يا عواصف الدنيا هُبي..وطيري مع هبوبك سنيني

P19

سبحان الله ، استغفر الله ، سبحان الله وبحمده سبحان الله العظيم ✨

واقف بحديقه المستشفى ويتنفس بقهر ، لابس لبس المستشفى وشعره مُبتل ، مقهور حييل عليها ، مقهور انها حطت نفسها بوجه المدفع وحمته ، كره نفسه وكره استسلامه ، يتذكر جروحها وفرحتها يوم شافته ، اي جحيم عاشته مع سلام لتفرح لهذي الدرجه بشوفته ؟ ، التفت بقهر يشوف الممرضه الي تطلب منه يرجع لسريره لان حالته صعبه وما تسمح له يوقف ، تجاهلها ورفع نظره للسماء والغيوم الي حاجبه ضوء الشمس عنه ، المطر ينهمر بغزاره ويبلله ، شد على قبضه يده بقهر وده يشوف سلام امامه وما يخلي فيه عظم صاحي ، شاف صقر متوجه له واشاح بنظره عنه ، نطق صقر : بهاج ،
بهاج : هلا ؟
صقر يشوف قبضه يد بهاج ونطق : مقهور ؟
بهاج : وتسألني؟
صقر ضحك : طيب ناظرني !
لف بهاج يطالع بصقر وانصدم ، وجهه متورم ولبسه متقطع وممزق وانفه ينزف ، قال : سويتها ؟
صقر هز راسه : اي جيته بمخفر الشرطه انا وعزام ، طلبنا نقابله والشرطي سمح لنا لساعه ، وعاد خليناه يعض الارض عض ،
واكمل بنرفزه : ما اشفى غليلي ودي اذبحه بعد ، بس وقفونا الشرطه للاسف ،
سكت بهاج ونطق صقر : ليش طالع برا ؟ ادخل داخل انت توك طالع من عمليه وعندك اصابات ! امش لا تبرد ،
بهاج بنفي : الممرضه حاولت فيني قبلك ، ماني بداخل ،
تنهد صقر وجلس على كراسي الحديقه يناظر بهاج ، ليالي لها يومين ما صحت ووتين بعد ، شاف بهاج يضرب الجدار الي امامه بقوه لين نزفت كفوفه ، يضربه بقهر وحرقه على وتين وعلى ليالي ، مقهووور من سللام حييل ، وقف من مسكه صقر مع كفه ونطق : بس يا بهاج بس ،
بهاج بنرفزه : اتركني يا صققر اتركني ،
صقر : داري انكك محروق وانا ماني اشوا منك ، بس لا توجع نفسك وتحرقها كذا ،
تنفس بهاج بغضب وسحب كفه ، جلس على الكراسي بتعب ، صقر جلس جنبه بصمت ، مرت ثواني او ربما دقائق محد يعرف كل واحد فيهم غارق بهواجيسه ، لف صقر على بهاج الي يكح بقوه ، فز بخوف : بهاج ؟
بهاج رفع نظره له وابتسم بتعب : ما فيني شي زكمه بسيطه ،
صقر انتفض برعب من شاف الدم يطلع من فم بهاج ونطق : دم يا بهاج دمم ،
بهاج نزل عيونه على كفه الي امتلى من الدم ونطق بتعجب : من دمه ذا مـ،،
قطع كلامه من حس الدنيا تدور فيه ، فز صقر يمسكه ونطق : بهاااج ،
بهاج ابتسم يستند على الكراسي : مافيني شي داهمتني دوخه بسيطه ، انا بخير ،
صقر بصراخ : مانت بخير ! ما تشوف الدمم ؟
بهاج غمض عيونه : صقر لا تصارخ ،
وقف صقر ينادي الدكتوره ، مسح بهاج على شعره بانزعاج من المطر المُنهمر الي يبلله ، تنهد يشوف صقر راجع وخلفه ممرضات ، غمض عيونه يسمع صراخ صقر ، حملوه الممرضات لاحدى الغرف وصقر دخل يتبعهم وجلس على كراسي الأنتظار يسترجع ما حدث ،

