تزوجتيه ، ما تدرين يمكن يكون خير وسند لك ، انبسطي واستانسي هذي فرحه العُمر ،
ليالي هزت راسها وقعدت تهوي نفسها ،
نطقت : ما جو البنات ؟
ترف: وتين وابتهاج وصلو ، وبنات ام حسن بالطريق ، المهم ما قلتي لي شرايك بفستاني ؟
_
فستان ترف كحلي طوييل وواسع ، منقوش بنقوش سوداء ، شعرها البُني ستريت واطرافه ويفي ، مع قفازات شفافه زرقاء ،
_
ليالي باعجاب : والله يهبل ، ماشاءالله، وانتي الي محليه الفستان ،
ضحكت ترف ودخلو وتين وابتهاج ،
كانوا طقم نفس الفستان ، فستانهم اسود قصير للركبه ، عاري من فوق ، ومن ورا طويل يسحب ، بدون اكمام ، تسريحاتهم : وتين : شعرها ستريت مع تسريحه بسيطه رافعه شعرها الطويل تخفف طوله، ابتهاج : شعرها ويفي كله وصابغه اطرافه باللون البُني ،
_
ترف بضحكه: ماشاءالله طقم فناجيل ،
ابتهاج بقهر: وجع انكتمي ترا ما كان ودي اطقم معها بس امي اجبرتنا !
وتين: عساس انا الميته عشان اطقم معك ؟
ترف: لا اله الا الله ، حتى يوم الزواج لازم تتهاوشون ، امزح معكم مو طقم فناجييل بس اسكتو ،
ضحكت ليالي والتفتت لها ترف ،ابتسمت ترف اخيرا غيرت نفسيتها ، دقايق الا يجون لارا ووداد ، وداد بقهر : بنات شعري نشب بفستاني ،
لارا : احسن امي قالت لا تاخذين هذا اللون بس انتي تعاندين !
وداد: هفف اسكتي ناقصتك انتي بعد ! ،
وداد فستانها اصفر فاقع مُزين بكريستالات بيضاء من جهة الصدر ، قصير وله اكمام ،
لارا : فستانها فضي ورمادي ، طويل مره ، بدون اكمام مع قُفازات ، شعرهم كلهم ستريت ،
ابتهاج حطت السماعه : خلاص كفاية نكد نبي نغير جو ،
شغلو الاغاني ويحاولون يغيرون جو ليالي ،
_
قسم الرجال :
صقر وعزام يناظرون سلام بـ حده ، سلام لاحظ نظراتهم بس ما اهتم وكان مبسوط ويرحب بالضيوف ،
صقر بقهر: يقهرر يا عزام وديي اصفققه !
عزام بغيض : مثلك يا اخوي بس ماسك نفسي بالقوه ، انا اقول نقوم نخرب عليه وخلها تبرق وترعد ما يهم ،
مسكه صقر : فكنا يا خوي تبي تجيب لنا فضيحه ؟
جاء بدر: يا عيال امشو
بهاج : شفيكم اكلتو الرجال بنظراتكم ،
يوسف بضحك: والله لو النظرات تقتل كان الرجال ميت من زماان ،
صقر وعزام بحده نطقو مع بعض: انكتم ،
يوسف بضحكه : يا ساتر يا هالتناغم ، امشو ننبسط كفايه نكد يعيال ،
بهاج سحب صقر : امش نرقص بعدين كفخه ،
مشى صقر معه وبدو يرقصون ، على
(قلب ابو سليمان وقادي)
تقدم عزام يمسك السيف وعيونه ما فارقت سلام ، وقف بجنب صقر وبهاج ويوسف ، وبدر ،
بدو يرقصون مع الضيوف :
_
قلب ابو سليمان وقادي ،
من همومه ذاب اجاء كله ،
_
يا بعد حيي و الاجدادي ،
ارحم الي صابته علة ،
_
لو ذبحني يا عوض عادي ،
من يحاسب يا عوض خله ،
_
يا عوض هو غايه مرادي ،
يتبسم والشعر فلة ،
_
عزتي لمن مثلي يدادي ،
وسط بقعاء ساكن خله ،
_
ليتني وياه في وادي ،
والغيوم من فوقنا مظلة ،
_
جلسو يسولفون وجاء وقت الزفه ،
قالو لليالي ان الزفه بتبداء ، توترت ورفضت تنزف معه ، بس ياخذها ويمشون ، وافقو ودخل عزام وصقر وسلام لغرفه ليالي ، ابوهم رفض يدخل زعلان عليها ، شافتهم ليالي ووقف بجنبها سلام ، وتقدموا يحضنونها ويوصون سلام عليها ، خنقتها العبره ونزلت راسها ،
حضنتها امها الي انفجرت تبكي ، ليالي كانت ماسكه نفسها ما تصيح نطقت بغصه : يمه خلاص ،
بعدت ام عزام تمسح دموعها ، وتقدم عزام يوصيي سلام وصقر معه ، بعد ما خلصو مشى سلام مع ليالي ، لبيتهم ،
.
