يا عواصف الدنيا هُبي..وطيري مع هبوبك سنيني

P5

بمنزل ما قد زرناه .. بديره بعيييده عن الرياض ،
عايشين اهلها ببيوت من طين ،
قاعده امراءه عمرها بالخمسين ، وبجنبها ولدها يطالعها بحزن شديد ،
المراءه ابتسمت ما تبي تقلق ولدها : وش فيك يا همام ضايق خلقك ؟
همام: يمه مافيني شي انت وش فيك الحزن يطغى على ملامحك ،
ام همام بضيق : ما نسيتها ، ما نسيت بنتي ابيها ،
همام بهم ناظر امه : يمه استهدي بالله ، هذا حالك من يوم عرفتك دايم ضايقه وتبكين تبين اختي ! والله يا يمه لو ادري وينها لأجيبها حتى لو كانت بآخر العالم !
ام همام بدموع : لييش ابوك يقهرني فيها ! ليش اخذها يوم ولادتها وقلعها ! قالي قبل يروح انساها ! كيف ام تنسى ضناها ! حرقق قلبيي الله لا يسااامحهه ، لايسااامحهه ! ،
همام : يمه ما يجوز على الميت الا الرحمه ،
ام همام بانهيار: وهذا خلى فيه رحمهه ! يحرق قلب بنت بامها وعشان ايش ؟ ايشش ؟ ؟ ما قاااليي ليشششش رماهاا ، هذي بنتي بنتي قطعه من روحي ، كل ليله مدري وش حالها ! بخير ولا مو بخير ؟ كيف عايشه ؟ جوعانه اكلت ؟ ميته ولا حيه ؟ لللييششش يرميييهاا مالللله حققق ! الله لايسامحهه هالحقيرر عساااه يتعذب بقبرره ليل نهااار ، الله يقهره مثل ما قهرنيي !
همام بضيق من حال امه : يمه اهدي لايرتفع ضغطك ان شاء الله نلاقيها ، لا تيأسين !
ام همام ببكاء : وين بلاقيها ، سنيييين طويييله ادورها ماتركت دابه بجحرها وبالنهايه ، ما الااقيييهاااااااا لليييييشششش اعييشش هالمعاناهه !! من يوم تزوجته و اخذني من بيت اهلي وحياتي جحيييم من يووووم حمللت فيكم وهو يقول : اذا جبتي بنت انسيهاا ، وشششش ذنبيييييي اذا جت بنتت ؟ ووش ذنب بنتييي انها ولددت بعائله ابوهااا متخلففف ،؟؟؟؟؟ وششش ذنبهاااا !!
تنهد همام بضيق: خلاص يمه انتي تحرقين نفسك على الفاضي ! اهدي ابوي مات وفكنا من شره واختي الله اعللم بحالها ، واحنا وش بنسوي ؟ استفدتي شي من هالصياح طول هالسنين ؟ رجعت لك اختي ؟ طبعًا لا لازم تهدين ماله داعي تتعبين نفسك كذا !
ام همام بالم : الله يجمعني فيها يارب قبل اموت
همام فز : استغفري يمه عسى عمرك طويل ،
ابتسمت ام همام بحزن ، ولدها ماله ذنب تخوفه عليها : استغفر الله ربي يخليك لي ياعمري ،
ابتسم همام : ويحفظك لي يا حلوه اللبن امشي نتمشى توسعين صدرك ،

،

(خلونا نكشف ما وراء الستار ونظهر بعض الحقائق..نرجع للماضي وقبل ولاده همام واخته)
،
ابو همام الي اسمه( فهاد) ،
طلع من المستشفى مبسوط حييل بخبر حمل زوجته ، ندم قد شعر راسه لانه دايم يضيق صدرها ، حلف من اليوم ورايح يعيشها سعاده ما تبي غيرها ، طلب الدكتور منه يخلي زوجته يومين كذا بالمستشفى عشان الفحوصات وهالامور ، كان طالع من المستشفى بيفرح اهله واهلها بخبر حملها ، ساق سيارته مسرع وابواب الدنيا تنفتح بوجهه ، ما انتبه للطريق وسرعان ما صدم شخص ،
فز بصدمه على فعلته الشنيعه ! ، نزل من سيارته والشارع كان فاضي شاف الولد الي صدمه وارتجفت كل خلييه بجسمه ! هذا صهيب ،
ولد سطام ، سطام الخبيث الي دهور حال فهاد ،
سطام لعب عليه ببدايه زواجه واعطاه مخدرات وفهاد بدوره ادمنها ، كان كل يوم فهاد يعصب يبي يريح راسه وياكل من هالخراب ! كل يوم يترجى سطام يعطيه حبه ، واذا رفض سطام يطلع جنونه على زوجته(هبه) ام همام ،
واخر فتره قطع ادمانه بالمخدرات ، وسطام يحاول فيه يرجع لكن فهاد صد وحلف يمين ما تدخل فمه ، واليوم طاح بمصيبه ،
قعد يرجف ويدعي ، (يارب سلم يارب سلم )، زادت رجفته يوم شاف سطام طالع من بيته ، سطام طالع ولده المرمي امامه والملطخ بالدماء ضحك بسخريه وهو توه اكل من المخدرات: قتلته ؟
انصدم فهاد وش فيه مجنون ولده غارق بدمه وهو لا احساس ولا ضمير نطق برعب : ما انتبهت له ، وربي ما شفتهه !
