يا عواصف الدنيا هُبي..وطيري مع هبوبك سنيني

P6

##############

بيوم من ايام رمضان المُبارك ، وتحديدًا منزل ابو بدر :

ام بدر تبخر البيت استعدادًا للعزيمه الي مسويتها ، ترف بالمطبخ ، رافعه شعرها بشكل عشوائي وبعض خصلها مُبعثرة ، وحاطه ميكب خفيف ، وقاعده تسوي صينية الدجاج ، فزت على صوت قدر الضغط الي يصفر ، راحت توقفه وانتبهت للمكرونه وقعدت تقلبها ، حست بالحر وقعدت تهوي نفسها ،
_
جاء بدر مستعجل : ترف خلص الفطور ؟
ترف : اصبر ما تشوف وش جالسه اسوي !
بدر باستعجال : طيب اذا خلصتي خذي هالدلال واغسليهم ووديهم المشب ،
ترف هزت راسها : طيب طيب ،
طلع بدر مستعجل وجت ام بدر: ترف افتحي الباب عمتك مرام اتوقع وصلت ،
راحت ترف تفتح وشافت عمتها سلمت عليها ونطقت: اخيرًا جاء احد يساعدنا انا وامي ،
مرام كانت معها ثلاث حافظات : شوفي جبت لكم شوربه لا تسوون وفطاير وكيكه سويتها ،
ترف بفرحه : وربي انك اطلق عمه ، بقول لامي لا تسوي الشوربه ،
دخلو داخل وتوجهت ترف لامها ، ومرام سلمت على اخوها ابو بدر وقعدت تسولف معه ، شويات وطق الباب ، راحت ترف تستقبلهم ، كانو ام يوسف وابو يوسف وعيالهم ، سلمت عليهم وسحبت معها وتين وابتهاج للمطبخ : امشوا امشوا ساعدوني ثلاث ساعات بالمطبخ ،
وتين بضحكه : طيب اصبري اسلم ،
ابتهاج : وبطلع عبايتي اصبري شفيك طايره ؟
ترف بتعب : طقت كبدي من هالمطبخ الله يهدي امي تعزم بالعشر الاواخر ، وما باقي على العيد الا كم يوم ، روحو سلمو وارجعو بسرعه هاه !
_
راحو وتين وابتهاج يسلمون على الحريم ، شويات ووصلت ليالي وامها وجدتها ،
دخلو البنات كلهم للمطبخ يجهزون الفطور ،
ليالي : ترف وين تحطون معجون الطماط ؟
ترف وهي منشغلة بالطبخ : تلقين واحد مفتوح بالثلاجه ،
وتين : ابتهاج شوفي الطبخه زانت ولا باقي ؟
جت ابتهاج معها صينيه بيشاميل : اشوف ، ايي طلعيه قبل يحترق بحط صينيتي ،
طلعته ونطقت ليالي : السمبوسه سويتوها ؟
ترف : لا ما سويناها سويها ابتهاج خلصتي انتي !
ابتهاج : طيب طيب ، وتين روحي اسالي امي اذا تاكل مقليه ولا اسويها لها بالقلايه الصحيه !
_
راحت وتين تسال امها وجدتها ، جت بترجع بس شافت وسن لاول مره ، كانت فاكه شعرها ولابسه فستان ضيق و قصيير حييل ، والميكب معبي وجهها ، تمشي بغنج ودلع ، شافت وتين وضحكت وسن : واو امبيه وش فيه شكلك كذا !
وتين بنرفزه : وانتي وش تبين ؟ شكلي وعاجبني ما شفتي شكلك ذا ،
وسن بطولة بال : هدي هدي يماما ريلاكس ، العجايز ما يصلح يرتفع ضغطهم ! بعدين نبتلش فيك وننقلك بالمستشفيات ،
وتين مالها خلق نطقت : شقصدك انا عجوز ؟
وسن ضحكت : يعمري يماما تحسستي ؟
تقدمت وتين ونطقت بين سنونها : مين العجوزه انا ،
نطقت وسن بتقهرها : اي انتي عجوزه !
وتين عرفت انها بترفزها ونطقت : ليش تشبهين الناس فيك ؟ سبحان الله خلق من الشبه اربعين ، يوم شفتك توقعتك ماعز ،
وسن بقهر : وشو يعني انا ماعز ؟
وتين صدت : استغفر الله افهميها على الي تبين ! اللهم اني صايمه ،
