يا عواصف الدنيا هُبي..وطيري مع هبوبك سنيني

P17

فتحت عيونها ببطء ، رفعت راسها تشوف هي وين ، جت بتتحرك بس حست بالم بكتوفها ، لفت تشوف ان كفوفها مُقيده ، ورجولها مُقيده بحبل ، ارتجفت برعب من تذكرت الي صار واستوعبت انها مخطوفه ، فزت من شافت الباب يفتح والنور الي بالخارج اضاء الغرفه المُعتمه الي فيها ، شافت الرجال الي خطفها يتقدم نحوها ، وانحنى يتساوى مع جلوسها ونطق : ليالي ،
ليالي زحفت لورا بخوف لين لامست الجدار : مـ مين انت ؟؟
شال اللثمه الي على وجهه ونطقت ليالي بصدمه : سـ سلام ؟
سلام بضحكه : اي سلام بنفسه ، سلام بلحمه ودمه وشحمه ،
واكمل بخبث : ما اشتقتي لي ؟
رفعت رجولها وضربته بقوه على راسه : يالخسيسس يالي مما تستحيي ! وشش تبيي منيي خلااصص طلقتنيي تراا !
سلام بحده تقدم يمسك فكها بقوه : انكتميي ، اجلل بتتزوجيين ؟ والله ما يتم هالزواج الا على جثتي ،
ليالي بألم من مسكته نطقت : تخسي والله لا اتزوج واقهرك يالمريضض ! خيير مسووي اككشن وخاطفني وشش تحس فيه ؟
سلام رص على فكها اكثر : على جثتي ان تزوجتي احد بعدي ، وراح ارجعك لي ، اذا مو بالطيب ، بالغصب !
ليالي تفلت على وجهه القريب من وجهها : تفو عليك يالي ما تستحي ، تحسب بفعلتكك ذي بوافق وارجع لك ؟ وتظن اخواني واهلي بيتفرجون عليك ؟ والله لا يدوروني وين ما كنت ، وعندها بشوف جثتك ، وانا بثوب زواجي من بهاج !
سلام وقف بعصبيه : انكتميي ،
ليالي رفعت راسها تطالعه بحده ، سلام بخبث : والله صرتي احلا بهالشهور الي مضت ،
ارتجفت بخوف و مثلت القوه : الحمدلله انا صرت احلى ، مو مثلك !
ورفعت عيونها من فوق لتحت تطالعه : صرت شين وقوي عين وقبيح وقليل ادب وحقير وسافـ،،
سكتت من حست بنظراته الناريه وانحنى يشد شعرها : انتتتيي عطييتك وجهه زيااده وتماديتيي ، شكل يبي لك حبس ممن جديدد عشان تعرفيين سلاام ميين !
ليالي بصراخ : الا اعرف سسلام ! اعرفك يالخسيس يالوصخ زين ، اعرف انك ما فيك خير و ما تخاف من الله ، لو فيك خير ما خطفتني ،
سلام دفها بقوه: تبين الخير ؟ تبشرين به ،
طلع وصفق الباب وراه بقوه ، اخذت نفس برجفه وتدعي ان ربي يسلمها منه ،

،
سمر اخذت الجوال تتصل على شخص : وصلت ؟
؟؟؟ : انا حاليًا عند الباب ، ادخل ؟
سمر بخبث : لا راقب المكان شوي ، تاكد ان ما فيه اي احد ابي خطتي ما تفشل ،
؟؟؟ : طيب ،
سمر : ونفس ما اتفقنا ، اخطفها وسوي فيها الي تبي ،
؟؟؟ : شفته تو نزلها لبيتها ومشى ،
سمر بسرعه : اذا بعد ادخل لها ، امها واختها كلهم مو هنا ،
قفلت الخط ببسمه وهي تقول : والله لا اوريكم ،
شافت اتصال من وسن رفعت الجوال لاذنها لتسمع صوت وسن الي قالت : ها بشري وش صار؟
سمر ضحكت : ابشرك سلام خطف ليالي وهذاك رايح لابتهاج يشوه سمعتها ،
وسن بانتصار : بس باقي وتينوه الزفت ذيك ،
سمر لعبت بخصله من شعرها : كل شي بوقته حلو ، يلا سييو ،
حطت جوالها وضحكت تتذكر الي صار ،
،
<نرجع ثلاث ايام وراء >
سلام بالصاله وامه وبدريه عند جارتهم ، نزلت تشوفه على الجوال وطفشان ، جلست بجنبه ونطقت: وش فيك يا سلام ؟
سلام بهدوء : مافيني شي ملل ،
سمر بمكر : تدري ؟ ليالي انخطبت من ولد عمها ،
سلام لف عليها : هاه ؟
سمر تردف بخبث : اي ، تخيل زوجتك ياخذها احد غيرك وينام معها ! ليالي الي تحبها والي تحبك ،
سلام بعدم اقتناع : بس هي ما تبيني ؟
سمر نطقت تزيد اللعب عليه وتزيد قهره : مو بكيفها ، تخيل انها سوت حفله بمناسبه طلاقها ! الناس تكلموا عليك الف مره وقالوا اكيد فيه بلا ! والحين بتتزوج وانت محد بيرضى فيك بسبب فعله ليالي ،
سلام توه يدري عن موضوع الحفله نطق بحده : مسويه حفلله ؟ عشانهاا تطلقتت منييي ؟
سمر تمثل الحزن : اي ، ما تشوف محد يكلمك او يبيك ؟ الناس تقول فيه عيب ولا ليش زوجته تحتفل بطلاقها وبعد فتره تنخطب وتوافق ؟ تخيل يا سلام احد ياخذ ليالي غيرك ! ليالي مُلك لك ، بترضى عليها ؟
رص على سنونه بحده : هييي ما تبينييي ! ولو اتقدمم لها اخوانهاا بيكسرونيي ! وشششش اسوي ؟
سمر : بسيطه ، اخطفها ، ولو رفضت تتزوجك لا ترجعها لاهلها ، خليها عايشه معك لين ترضى فيك ، حتى لو طولت مردها بترضى ، واذا شفتها عنيده عليك بالضرب واجبارها تتطلق من ولد عمها وترجع لك ،
سلام بتردد : وشلون بخطفها ؟ صعبه يا سمر صعبه ،
سمر بنفي : ماهي صعبه ، انا ادبر لك يوم تروح وتخطفها فيه ، وامي وبدريه لا يدرون ،
هز راسه سلام باقتناع وكملت سمر حكي تزيد وتعبي راسه ،
،