يا عواصف الدنيا هُبي..وطيري مع هبوبك سنيني

P7

ببيت ابو بدر ، بعد صلاة العيد :

بدر كان توه راجع من الصلاه مع ابوه نطق : يبه متى نمشي لمزرعه جدي ؟
ابو بدر : بنمشي بعد ١٠ دقايق ان شاء الله ،
هز راسه بدر ومشى داخل ، شاف ترف تحط ميكب وهي مروووقه ، وكل شوي تدور بفستانها بحماس ،ابتسم وقرب يسلم عليها نطق : كل عام وانت بخير يا نبض اخوك ،
ابتسمت ترف تحضنه : وانت بالف خيير يا عيون اختككك ! ، ما قال لك بابا متى نروح لمزرعه جدي ؟
بدر : قالي عشر دقايق البسي عبايتك واسبقيني للسياره ،
هزت ترف راسها بموافقه ومشت تلبس عبايتها ،
راح بدر لامه ونطق : كل عام وانت بخير يا كل اعيادي ،
ام بدر سلمت عليه : وانت بالف خير يا نور قلب امه ،
بدر : يمه تجهزي بنروح للمزرعه ،
ام بدر هزت راسها ، و راحت تلبس عبايتها ، ترف طلعت من البيت وشافت ابوها واقف قدام باب بيتهم تقدمت تحضنه ونطقت : عيددك مباررك يا اطلق ابو بالدنييييا !
ابو بدر ابتسم بحنان : علينا وعليك ،
ترف : بابا العيديه ؟
ضحك ابو بدر وطلع لها 300: هذي عيديتك يا يُبه ،
ترف حضنته: شكررراا باباا ،
جاء بدر وضحك ابو بدر : وهذي 300 ثانيه لبدرنا ،
بدر باس راسه : مشكور يالغاليي ،
ابو بدر : العفو ، يلا نمشي ؟
ترف: ننتظر ماما تخلص ،
جت ام بدر مبتسمه : خلصنا يمه ،
ركبو سيارتهم وانطلقو متوجهين للمزرعه ،
_
بالمزرعه :
المزرعه كبببييره حييل ، فيها اسطبل خيول ، وحظيرة حيوانات ، وبيت بوسطها ، وكم خيمه على طرفها للعزايم ، النخيل ممتد على طول المزرعه ، ورد ، وحديقه واسسعه بهيه المنظر ، فيها بركه صغييره بنهايه المزرعه ،
اول الواصلين غازي وعياله ، نزلو من السياره ونطق غازي ابو يوسف: يوسف ، بهاج ، امشو معي  لخيمه الرجال نجهز الضيافه ،
مشو ورا ابوهم والبنات راحو للبيت المزرعه ،
البيت كبيير وقسمين رجال ونساء ، دخلو البيت ونزلو عباياتهم ،
وتين كانت مسويه شعرها ستريت واطرافه ويفي ورافعته كله فوق بسبب طوله ، فستانها بنفسجي ماسك على جسمها ومنقوش عليه نقوش سوداء ولابسه كعب اسود وميكب ناعم وخفيف ،
_
ابتهاج فاكه شعرها الي يوصل لظهرها ومسويته ستريت ، ثوبها لونه اصفر ماسك من الخصر وبعدها واسع ، بدون اكمام بس لابسه قفازات صفراء طويله ، وكعب ابيض ،
_
ابتهاج تهوي نفسها بعد ما شغلت المكيف : اففف حرر مووت
وتين قعدت تناظر نفسها بالمرايه : اي والله حرر ، والمشكله المكيف يالله يبرد ، اخاف يخرب الميكب حقيي !  ،
جت ام يوسف : يا بنات قومو نجهز الاستقبال قبل يوصلون الضيوف ،
وتين : يمه مين بيجي ؟
ام يوسف : بتجي عمتك مرام وبنتها ، وخالتك ام بدر وام عزام ، وجارتنا ام حسن ، وام سلام ،
ابتهاج بتذمر : ييمه ليش تجي ام سلاام !
وتين : صادقه يمه بس تنقد ومو عاجبها شي ، وبناتها اغث بعد.
ام يوسف : وانتم وش عليكم ؟ خلوها بحالها ، انتو انبسطو بالعيد مع بنات خالاتكم وتونسوا ،
هزو روسهم برضى ،

