يا عواصف الدنيا هُبي..وطيري مع هبوبك سنيني

P12

جالسه ترف بغرفتها سرحانه تحاول ما تصيح ، ، وليالي بجانبها تحاول تخفف عنها ، هي من امس يوم عرفت الخبر بكت شوي وبعدها ما نزلت دمعتها  ، الصدمه قويه وكبيره عليها ، اجلوا العزاء لحين رجوع اخوها وابوها وامها ، يبغون يدفنوها هنا بالرياض ما يبغون يدفنوها عند الاجانب والاغراب ، زادت ضيقتها يوم تذكرت ان امها ماتت بعيد عنها ، هزت راسها بالنفي ، شي مؤلم وموجع انك تفقد ام ، الانسانه الي تسهر الليالي عشان راحتنا ، الام الي ما يهمها شي بالدنيا سوى عيالها ، الام الي تحتوي عيالها مهما كبروا هي تكون ملجأهم الأمن ، الام الي قلبها يتالم من اي شي يصيب عيالها ، الام الي لو نعدد فضائلها علينا ما بنخلص ، انسانه عظيييمه عظيمه جدًا ، الجنه تحت اقدامها ، قلبها الرهيف ما فيه احن منه على وجه الارض ،شعور موجع جدًا تفقد شخص عزيز عليك كـ امك وتفقد حسها ، رحلت لجنات النعيم خير لها من الدنيا وما فيها ، لفت ترف لـ ليالي وابتسمت لها غصب : خلاص ليالي ما فيني شي !
ليالي بضيق على حالها تعرف ان الكتمان أسواء شي ممكن يسويه الانسان ،
نطقت : ترف تكفين لا تكتمين ابكي عادي ترا الكتمان يوجع والله يوجع ،
ترف هزت راسها بالنفي ونطقت : لو ان البكاء بيرجع الاموات ؟ كان بكيت كل صبح ومساءً ،
تنهدت ليالي ونطقت ترف تحاول تهدي نفسها : خلاص ليالي روحي ارتاحي من امس وانتي معي ،
ليالي : بس بـ،،
ترف هزت راسها بالنفي : لاتخافين علي انا قويه مو ضعيفه وراضيه بقضاء الله وقدره ،
ليالي وقفت تمشي ، ونطقت : اذا تحتاجين شي تراني موجوده ،
ترف : ما تقصرين ،
طلعت ليالي من غرفه ترف ( الي هي اساسا كانت غرفه فاضيه) وترف سكرت الباب وادرت القفل حقه ، استندت على الباب من تجمعت الدموع بعيونها تحاول تكتم شهقتها الي باغتتها ، حطت يدها على فمها تكتم شهقاته وعيونها بدات بتنزيل الدموع إعلاناً لاستسلامها ،جلست بجانب الباب بضعف تبكي بصوت شبه مسموع ، ما تقدر تستوعب فكره انها ما بتشوف امها ابدًا ! ما بتقدر تصبح عليها كل يوم ولا تسولف عليها ولا تساعدها ولا تروح وتجي معها ، خلاص امها صارت ذكرى ومالها وجود ، غمضت عيونها يوم حست انها بتنهار زياده ، تعلم ان الله يشوف ضعفها وهي تبكي لوحدها متخفيه عن الكل ، يراها ربي تصارع نفسها تحاول تنجي نفسها من حزنها ، يراها وهي تمثل انها بخير ، يشوفها ويسمعها وتظن الله بيتركك ؟! ، الله يرعى نمله في جحر مظلم تتوقع انه ينساك ؟ حاشاه ! يشوف كل محاولاتك وسجبرك بلطفه ، لكنه يبغى منك اليقين وحسن الظن فيه ، يبيك تدعي له وانت تعلم ومتيقن انه يسمعك وانه سيجيبك ، فقط ثق بالله وسيكرمك ، وقفت اخذت جلال صلاتها وقعدت تصلي صلاه الوتر وتظهر ضعفها لله ، وتدعي وتبكي، حست بعد الصلاه بانشراح صدرها وقفت تتمايل ، من امس وجسدها مُتعب ومُنهك ، فتحت الباب وعلى كتوفها طرحتها فقط راحت الصاله وشافت ام عزام تصيح قعدت بجنبها تحاول تتماسك ،

