يا عواصف الدنيا هُبي..وطيري مع هبوبك سنيني

P26

بـاريــس الســاعــه ٦ مساءًا~
واقفه ترف قدام التسريحه وعزام جالس على كرسي التسريحه وشعره مُبلل ، ابتسمت : بلعب بشعرك عادي ؟
ابتسم لها : واحنا نقدر نرد الحسناء ؟
اخذت الجل والمشط لتنطق : تبيه كيرلي ولا ستريت ولا ويفي ؟
عقد حواجبه : وشو ذولي تسريحات ؟
ضحكت ترف : اي اختار ،
رفع اكتافه : معرف ، حطي اي شي اهمشي حلو ،
ابتسمت تفتح الجل وتاخذ كميه باصابعها ، وزعته على شعره وقعدت تُلف خصل شعره ، ابتسمت بعد ما انتهت من النتيجه لتنطق : واو عزامي ضابط مرره ،
ناظر نفسه مع المرايه لتتسع عيونه : وش مهببه انتي؟ شعري صار ملفلف تقل فلافل ؟
ضحكت بقوه على رده فعله : عادي هذا كيرلي كل الناس تسويه وبعدين تراه طالع حلو عليك مرره ،
عزام : دامه حلو خلاص نخليه ، نمشي ؟
هزت راسها لتتجه نحو الدولاب ، فتحته وشافت جاكيت أسود طويل وثقيل لبسته وشعرها رفعته لفوق لتغطيه بقبعه صوفيه ولتلبس نظاره شمسيه وكمامه سوداء ، لبست احذيه بوت سوداء طويله ، لفت على عزام الي لابس جاكيت بيضاء على بنطال اسود ونظاره شمسيه على راسه ، أخذت شنطتها ومد كفه ليشبك كفوفهم مع بعض ، طلعوا من الفندق يتمشون حوله بالاسواق القريبه منه ، وقفوا امام بحيره امتلئت بالبجعات الجميله ذوات الريش الأبيض ، رفّعت ترف جوالها تصورهم لينطق عزام : نركب قارب ؟
هزت راسها لتلتفت وترى قارب صغير يتسع لهم ، مشت خلفه وحجز عزام القارب ، ركب السائق بالخلف ليتبعه عزام ، بعد ركوب عزام لف على ترف ومد كفه : يلا ،
مدت كفها لتمسّك أناملها انامله وتصعد على متن القارب ، اشار عزام للسائق بالانطلاق وماهي الا ثواني لينطلق ، اتسع مبسمها من رذاذ الماء إلي يرشّ عليهم ونطقت بحماس : واووو ،
لف عليها ليبتسم وطبع قُبله سريعه على خدها ، توردت وجنتاها وسندت راسها على كتفه تستمتع بالمناظر ، نزلوا من القارب وقعدوا يتمشون بالاسواق ، لفت خلفها لتصرخ بُمتعه : عزامي ،
لف عليها : عيوونه !
ترف إشارت بسبابتها : شوف برج ايفل  !
ابتسم : نروح له ؟
هزت راسها ليتجهون نحوه ، وقف عزام امام البرج لتثبت ترف الكاميرا وتقف هي كذلك امامه وبجانب عزام والجوال يصورهم حاوط خصرها ليحتضنها بحُب ورفق ، وارخت كفوفها على صدره ، لتُصبح صوره رائعه وخلابه مع غروب الشمس من خلفهم ، قربت تأخذ الجوال ولفت على عزام الي نطق : تعالي نصعد البرج ،
اقتربت تمشي معه ليدخلون البرج ويصعدونه ، ابتسم كلآهما بانبهار من منظر باريس بالأعلى والشفق الاحمر فوقها والطيور التي تحلق أعلاها ، مسكها مع كتفها يحتضنها ويهمس : احبك يا تـرفـي الحسناء ،
اجابته : وانا بعد احبك ،

<بعد شهر>
ليالي منسدحه تكلم بجوالها وتضحك : ياخي قلت لك مقدر الحين ،
بهاج : ياخي عادي بس صوره تراني زوجك ،
ليالي : حتى لو ما اثق فيك ،
بهاج باصرار : تكفين يا ليالي انا طالبك ،
ليالي : ياخي لا ،
انقهر : خير ترا زواجنا قريب ، انا زوجك !
تنهدت : طيب صوره وحده وتمسحها ،
ابتسم: تم من عيوني ،
اخذت نفس ودخلت الألبوم تناظر صورها ، ارسلت لبهاج صوره وحده من صورها وكتبت اسفلها : شوفها بسرعه تراني بمسحها ،
بعد ثواني رد : امسحيها ،
ابتسمت بتمسحها وسرعان ما وسعت عيونها من جاها اشعار (*نشبتي* قام بحفظ الصوره التي ارسلتها الى البوم الكاميرا) وكتبت بقهر : خيير ليش تحفظها ؟
ليجيب عليها :هههههههههههههههههههههههههههههههههههههههههههههههههههههه شسوي ياخي انتي حلوه ،
ليالي اتصلت عليه ليرد وهو يضحك نطقت بِغل : ضحكت بلا سنون ان شاء الله ليشش تحفظهاا ؟
بهاج : عادي يبنت زوجك انا ،
ليالي : وهذي المشكله ، تكفى بهاج امسحها ،
بهاج بخبث : بشرط ،
ليالي بسرعه : ووشووو ؟
بهاج : امرك وتطلعين معي نتمشى ،
ليالي برفض : لا ما عندنا بنات يطلعون مع الرجال قبل الزواج ،
بهاج : اجل ما بمسح الصوره ،
ليالي بنرفزه : بهاج خيير ؟؟
سمعت صوت ضحكته ونطقت : تكفى بهاجي ،
سكت لثواني و ينطق : وش قلتي ؟
ليالي ببراءه : وش قلت؟ قلت بهاجي ،
بهاج ابتسم : اويلي توي ادري ان اسمي حلى ، بالله قوليها مره ثانيه ،
نطقت : امسح الصوره واقولها ،
بهاج سكت ورد بعد دقيقه : مسحتها ،
ليالي بتكذيب : احلف ،
بهاج : ورب الكعبه اني مسحتها ، يالله قوليها ،
ابتسمت : تخسي اقولها ،
وسع عيونه بصدمه :تكذبين عليي ؟
ضحكت بقوه وسرعان ما تلاشت ضحكتها من قال : ترا الصوره عندي ،
ليالي بصدمه : شلوون ؟ توك حالف انك ماسحها ،
بهاج بضحكه: ايوا ارسلتها لرقمي الثاني وبعدها مسحتها من عندي ،
ليالي عضت شفتها : حقييير والله ،
ضحك باتساع وقفلت الخط بوجهه لتهمس : حقير بس يضحكني ،
وقفت تطلع بعد ما سمعت امها تناديها ،