بيت ابو يوسف :
الساعه 6 فجرًا بعد الصلاه ، صلوا كلهم وناموا ، بهاج ويوسف يسولفون على سرايرهم ماجاهم النوم ، نطق بهاج : والله اني جوعان ،
ضحك يوسف : يولد انت بس تجوع !
بهاج : ياخي كيفي بطني وكيفي ،
يوسف : بسم الله ترا ما قلنا شي ! وش بتاكل ،
بهاج : مشتهي اندومي ، بتاكل معي انت ؟
يوسف استغرب : اندومي بعز الصبااح ؟ صاحي انتت ؟
بهاج : الحين اذا اكلت الاندومي بطني بيعرف اننا بالصباح ؟
يوسف هز راسه : لا
بهاج وقف : احسب حسابك ؟
يوسف ابتسم : ايه اقنعتني والله !
مشى بهاج يجهز الاندومي ورجع لغرفتهم ، صادف بطريقه ابتهاج الي طلعت من الغرفه : الله اندوومي !
بهاج طالعها : يهب انتي وش طلعك من الغرفه ؟
ابتهاج : الحاسه السادسه عشر للتوأم ، ياخي انت توأمي اكيد بعرف وين بتروح ووين تجي ؟
بهاج : جهاز تعقب مو توأم ،
ضربت ابتهاج كتفه : وجع بهاج ،
وتين طلعت : الله اندومي ابي ،
بهاج بملل : جتكم هذي وش يفكنا ، اسمعوا روحوا سوو لكم هذي لي انا ويوسف ،
ابتهاج : بهاج امانه بس لقمه وربي تشهييي !
بهاج : اخلصي لقمه وحده بس ،
هزت راسها واخذت الشوكه ، اخذت لقمه كبيره بالحيل وطالعها بهاج بصدمه : هذي صغيره ؟
ابتهاج حطتها بفمها : اي مرره ،
بهاج : بسم الله وش ذا الفم ، بلاعه ؟ ،
وتين تقدمت : بس بس دوري ،
بهاج بقهر : وشو دورك لعبه هي ؟
وتين بترجي : تكفى تكفى يا بهاج تكفى وانا اختك ،
فز بهاج : اعقبي وانا ابو جهاد ، تم تم تم ، اقربي اقربي اكلي منها ،
قربت وتين مبتسمه وقعدت تاكل منها كم لقمه ،
بعد عنها بهاج : خلاص خلصتي الصحن !
ابتهاج تخصرت : لا بالله ؟ ليش اكلت اربع ملاعق وانا وحده ؟
بهاج : يهب حاسبه لقماتها حسب ، روحي سوي لك المطبخ مليان وانقلعوا خلصتوا علينا الاندومي ،
مشى لغرفتهم وفتح الباب برجله ، يوسف التفت له : بدرري بدري ! كان طولت زياده ؟
بهاج : صادفت بطريقي حيوانات جائعه ، قررت اعطيهم عشان اكسب اجر ، تعرفني كريم ، وعاد عطيتهم وجه بزياده وهم يبون اكثر خرشتهم وقعدوا يتراجفون وقالوا سم يا سيدي و ،،
قاطعه يوسف: مصدقينك مصدقينك ، اخلص حط الاندومي ،
حط بهاج الاندومي وقعد ياكل ، نطق بهاج : تدري ؟
اخذ يوسف نفس : وشو ؟
بهاج تربع يقول بحماس : تدري ان فيه وحده تلاحقني مُعجبه فيني ، تخيل كل ما اروح مكان تحلقني وتترجاني اعطيها سنابي ، اكيد اني ما ارضى لبنت الناس هالحكي، قلت لها بالحرف الواحد اذا تبيني تدلين باب بيتنا ،
ضحك يوسف يكمل اكل : اما عاد ! تبيها تخطبك ؟
بهاج هز كتفه : والله اذا تبيني وصامله ، خلها تخطبني وانا عاد ارد لها خبر ،
يوسف يسلك له : وعاد بشر ها خطبت ؟
بهاج : تخيل شفتها عند باب بيتنا تبي تخطبني لها ، انا طلعتها برا بكل ادب واحترام وقلت عيب يا بنت وقالت ما اقدر انت سحرتني بجمالك ، انت جميل وغني ووسيم وشجاع وماهر ومعضل وقوي وهيبه وكريم ، سلكت لها اكيد لان دايم اي بنت تشوفني يغمى عليها ولا تموت من جمالي ،
رفع حاجبه : ايوا ؟
بهاج مسح على شعره : وقالت لي انت فارس احلامي وشويات وتبوس راسي عشان اكلمها بس ، ياخي مشكله لما تكون جميل وغني ، مشكله وربي مشكله ،
انسدح يوسف بعد ما شبع : واضح الجمال ، لدرجه ان وجهك مُكرر مرتين بعايلتنا ،
بهاج بحسره : اههخ ليتني ما طلعت من بطن امي مع ابتهاج ، ليتني ما طلعت الا اخر واحد ، عشان اصير اخر العنقود المزيون ،
مسك يوسف راسه : ياخوي انت ما غير تهذري ، اسكت الله يعافيك صدعت وربي ،
بهاج ناظره بنص عين : اشكي لك انا عن همومي وانت تسلك ؟؟
يوسف بتسليك : لا لا يووه يالمسكين ، يحضك عندك معجباااات مسكييين !
بهاج: يخي شلون مسكين ويحظي ؟ تسلك انت ؟؟
يوسف انسدح بتعب : مدري ابي انام جاني النوم،
وقف بهاج يرجع الاندومي وانسدح بجانب يوسف ،
أنت تقرأ
يا عواصف الدنيا هُبي..وطيري مع هبوبك سنيني
General Fictionالقصه : [اب مجهول يقف امام احدى غرف المستشفى ينتظر ولاده زوجته ويدعي انها ما تلد بنت ، تخرج مُمرضه من الغرفه وقالت له زوجتك جابت بنت وولد توأم، انصدم واخذ ابنته الرضيعه ليرميها امام المسجد ويبتعد ، خرج شخص من المسجد يشوف الطفله الرضيعه واشفق عليها...
