يا عواصف الدنيا هُبي..وطيري مع هبوبك سنيني

P10

وتين ، ليالي ، ابتهاج ، ترف ، وسن ، سمر ، بدريه ، وداد  ، كلهم بنفس الغرفه مع امهاتهم ،
نطقت مرام تطالع بليالي : ما شاء الله يا ليالي شعرك صار طويل
ليالي لمست شعرها الي وصل لكتوفها وزياده : افكر اقصه ،
فزت ام عزام : ان قصيتيه قصيت راسك ، خليه يطول يا بنت ، شوفي شعر وتين ما شاء الله لا اله الا الله ،
ليالي بنرفزه : يمه تكفين ما احب يكون طويل ،
ام عزام : علمتك انا ،
وسن: خاله لاتخلينها تقصه ، شوفي شعري طويل احسن الطويل على البنات ، القصير يصير كانه شعر ولد استغفرالله ،
ام عزام بموافقه: اسمعي وسن يا ليالي وشوفي شعرها ذكرت الله عنه ،
ليالي بقهر من تدخل وسن نطقت : شعري وكيفي اسوي الي يعجبني
ترف بغيض ل وسن : صح وسن شعرها طويل بس منعدم بالصبغات ، كانها مو واثقه بشكلها كل يومين صبغة جديده ،
وسن بطوله بال : اجرب الالوان ابي اعرف اللون الي يبرز انوثتي ، مو مثلك شعرك بني يفشل ،
ترف: قاهرك ان شعري لونه بني من الله؟ الحمدلله ما يحتاج اصبغ شعري عشان اطلع حلوه انا حلوه بدون شي ،
وسن بتغضيها : الله على الثقه ؟ مين قالك انك حلوه اساسًا ،
ابتهاج بتدخل : انا قلت ؟
وتين : وانا بعد قلت ،
وداد رفعت حاجب : وانا بعد ،
بدريه نطقت : ما قد قلت بس بقول ، ترف حلوه وتاخذ العقل ،
ابتسمت ترف بانتصار وطالعت وسن الي صدت بغيض تسولف مع سمر ،
ضحكت ترف : دوري وجهك الحين ،
ابتهاج لـ سمر وهي للحين كارهتها : الا ما قلتي لنا يا سمر ، شعرك طبيعي ولا مصبوغ ؟
سمر بشوفة نفس : الحمدلله طبيعي ،
ابتهاج بضحكه : طيب اصبغيه مو حلو شكله ،
ضحكو البنات ووقفت سمر : انتي شكلك تدورين مشاكل ؟
وقفت ابتهاج : اي ادور مشاكل ؟ في مانع ؟
بدريه بحده : سمر اجلسي ،
سمر بقهر : ما سمعتي وش قالت؟
بدريه بهدوء : اقول اجلسي ،
ابتهاج تقهرها : اسمعي كلام اختك الكبيره ،
قعدت سمر تطالعهم بتوعد وتخطط مع وسن لـ مصيبه ،
لارا جت تركض وجلست عندهم مبتسمه ،
لاحظت وداد ونطقت : وش فيك متحمسه كذا ؟
لارا بحماس : بنات عندي لكمم اخبار صااادمه ،
وتين بحماس : قوليي ،
لارا التفتت على الحريم ونطقت : تعالو برا
طلعو معها ونطقت ليالي: قولي يلا
لارا اخذت نفس : تخيلو احد خطب ،
فزو البنات ونطقت وداد بحماس: ميين؟
لارا : اصبري بكمل ، مو خاطب واحد ثلاث عيال خطبو مره وحده ،
شهقوا البنات بصدمه ، نطقت بدريه : مين الي خطب ،
لارا ابتسمت: عزام خطب ترف ، وبدر خطب ابتهاج ،
لفت على وداد : ويوسف خطب وداد ،
شهقو كلهم بصدمه ونطقت ابتهاج : وش تقولين انتي متاكده ؟
لارا : اي والله صدق ، سمعت قبل شوي امي تتكلم مع ابوي ،