،
<بمخفر الشرطه>
وصل استدعاء لصقر وعزام وابو عزام عشان قضيه ليالي وخطفها ، ابو عزام رفض يجي بيقعد عند ليالي ، فقط عزام وصقر هم من جو ، حقق معهم المحقق لفتره وطلب عزام مُقابله سلام ، رفض المحقق بالبدايه ومع اصرارهم وافق ، اعطوهم مُهله ساعه فقط للحديث ، دخلو غرفه شبه فاضيه ، فيها طاوله وعلى جانبها كرسيين والجانب الاخر كرسي واحد ، جلسوا على احدى الكرسيين منتظرين سلام ، دخل سلام بايدي مُكلبشه بالاصفاد وعلى وجهه كدمات واثار لضرب مُبرح تلقاه من بهاج ، جلس امامهم ويفصل بينهم طاوله فقط وشرطي واقف عند الباب من الخارج ، ابتسم عزام بسخريه : هلا والله شرفتنا ونورتنا يا سلام ،
رفع نظره سلام عليهم بصمت ،
نطق صقر : وش الي سامعينه ؟ مسوي خطف واكشن وحركات ؟ شكل جلدك يحكك تبيه ينضرب ؟
سلام : وش تبون اخلصوا ؟
عزام : ابد جايين نتطمن عليك تعرف بيننا عشره وملح ، ما ينفع نتركك كذا ،
سلام ببرود : تطمنتوا علي ، وهذا مو مقصدكم ،
صقر ابتسم : يعجبني الي يفهمون بدون لف ودوران ،
عزام شمّر اكمامه : مقصدنا نصفي حساباتنا على فعلتك ،
سلام : وش سويت ؟
صقر : خطفت ليالي ،
سلام : عارف ،
عزام : ضربتها ،
سلام نطق : عارف ،
صقر بحده : احرقتها ،
سلام : عارف
صقر : حبستها ،
سلام تنهد : عارف ،
عزام : ضربتها بالسوط !
سلام بملل : عارف !  لوين بتوصلون ؟
عزام بهدوء : تشوف ان معك حق بفعلتك ؟
سلام هز راسه : هي تستاهل كل هذا ،
عض شفته صقر : وش سوت لك ؟
سلام : ما تبيني ، عشان كذا خطفتها ،
عزام بنفس الهدوء : واذا ما تبيك تخطفها ؟
سلام : اي ، عشان تحبني ،
شد صقر على اسنانه : وحبتك ؟
سلام بنفي : الحين لا ، ممكن اي مستقبلًا ؟
عزام ببرود : تحبها ؟
سلام : احبها ،
وقف عزام ولكمه على وجهه بقوه ، طاح سلام على الارض وجلس فوقه عزام ومسك ياقته : تحبهاا ؟
سلام : احبها ،
لكمه بقوه عزام على وجهه ونطق : تحبها وتعذبها ؟؟
سلام دف عزام بقوه ووقف بصعوبه : عشان تحبني ،
صقر دفه على الجدار : الي يحب يسوي كذا ؟
ابتسم سلام باستفزاز : ما سمعت المقوله ؟ ومن الحُب ما قتل ؟ تدري لو ما لقيتوها ممكن اذبحها ولا تاخذ غيري ؟
صقر بفحيح قرب من سلام ويده على عنقه : ولا سمعت بمقوله ؟ العين بالعين والسن بالسن ؟
سلام ناظر كف صقر الي على عنقه ونطق : بتقتلني ؟
مسك عزام كتف صقر ونطق : صدقني مو بالسهوله ذي يا سلام ، بنتسلى بالامك ،
ابتسم سلام وانقهر صقر يخنقه ، رفع سلام رجله وبحركه سريعه ضرب بطن صقر بقوه ، انحنى صقر بالم وجُن جنون عزام وتقدم يلكم ويضرب سلام ويطلع حرته فيه ، حرته على ليالي والايام السوداء الي عاشتها وقهره على تعذيب سلام لها بحجه مسمى الحُب ، سلام امامه كان ككيس المُلاكمة لاحول له ولا قوه ، تنفس عزام بتعب يبتعد عنه وصقر شد سلام مع شعره يوقفه : تونا بدينا بدري على التعب ،
ناظر سلام لصقر باستسلام ، الموقف ينعاد امامه ، نفس الضرب الي تلقاه يوم حبس ليالي ، لكنّ هالمره بشكل أشد وأقسى ، رفع صقر يده للاعلى وعطاه كف تردد صدى صوته بالمكان ، لدرجه بانّ اثار الكف على وجنتيه ، شكل صقر قبضه على يده وضربها بصدر سلام الي قعد يكح بقوه ، تالم من صدره وحس النفس ضاق عليه ، نزل راسه بتعب اذا بعزام يمسك فكه بقوه يرفع راسه : ذوق شوي من العذاب الي ذوقته لـ ليالي ،
سلام ابتسم ما يحّس بنفسه وعزام وصقر تنرفزوا يظنونه يستهزء فيهم ، انهالوا عليه بوابل من اللكمات ما توقفوا الا بعد ما تعبوا ، ناظروا لشكله المُبهذل حرفيًا ، طايح على الارض والدماء مُغطيه جسّده باكمله ، نطق عزام بغضب : خليني اسمعك مبلغ علينا ، والله ثم والله لا اوريك نجوم الليل بعز الظهر ،
سلام هز راسه بخوف ، وطلعوا من المكان مقهورين ، ودهم يقتلونه لكن يعرفون إنّ القانون والعدالة بصفهم ،
،