الساعه ٧ بيوم العيد :
البنات جالسين بمجلس لحالهم:
ترف ، وتين ، ليالي ، ابتهاج ، وداد ، لارا ،
_
ترف | ،فستانها ازرق عليه ورد ابيض ماسك على جسمها ، جهه منه طويلله وجهه لا ، وشعرها البُني ڤوليوم ، غمازتها البارزه زادتها جمال ، ولابسه كعب ابيض ،
_
ليالي | ، لابسه فستان احمر مفتوح من نص فخذها وطويل وماسك ع الجسم ، شعرها القصير مسويته ويفي و ميكب خفيف حييل بس روج احمر وماسكرا ،
_
وداد | ، فستانها اخضر بدون اكمام عاري ، اطرافه سوداء وعليه لمعه باللون الفضي ، ولابسه كعب فضي وشعرها ستريت ، ميكب ثقيل شوي ، مع شنطه خضرا ،
_
لارا | ، فستانها بُني باكمام طويله ، ماسك للخصر وبعدها واسع وطوله وسط ، حاطه فراشه بُنيه على شعرها الاسود ، و ميكب حلو مع ايشدو بني ،
_
ترف : بنات تبون من دانكن ؟ ولا كيان ؟
لارا : دانكن مشتهيه قهوتهم ،
ليالي برفض : لا بنات بس نبي دوناتس ما نبي قهوه ، نشرب قهوه سعوديه احلا ،
ابتهاج بتاييد : اي انا مع ليالي ،
وتين : وانا بعد
ترف : اجل بنطلب من دانكن دونتس ، وقهوه لـ لارا ، وانت وداد ؟
وداد منشغله بالجوال : اي شي ،
ليالي بملل : بنات ما ودكم نرقص ؟
فزت وتين : يلاا
ترف بحماسس : عنديي اغااني تهبل وش اشغل لكم ؟
ابتهاج: لا لا انا بغني بالبدايه تعرفون صوتي حلو ،
ضحكت وداد : الغرور الي بمحله خلاص غني لنا ،
وقفت ابتهاج : بروح اجيب المايكرفون ،
_
راحت لغرفه بالدور الثاني ، دخلت تاخذ السماعه فزت من سمعت صوت اخوانها بهاج وعزام ، وكذا رجال جايين لها ،ارتجفت بخوف وتخبت وراء الباب ، دخلو العيال الغرفه وهم : صقر ، عزام ، بدر ، يوسف ، بهاج ،
قعدو يسولفون ويضحكون ، شافت صقر متوجه لها ، خافت زياده بس انصدمت وهي تشوف واحد واقف قدامها ما تدري مين ،
نطق صقر : بدر بعد باخذ الطراطيع ورا الباب ،
بدر خاف احد يشوفها نطق : انا اجيبها روحو ،
صقر استغرب بس ما علق ومشى هو والعيال ،
تنهدت براحه ونطقت : مشكور
ابتسم بدر وهو للحين صاد: ابتهاج صح ؟
ابتهاج هزت راسها: ايه مرره شكرا
بدر طلع : العفو ،
تنهدت بفرحه وركضت تطلع بس ما حسبت حساب حماسها وصقعته لف يطالعها : بسم الله هدي شفيك طايره ؟
نطقت بفشله : اسفه كنت مستعجله ارجع ،
سرح بجمالها وفستانها الاصفر ، بعد ثواني بدر استوعب وصد ، و مشى : حصل خير انتبهي لطريقك ،
رجعت للبنات ووجها احمرر ، حطت المايك والسماعه وقعدت  ،
و أخذت المايكرفون ونطقت بصوت عذب تحاول تكون طبيعية:
_
يا سارق القلب رد القلب لي رده ،
لاتروح عني وقلبي في سجن عينك ،
_
اختار يا ترد قلبي لي او توده ،
في الحب حكم ضميرك بيني وبينك ،
_
يا سارق القلب رد القلب لي رده ،
لاتروح عني وقلبي في سجن عينك ،
_
اختار يا ترد قلبي لي او توده ،
في الحب حكم ضميرك بيني وبينك ،
_
البنات بصوت واحد :
ياسارق القلب ، يا سارق القلب ،
رد القلب لي رده ،
_
ابتهاج بصوت عالي وحماس :
_ رد القلب لي ررررددددده ،