سطام ضحك يطالع بولده والواضح انه بسبب المخدرات الي يتعاطاها : شرايك ؟ تبي اعدام ؟ ولا سجن مؤبد ؟ اللي اشوفه انك قتلت ولدي !
ارتجف فهاد ، اخيرا بعد ما حملت زوجته، وابعد عن هالخراب ، يطيح بمصيبه جديده
ناظره ونطق بترجي : تككفى الله يسعدك اسويي الي تبي بس اتركنيي اعيشش والله ماكااان قصدييي اقتلههه !! زوجتي حاملل تو اشوف السعادده دخيييلك اسوي الي تبي بس لا تسجني ولا تقتلنيي !!
سطام انفجر ضحك بجنون من اثار الخراب الي يتعاطاه : يا مسكيييين رحمتك ! قاتل ولدي وتترجاني اسامحك ! حررامم تصدق ؟ اتونس وانا اشوفك ذليل كذا ، ايي صح قلت لي زوجتك حاملل ؟
طالعه فهاد بخوف ، وش بيسوي هالمجنون ولده مات قدامه ويسأل عن زوجته ربي يستر ! ،
سطام : بصراحه ولدي ذا الي انت قتلته ما اطيقه ، وكنت ناوي اذبحه الحين ،زين انك ذبحته وفكيتني منه تخييل يهدد ابوه ! يقولي اذا ما وقفت بيع مخدرات بيبلغ علي الشرطه وماعنده مشكله اعيش بالسجن للأبد او انعدم ! توه طلع بيبلغ علي وانا كنت بذبحه الحين بس فكيتني منه هذا ولد
عاق ، واجبرني اطلق امه ! شوف يا فهاد تبيني اخليك تطلع منها وتعيش مع زوجتك بشرط واحد بس ! اذا جتك بنت تكون لي ،
العين بالعين والسن بالسن انا عندي ولدي هذا بس وبنتي ، اذا جتك بنت اخذها ولاتعرفني ولا اعرفك وتعتبرها ماتت ! فاااهمم !
فهاد طالعه بصدمه ، وش قاعد يقول هالمجنون ! يبي بنته ! مستحيل يخلي بنته تعيش مع هالمجنون الله اعلم وش بيسوي فيها !
نطق برفض : ايي شي الا عياللي طلبتك !
طلع سطام جواله : اجل نشوفك بالمحاكم !
فهاد بضيق يفكر كيف يطلع نفسه من هالورطه نطق : وش تبي ببنتي ؟
سطام بضحكه : مدري ؟ يمكن خدامه ؟ تاجره مخدرات ؟ راعيه ذيك الامور ؟ ما ندري ،
فهاد هز راسه بصدمه مستحييل يوافق نطق: الله يخليككك رجيييتك اعطييك الفلوس الي تبي تكفىى ،
سطام بحده: اخلص علي مو فاضي يشوفنا احد !ً
وتكبر السالفه !
فهاد : واذا ولد ؟
سطام بهدوء : اتركك بحالك ،
هز راسه فهاد على مضض بيطلع نفسه اول وبعدين يتصرف : طييب طييب !
