يا عواصف الدنيا هُبي..وطيري مع هبوبك سنيني

P11

<<بعد مرور يومين >>
حدوو موعد ملكة عزام وترف كانت بعد اسبوع وملكة ابتهاج وبدر اجلوها لشهر ، ووداد ملكتها كانت بعد يوم ،
،
بيت ابو يوسف ، الساعه 2 بعد منتصف اليل ، بغرفه بهاج ويوسف ،طالع بهاج السقف بشرود ، لف على يوسف الي قاعد على جواله ،
و قال : يوسف ، متى ترجع لدوامك ؟
رفع حاجبه يوسف : ليش قاعد على قلبك انا ؟
بهاج هز راسه بالنفي : لا بس غريبه لك شهر ماداومت ،
يوسف بهدوء : معي اجازه شهرين ،
بهاج بحلطمه : يحظك ما شاء الله ، اجازه وراتب،
يوسف لف عليه بدون يتكلم ،
اكمل بهاج : اسمع انا جوعان وش رايك نقول لخواتي يطبخون لنا اكل ؟
هز يوسف راسه : اي والله اني جويع ، بنشوفهم صاحين ولا لا ،
قاموا متوجهين لغرفه خواتهم ، طقوا الباب وفتحت وتين الي لابسه قميص روز طويل وشعرها الطويل لافته بشباصه وبعض خصلها متناثره على وحول وجهها ،
نطقت وتين :هلا؟
يوسف : ما نمتوا ؟
وتين : الا نايمين شويات ونصحى من الحلم ؟ فيه شي ثاني ،
جت ابتهاج : وش تبون ؟
بهاج حط يده على بطنه : والله اني جوعاان حييل شرايكم نطلع السطح ونزبط لنا جلسه حلوه مع الاجواء الحلوه ذي وناكل اكل لذيذ من يدينكم الحلوه ؟
ابتهاج بموافقه: تم ،
لفت لوتين : تجين ؟
وتين بموافقه: اي اكيد
طلعوا من الغرفه ،مشو للمطبخ بدون صوت يعرفون لو درا ابوهم بيوريهم نجوم الليل بعز الظهر ،
دخلو المطبخ وقفلو الباب ،
بهاج جلس على كرسي : وش بتطبخون لنا ؟
وتين بتفكير : ليش مو انتم الي تطبخون ؟
يوسف استغرب : وليش نطبخ ؟ انتو اطبخوا ،
ابتهاج بموافقه لـ وتين : صح ليش ما تطبخون ؟
ورفعت حاجب : ولا ما تعرفون ؟
فز بهاج : اعقبي وانا ولد امي وابوي ، الحين يحضر لكم الذ اكل بتذوقونه بحياتكم ،
وتين بـ شك : ما اظن ،
يوسف مسكهم يطلعهم من المطبخ : انتو اطلعو ورحو للسطح جهزوا لنا جلسه واحنا بنجهز الاكل ،
مشو البنات وبعد ما بعدو عن المطبخ ،ضربت وتين كفها بـ كف ابتهاج
ونطقت : اخييرا بيطبخون لنا ونرتاح من هالطبخ ،
صعدوا للسطح وحطو الفرشه والمراكي وقعدو يسولفون ينتظرون العيال يخلصون ،
،
عند يوسف وبهاج ،
بهاج طلع القلايه : وش نطبخ لهم ؟
يوسف بتفكير : شرايك فاصوليا ؟
هز بهاج راسه وطلع الفاصوليا ، حطها على النار وزادها مويا وبهارات، ويوسف ركب الشاهي على النار وقعدو على كراسي المطبخ ،
بهاج كسر الصمت : تدري ؟
يوسف لف له : ايوا ؟
بهاج :تدري اني غني ؟
رفع حاجب : احلف؟
بهاج : استغفر الله ليش احلف ؟ الله سبحانه وتعالى قال(ولا تجعلوا الله عرضة لايمانكم ) مو لازم تصدقني !
عرف يوسف انه فاصل ونطق يعطيه على جوه: صدق انت غني ؟
هز بهاج راسه:اييه وتدري بعد ؟ عندي بوديقارد ، وشركات ، ومعجبات ، وتدري بعد اني ولد الراجحي ؟
يوسف : كلها نمشيها غير معجبات ، ما تمشي
بهاج : مو لازم تصدق ، وازيدك من الشعر بيت؟
يوسف : ايوا
بهاج بغرور: ترا انا شاعر واعرف بالقصيد ،
يوسف بعدم تصديق : قول لي انا شاعر مُزيف تحاول تقلد ابتهاج ،
بهاج بيثبت كلامه قال بخفوت :
تمشي مشية تسبب بقلبي رعود ،
وتنحني و خـصـرهـــا يتمايل لها ،
_
عيونها تحكي قصة و وعود ،
وشعرها يــنســـدل ويسحرنا بها ،
_
ابتسم يطالع بـ يوسف الي طالعه بصدمه ،
يوسف بعدم تصديق : لحظه لحظه وقف تصوير لوسمحت ! انت بهاج ؟
بهاج بتكبر : اي نعم انا بهاج بن غازي بن سليمان الـ ،، شاعر والشعراء قلايل ،
يوسف : اكييد علمتك ابتهاج ولا من وين لك هاللسان ولا سارقه من النت ؟
بهاج بنفي: لاوالله من تاليفي ، واصبر علي عندي بيتين شعر ،
يوسف فز : اسلم
تنحنح بهاج ونطق :
عيونها يا سعود لو تنظر لها ،
تمرج القلب وتسرح بها ،
_
رمشها الناعــس يشفع لها ،
لا تبسمت كلنً ينظر لها ،
_