يا عواصف الدنيا هُبي..وطيري مع هبوبك سنيني

P20

<سمر>
دخلت البيت بوقت متأخر ، راحت غرفتها وانسدحت بتعب لتصلها رساله : ليش ما جيتي ؟
ردت : كنت عند صاحبك ما امداني اليوم ، خليه وقت ثاني ،
كتب : اجل جهزي نفسك ، ارسل الصور لابوك ،
فزت بخوف لتكتب : تكفىى لا لاا ،
كتب لها : تراني خلاص مليت منك ، ما صرتي تتكشخين لي نفس اول ، صرتي كئيبه مو نفس سمر السابقه ، حتى شكلك صاير مو حلو ، بصراحه كانت علاقه حلوه ، وداعًا سمر ، الصور وصلت جوال ابوك ،
حظرها وقعدت تبكي وترجف ، فزت من صوت ابوها الي ينادي بغضب وصراخ : سسسسسمممممررررررر !
ارتجفت كل خليه بجسدها ، اكييد ارسل صورها لابوها ، حطت كفها على قلبها بخوف ، وهي لازالت تسمع صراخه : سممممررررر !
فتحت باب غرفتها وركضت لغرفه بدريه ، شافتها نايمه وطاحت بحضنها تصيح ، فزت بدريه من نومها بقلق : بسم الله الرحمن الرحيم  ، وششوو ؟
سمر برجفه : تكفين يا بدريه ساعديني تكفييين ،
بدريه باستغراب : وش فيك يا سمررر ؟
عقدت حواجبها على صوت ابوها الي يصرخ وينادي سمر ونطقت : وش مسوييه ؟ ابوي ليش معصصب ؟
سمر برجفه ودموع : تكفين يا بدرييه لاتخلييني والله بيذبحني والله ،
بدريه وقفتها لتوقف معها وتحضنها : خلاص خلاص انتي اهدي ،
مشت بدريه ماسكه كف سمر بيطلعون ، وقفت سمر ، لفت بدريه لها بتعجب : وش فيك ؟ امشي بنشوف وش صاير ؟
سمر بقلق : مقدرر يا بدريه مقددر والله لا يذبححني والله !
بدريه تطمنها : وليش يذبحك ؟ سمر تراه ابوي الي يحبك لاتخافين ،
سمر مشت معها وهي تدري ابوها مستحيل يرحمها ، طلععوا من الغرفه لينزلون من الدرج ، شافوا ام سلام واقفه امام ابوهم تحاول تفهم منه ، وابو سلام واقف يناظرهم وعيونه لو كانت تقتل لماتوا من زمان ، اول ما شاف سمر اندفع بسرعه يشدها مع شعرها وام سلام تصرخ : وششش فيييييك علييييههاا ؟؟ فكككهاا ،
ابو سلام بغضب عطا سمر كف : ياللي ما تستحيييين يالي ما تربييتييي يالـ****** ! هذييي اخر فعايييلكك ؟
شهقت سمر بالم ورفعت بدريه كفها لفمها بصدمه ، ام سلام ببكاء : اتركك بنتي اترككها ،
ابو سمر بصراخ هز اركان البيت : مماني تاركهاا بنت الـ******!!!! اجل تطلعيين مع الرجالل وتنامييين معهمم يالزانييه ؟ هذي اخرر تربيتي ؟ اخرتهاا يا سسسمر ؟؟
سمر بالم ودموع : يُبه اسففه والله اسفه ،
شهقوا كلهم بصدمه من كلام سمر ، كانوا يظنون انها بتنكر لكنها اعترفت على طول ، انهارت ام سلام تبكي وبدريه واقفه مكانها بصدمه ، ابو سلام تقدم يمسك سمر مع شعرها ويجرها لغرفه بالمستودع ، رماها فيها بقوه ودخل يقفل الباب خلفه ، ما كان يُسمع سوى صرخات سمر المُستنجده وصراخ ابوها الغاضب ، رجفت بدريه وراحت لامها تحضنها ، ام سلام بنحيب : بنتي بنتي سمر تسوي كذذا ؟ سسمر دلوعتيي تسوي هالفعايل ، اااه بس ما هقيت انها بتخيب ظني فيها ، ااه ليش يا سسسممر ليييششش ؟
بدريه تنزل دموعها بصمت مو مستوعبه الي يحصل لهم ، تشوف أمام عيونها عائلتها تتشتت وتتفكك ولا هي قادره تسوي شي سوى انها تطالعهم ، فزت من سمعت صوت الباب لتلتفت خلفها وتشوف ابوها الي طلع من المستودع وقفل الباب خلفه لينطق بصراخ : خلللوني اشوف شخصص واحد ففيكككم يفتح لها الباب ! وبروح ادورر لها اي شخص يتزوجهاا ويسسستر عليها هالخسيسسسه ال***** !
طلع من البيت معصب ، وصله اتصال من<شداد> ليرفع السماعه على اذنه ونطق : موافقين !
شداد باستغراب لانهم رفضوه كذا مره : موافقين اتزوج بدريه ؟
ابو سلام بغضب : لا سمر ،
شداد برفض : ليش سمر ومو بدريه ؟
ابو سلام حكى له الي حصل ليشهق بصدمه : وشوو ! معليش مستحيل ارضى بوحده نفس كذا ،
ابو سلام : 50 الف ،
شداد بتعجب : وشو ؟
ابو سلام : 50 الف وتتزوجها وتستر عليها ،
ابو سلام كان عارف ان شداد من عائله مستواهم المادي ماش ، وتقدم لـ بدريه طمعًا بمالها بس رفضوه ،
شداد بتردد : 50 الف ! لي ؟
ابو سلام بحده : 100 الف ، وتاخذها بكرا لبيتك ،
شداد فتح عيونه بصدمه وتفكير ، لينطق : تم بجيب الشيخ ونملك بكرا ؟
قفل ابو سلام الخط وحط كفه على راسه بانزعاج ،
شداد فرح وراح لامه يبشرها انهم وافقوا ،
ام شداد : وشلون وافقو ؟ توهم رافضينك ؟
شداد : يمه وافقوا اتزوج سمر ،
ام شداد : وليش سمر ؟ انت مو خاطب بدريه ؟
شداد بكذب : لا يُمه ، انا خاطب سمر مو بدريه ،
ام شداد هزت راسها : زيين زين الله يكتب لكم الي فيه الخير ،
ام شداد ما كانت راضيه عن سمر وتكرهها تشوفها مو قد المسؤوليه ، شداد طلع يبلغ ابوه وهو فرحان ، ناوي بعد ما يتزوجها بفتره الفلوس الي بتجيه يتزوج فيها على سمر ، ويعيش بسعاده ، ام شداد فرحت لفرحته وما حبت تخرب عليه ،
اتصلت على حرمه لتنطق الحرمه: هلا هلا باختي ام شداد وينك قاطعه اسبوع ؟
ام شداد ابتسمت : ياهلا بام مزون حي هالصوت ، ابد والله اشغال الدنيا ، وانا عندي لكم بشاره ،،،،