،
طلع عزام وشافهم بالصاله وشاف ترف جالسه بجنب امه صامته والي يشوفها يقول مستحيل هذا الثبات الي فيها ، جاهلين الحروب والصراعات النفسيه الي بداخلها ، تقدم جلس عندهم يطالعها وهي سرحانه ما انتبهت له ، نطق : ترف
عقد حواجبه ورفع صوته اعلى بشوي: ترف ؟
ترف فزت تطالعه : هـ هلا ؟
عزام بحزن شاف عيونها الناعسه وخشمها الاحمر ووجها منتفخ من الصياح تقدم يجلس قريب منها بعد ما رجعت لــ سرحانها ، لاحظ تمايل جسدها والواضح مُجبره نفسها تثبت ، حط يده على راسها يلمسه وتوسعت عيونه من حس بحراره جبينها ، فز برعب ونطق : علييك حراره !!
طالعته ترف بعيون ذابله ونطقت : انا بخير ،
عزام بنفي : لا لا وشو بخيير؟ راسك مولع نار امشي معي المستشفى ،
ترف وقفت بغضب بتهاوش بس تهاوى جسدها عجزت تتحمل الصداع الي داهمها وطاحت على الارض مغمي عليها ، فزوا لها ام عزام وعزام وصرخت ام عزام : يويييليييي طاحتتت الحققهاا يا عزااامم الحققق بتمووووتت ! ،
عزام فز يحملها ويغطي وجهها ويركبون السياره ، قبل ينطلقون طلعت ليالي من البيت تشوفهم بيمشون صرخت : وششش صاار ؟؟
عزام بصراخ : ادخليي مافيه شيي ترف طاحت علينا من الحراره ،
شهقت بصدمه هذي نهايه الكتمان جسدها هو الي تضرر  ، مشى عزام بسيارته وليالي واقفه عند الياب تبكي ، رجعت خطوه لوراء وهي تشهق شافت بهاج طالع من بيتهم، ركضت له وهي تبكي : بهاااجججج
بهاج لف على ليالي ونطق : وش فيك ؟؟ ميين انتيي ؟
ليالي بدموع جلست على ركبتها بنص الشارع : انا ليالي ليالي ييا بهااج ، تكفى طلبتك وديني المستشفى ترفف هنااك ، طاحتت علينا ببيتنا تكفىى تكفى ،
بهاج بحزن يشوف ضعفها مسك كتوفها يوقفها : خلاص امشي معي اوديك لهم ، بس حطي شي يغطيك ،
هزت راسها وركضت تلبس عباتها بسرعه ، تنهد بهاج يمسح على وجهه وهو يردد : الله يستر
رجع لبيتهم بياخذ مفاتيح سيارته ، طلعت بوجهه ابتهاج ووتين الي كانوا يسمعون صراخ ليالي وقالت ابتهاج بخوف : بهاج مين الي تصيح برا ؟
بهاج ماله خلق لاي شي قال بسرعه: ليالي الي تصيح ،
وتين بخوف : وشفيهاا ؟
بهاج بعدم معرفه : مدري مدري ، تقول ترف طاحت واخذوها المستشفى وتبي تروح تتطمن عليها ،
شهقوا البنات ونطقت ابتهاج: بنرووح معكم تكفى
بهاج هز راسه : طيب طيب عجلووا ،
راحو يلبسون عباياتهم وركبوا معه بالسياره و جت ليالي و ركبت معه ، شافو جدهم وجدتهم جايين لهم تنهد بهاج ونطق الجد : وش فيكم يا بهاج ؟ وين رايحين هالحزه ؟
بهاج: ياجدي احنا رايحين المستشفى يقولون ترف طاحت وبنروح نتطمن عليها !
الجده بخوف نطقت : بنروح معكم ،
ركبوا كلهم و انطلقو متوجهين للمستشفى ،