ترف بتوتر نطقت : افف بنات متوتره وش اسوي ؟
وداد برجفه: يمه ما ابي ،
وتين : وش جاهم العيال يخطبون كلهم فجاءه؟
هزت لارا كتوفها بعدم معرفه ونطقت ابتهاج: بنات وش بتسوون ؟
لارا : وازيدكم من الشعر بيت، قالو العرس بيكون مع بعض ، يعني ثلاث عروسات وعرسان حممااس ،
وتين ضحكت: وربي ونااسسه ،
لفت بدريه عليهم : وافقو فعالليااات وربييي ،
ترف بخجل : بنات اسكتو وش فيكم ،
وداد باحراج: اص لاحد يسمعكم ،
ابتهاج غطت وجهها : يربي وش الي صصار ،
ضحكت ليالي : يعنني خجلانين ،
وتين بضحك: امشو عند الحريم نسمع وش بيقولون ،
وداد برفض : لا لا ما ابي احراج فكونا بالله ،
بدريه تقدمت تسحبهم : امشوا ولا يكثر ،
دخلو البنات يسمعون سوالف الحريم ، ترف وابتهاج ووداد يطالعون الارض بتوتر وصمت ،
ضحكت لارا تنطق بهمس: شوفو اهجدو ،
ليالي بصوت عالي ولعانه : ترف شفيك ساكته سولفي ؟
ترف بقهر ودها تصفقها قالت: ما فيني شي بسكت ،
وتين ضحكت على وجهيهم يوم دخلت ام حسن ، فزو البنات يطالعونها ، جلست ام يوسف تطالع بترف وابتهاج ووداد ، نطقت بعد دقايق : ام عزام ، ام بدر ، وداد ، ترف ، ابتهاج ،
لفو كلهم عليها ومسكت بدريه ضحكتها ،
كملت ام حسن : جونا وجاكم خطاب ،
ام عزام بتساول : مين خطب مين ؟
ام حسن ابتسمت تطالع البنات: يوسف خطب بنتي وداد ، وبدر خطب ابتهاج وعزام خطب ترف ،
طالعتها ام بدر بعدم تصديق : صدق ؟
ام حسن بابتسامة: اي والله ،
ولفت على البنات : وش رايكم ،
صدو البنات بإحراج ما ردو ،
ضحكت ام عزام : خليهم يا ام حسن ياخذون وقت يفكرون فيه ، ولا لا يا ترف ،
ترف ووجهها احمر هزت راسها بحياء ،
ابتهاج بتموت من الحياء تشوف نظرات امها لها ،
ام يوسف باستغراب : غريبه عاد ما كلمني يوسف ؟
ام بدر كان بخاطرها بدر يتزوج وسن بس تشوف ابتهاج مُناسبه له نطقت: حتى انا بدر ما قالي شي قالك شي عزام يا ام عزام ؟
ام عزام هزت راسها بمعنى لا : لا ،
ام حسن: غريبه والله ،
كملو سوالف واشرت وداد للبنات بعيونها يطلعون لخيمه الحريم ، طلعو البنات وراحو الخيمه ، جلسوا ونطقت وتين : ها بنات بتوافقوون ولا ترفضون ؟
ابتهاج : خير ما ودي أتزوج الحين احس باقي صغيره ،
ليالي بحماس : الله ترف تجين تسكنين عندنا ،
ترف برفض : ومين قالك اني بوافق على عزام ؟ تراني لسا صغيره ما وصلت ٢٠ ،
لارا : وشو صغيره ؟ ماباقي شي وتصيرين ١٩ ، وبعدين اكيد الزواج بيطول يمكن سنه سنتين ،
وداد نطقت بحياء : ما عندي مشكله بس الزواج يكون بعد سنتين ،
ابتهاج هزت راسها: اتفق معك ،
ترف باستسلام : اذا بعد سنتين الزواج بوافق غيره لا ،
لارا : يععع يا شينكم ، نبي زواج ياخي ما ابي انتظر سنين !
وداد : مالي دخل ولا برفـ..