ابتسم سطام بانتصار : اجل اعتبر هالامور منحله وتذكر اذا كذبت علي تودع زوجتك وامك !
مشى فهاد بضييق وشش يسوي ؟ وش هالمشكله الي انهدت على راسه ؟ فكر وفكر ،
فكر بالهرب بس شلون يهرب ؟ وش يقول لزوجته؟ قتلت ولد تاجر مخدرات وطلبت منه يسامحني ووافق بشرط ياخذ بنته الي بتجيبها ؟ اي بلا حط نفسه فيه ؟ ما حس بنفسه الا هو راجع للمستشفى ، نزل بضيق وتوجه لاحد الغرف ، شافها منسدحه واول ما شافته ابتسمت ،
هالمسكيينه كيف بتتحمل ؟ قرر ينتظر لين تولد ويحل هالمشكله ،
،
(تسريع للوقت بعد ما ولدت هبه)
،
بعد ما حط بنته عند المسجد قبلها بحنيه ودموعه بعينه همس: سامحيني ياعيون ابوك ،
راح يركب سيارته ، قرر ما يمشي لين يشوف وش بيصير لبنته ، شاف رجال شالها وتوجه لبيته ، راقبهم لايام وشاف فرحه الام بهالطفله ، ابتسم ، وهو يدعي ربه يكونون هالعائله خير وسند لها ،
ركب سيارته راجع لبيتهم ، دخل البيت وشاف زوجته ، منسدحه وبحضنها ولدها الصغير ، اول ما شافت فهاد انفجرت تصيح : حسبيي الله عليك ! وييين بنتي ويينهااا !
فهاد بضيق ما يدري وش يقول : هبه ، انسيها ، خلينا نسافر ونترك كل شي ورانا ، تكفين اعذريني مو بيدي !
صدت هبه وما درت عليه ، مرت ايام كثيره والجفاء بينهم اساسها ،
دخل فهد غرفته وشاف هبه تجمع اغراضها وملابسها نطق بخوف : هبه وين رايحه ،
هبه بحزن وهي بحضنها همام : ابعد عني تبيني اقعد عندك بعد ما احرقت قلبي ببنتي ؟؟
فهاد بحزن : تكفين يا هبه لا تزيدينها علي ! تكفين مو بيدي قسم بالله ،
هبه بدموع : ويين بنتيي تكلمم وينهااا ؟؟ ذبحتهاا ؟ تشوفها عار ؟ والله انت العااار ! ما اقعد بهالبيت دقيقه وحده ! وينهاا بنتيي ؟
فهاد بضيق : خلاص يا هبه ، انسيها لاتزيدين جرحي ! بنتك اعتبري نفسك ما جبتيها !
هبه بصياح وقهر :
اكفني شرك كفى جرح القلوب ،
رح عسى الله يحرمك لذه المنام ،
_
صرت اشوف الغدر ما بين الدروب ،
ياسبب نوحي وحزني والهيام ،
_
ابتدينا وانتهينا يا لعوب...
لاتحاول تقنع بحلو الكلام ،
،
شالت شنطتها وبيدها همام وطلعت بالسياره تركب مع ابوها ، وهذي كانت اخر مره تشوف فيها فهاد ،
فهاد اول ما طلعت قعد يصيح وضاق خلقه ، وش هالحياه الي تاخذ وتسلب كل ما نبي ؟ ،
طلع وركب سيارته ناوي يعتذر ويرجع بنته ،
مشى وبعد وقت ، لاحظ فيه سياره تلاحقه ، ناظرها بتدقيق وانصدم ، هذي سياره سطام ،
سطام كان يدوره طول هالوقت انجن خاف يكون اخلف بوعده ، ما صدق على الله يلاقيه ولاحقه ، قعد يضرب بوري يبي فهاد يوقف بس فهاد زاد سرعته بيهرب ، استمرت مطاردتهم لساعه ،
وبلحظه غير مسبوقه ، اصطدمت سياره سطام بسياره فهاد بقوه ، كل السيارتين تقلبو ، وحده وقفت وانفجرت انفجار كبير ، والثاني تقلبت بقوه ثواني وانفجرت هي الثانيه ،
مات كل من فهاد وسطام تاركين وراهم مصايب تحملها الحياه ،،،