قبل ساعات وبقاعه الحريم ،
ام سلام و ام عزام وام بدر وام يوسف ومرام وام حسن وكذا مره واقفين بالاستقبال يستقبلون الضيوف ، مع بناتهم ، ترف تطالع سمر الي تضحك ولابسه ثوب قصيير وعاري لونه اسود نطقت : بنات شوفو سمر كرييهه !
وداد : شفتها كل شوي تتبوسم واحسها تتشمت فينا ،
ابتهاج بين سنونها : ودي اقطع كشتها ذي ، يبوي حتى الكيرلي ما ضبطته ،
وتين بضحكه: اهدي يحلوه ، معلينا منها شوفو بدريه تجنننن !
لارا بتأييد : ايي والله مرره جميله ماشاءالله ،
ترف طالعت بدريه الي فستانها وردي مع كرستالات بيضاء لامعه وطوله متوسط وواسع ،
نطقت باعجاب : ماشاءالله ، هي الي محليه الفستان ،
ابتهاج: حتى تسريحتها تجنن ، شعرها رافعته فوق كعكه يجننننن ،
وتين بضيق : بنات تدرون كان ودي اخلي شعري كله ستريت ومفتوح بس امي رفضت قالت بيحسدونك الناس ويعطونك عين !
لارا : وامك صادقه شوفي شعرك ما شاء الله وش طوله !
ابتهاج : لاتحاولين فيها ، ما بتقتنع ،
وتين : تصدقون عاد ؟ افكر اقصه ،
فزت ترف : انتتيي خبلله ؟ يويلك منييي !
ضحكت وتين : امزح معك اصلاً امي مستحيل توافق ،
ترف براحه : جزاها الله خير
وداد: بنات امشو نقول للمطربه تشغل شيله الترحيب ، خلصت الصلاه ، مين تجي معي ؟
ترف : انا
راحو يطلبون منها تشغل الاغنيه ، دقايق والكل بدا يرقص علىى الاغاني ومبسوطين ،
.
عند العرسان :
دخلو شقتهم الي بنفس بيت ام سلام بس الدور الثاني لهم كامل ، وصلو قبل الكل وصعدوا فوق ،
نزل سلام بشته وطالع بـ ليالي الي قعدت بفستانها ، نطق : بجيب العشاء بدلي ملابسك ،
ماردت عليه وطلع يوم طلع اخذت نفس براحه ، راحت لشنطتها واخذت فستان كُحلي طويل شوي ، لبسته ومشطت شعرها القصير وتركته منسدل على رقبتها ، خففت الميكب وقعدت ،
وصل سلام بعد نص ساعة ، حط الاكل شافها سرحانه نطق : ببدل واجي ،
راح يبدل ثوبه ، رجع وقعد يفتح الاكل ، كان الاكل ٢ بيتزا وبيبسي ٢ ، نطق: تفضلي
هزت ليالي راسها بهدوء : شبعانه
ما اهتم سلام وقعد ياكل يوم خلص راح للغرفه يرتاح. ، تنهدت براحه وقعدت تطالع السقف بشروود ،