ما كملت كلامها ودخلت عليهم بنت صغيره سمراء ، شعرها طوييل مره بالنسبه لطفله ما وصل عمرها ٧ سنوات ، شعرها طويل يوصل لنصف ركبتها ،
نطقت الطفله الي اتضح انها بنت مرام : ابتهاج ابوك يبيك ،
ابتهاج توترت ونطقت : قولي له يا (آيه) اني بالحمام ،
آيه هزت راسها وراحت ، راقبتها ابتهاج ، شافت آيه عند باب خيمه الرجال تنادي ابو يوسف ، طلع ابو يوسف ونطق : وين ابتهاج ؟
آيه ببراءه : بالخيمه وقالت لي اقولك انها بالحمام ،
هز ابو يوسف راسه عرف انها تتهرب منه واكيد عرفت بالموضوع ، مسح على راس آيه ونطق : قولي لها ابوك قافطك وينتظرك عند الاسطبل ،
مشت آيه راجعه لهم ، دخلت وقالت : ابتهاج ابوك يقول اقولك انه قفطك وينتظرك عند اسطبل ،
ابتهاج بتوتر لفت على البنات : تكفون بنات ما ابي اروح وربي احراجج ،
ضحكت ليالي : الله يكون بعونك ،
ابتهاج كشت عليهم ووقفت تحط شيلتها على راسها ولفتها تغطي انفها وفمها، ما بان منها الا عيونها ، عدلت لثمتها وطلعت ، اول ما طلعت من الخيمه صادفت بدر طالع من خيمه الرجال ، توترت تناظر الارض تنتظره يروح ، ابتسم بدر ونطق وهو سمع حوار آيه وابو يوسف : ابوك ينتظرك عند الإسطبل ، شوفي وش يبي ،
كمل طريقه مبتسم ، طالعته باحراج ووجها احمر ، مشت للاسطبل وشافت ابوها جالس عند مُهرتها اصيله يمسح عليها ، تقدمت تشيل اللثمه الي على وجهها : هلا يُبه ،
ابو يوسف لف عليها : هلا بعيون ابوها. ، اقربي اقربي بكلمك بموضوع ،
قربت من ابوها تطالعه بتوتر ، صهلت الاصيله بعدما تعرفت على ابتهاج وضربت بحوافرها الارض ، قربت ابتهاج تحضنها وتقبلها : والله اني اشتقت لك ،
ابتسم ابوها : وش يقول الشاعر عن المُهره؟؟
ابتهاج ببسمه نطقت بصوتها الحلو :
مُهره عنيده ساسها هيبة شيوخ ،
بنت النشاما والفعول الجزيله ،
المُتعبه بترويضها كل مطنوخ ،
الكايده والنادره ، والاصيلة
،
ابو يوسف ابتسم : الله الله صح لسانك ،
ابتهاج : صح بدنك ،
ابو يوسف : ابتهاج يُبه ،
ابتهاج طالعت ابوها تعرف وش بيقول نطقت : لبيه ؟
ابو يوسف: اسمعيني يا يُبه ، بدر بن باتل تقدملك وهو رجال ما شاء الله لا اله الا اله ، يدرس بالجامعه تخصص الجراحه ، وكريم وراعي اصل ، رزين واخلاقه الزينه تشهد له ، وش رايك يا يُبه تبينه ؟
ابتهاج سكتت بتردد ،
وكمل ابوها بمزح: واذا كنتي ما تبينه انا ابيه ،
ضحكت ابتهاج غصب عنها وضحك لضحكها : بعطيك يومين تفكرين فيهم وتردين لي خبر ،
ابتهاج نطقت بحياء : يبه انا ما عندي مشكله ،
ابتسم ابو يوسف : يعني تم ؟
ابتهاج بخجل : تم ،
حضنها ابوها وهو يبارك لها ،
اكملت : بس يُبه ، ما ابي الزواج قريب خليه بعد سنه ،
ابو يوسف هز راسه : مو مشكله يا يُبه ،
مشى وهي ركبت المُهره تفكر بالقرار الي قررته ، ضربت لُجام المُهره لتنطلق المُهره وابتسمت ابتهاج بحماس ، تسابق نفسها وتستمتع بالهواء الي يلفح بوجهها ، بعد وقت وقفت مُهرتها تريحها ، راحت تجهز اكل المُهره ، حطت لها الاكل وتكتفت تناظر مُهرتها وعلى ثغرها بسمه ، تعشق مُهرتها وتموت فيها ، جاتها المُهره هديه يوم كانت صغيره ، زادت ابتسامتها للذكرى الي مرت على ذاكرتها وقعدت تسترجع احداث من الماضي ،