ابتسمت ومشت ووسن انقهرت وراحت تجلس عند الحريم ،
_
وتين دخلت المطبخ ونطقت : ترف ،
ترف لفت : هلا وتيني ؟
وتين تقدمت : جت وحده غثيثه استغفرالله اتوقع انها بعمرك هي وسن صحح ؟
ترف هزت راسها : اي أساسًا هي الوحيده الي بنفس عمري وغثيثه ، تعالي تعالي لاتقولييين جت !
وتين بقهر : اي جت ومن يوم جت وهي شايفه نفسها على غير سنع ! استغفرالله اللهم اني صايمه ،
ترف بضيق : يربي هذي وش جابها !
ليالي : هذي وسن ما غيرها الي شايفه نفسها ؟
ابتهاج لفت : لحظه لحظه لا يكون وسن ذيك الي تسب الفقراء ،
هزت ترف راسها : للاسف اي تـ.. ،
جت ام ترف وام عزام ، ام ترف باستعجال :عجلو يبنات باقي ربع ساعه على الاذان ،
ام عزام : ما خلصتو ؟
ليالي: الا يمه خلصنا
ابتهاج : بس باقي نغرفهم ،
ام يوسف جت هي ومرام : اسمعوا بنات ترف و مرام و وتين اغرفوا الاكل بـ الصحون ، وانتي يا ليالي ودي السفره لديوانية الرجال ، وابتهاج تعالي معي نحط سفرة الحريم بسرعه ،
هزت ليالي راسها واخذت السفره ، قبل تطلع لفت لامها : ماما تاكدي ما فيه احد بالديوانيه؟ ،
ام عزام : اي توي كلمت صقر قالي كلهم بالمشب ، انتي اسرعي قبل يجي احد ،
هزت راسها وطلعت تحط السفره بالديوانية ،
_
(ملاحظه بسيطه : ام يوسف وام عزام وام بدر خوات ، يعني بختصار خوات تزوجو اخوان ، مثلًا ام عزام ابتهاج تناديها خالتي ، وزوج ام عزام تناديه عمي اتمنى فهمتو🦋✨ ؟ )
_
العيال كلهم كانو بالمشب يسولفون الا بدر، والاباء بعد ، دخل الجد سليمان والكل قام يسلم عليه ويرحب فيه ، جلس الجد يسولف مع عياله واحفاده ، جاء بدر : حياكم الله على فطورنا ،
طلعو متوجهين للديوانية ، جلسو على السفره يسبحون منتظرين الاذان ، اول ما اذن صقر كان يراقب عزام الي ابتداء بسمبوسه ، ابتسم بمكر يبي يبرد حرته ونطق : جدي شوف عزام بدا بسمبوسه قبل التمر !
الجد لف عليه وضربه بعصاته : لابارك الله فيك يالخسيس كم لي اعلمكم ما تبدون الا بالتمر ،
عزام بالم طالع صقر بتوعد : بس جدي تراها سنه مو واجبـ..
قاطعه الجد بضربه ثانيه : لاتجادلني وابدا بالتمر بسرعه ،
هز راسه بطاعه والعيال كاتمين ضحكهم ، صقر عجز يمسك نفسه وانفجر يضحك ، ناظر له الجد وابو عزام بـ انتقاد ،
ونطق ابو عزام : قلنا نكته عشان تضحك ؟ كل وانت ساكت ،
صقر بشبح ابتسامه : ابشر ،
يوسف : وعمي صادق كل وانت ساكت ،
ابو عزام لف عليه : احد كلمك ؟
يوسف صد باحراج وتمنى انه ما تدخل سكت بحرج ،و ابتسم بهاج يحاول ما يضحك عشان ما يلقم تهزيء، خلصو فطورهم وشالو الصحون ، وراحو المسجد يلحقون الصلاه ،
_
عند البنات :
بعد ما افطروا وخلصوا راحو غرفه ترف يقعدون فيها ، ترف جابت فيشار ومشروبات غازيه والبروجكتر ، قعدت : بنات لقييت لكم فلمم يهبلل مين تتابع معي ؟
ابتهاج وهي منسدحه : يبنت مالي خلق اتحرك احسني حامل بالشهر التاسع بطني ملييان ،
خزتها وتين : قولي الحمدلله ،
ابتهاج : الحمدلله ، بس لو تخلوني اصوم يومين صدقوني ما بحس بالجوع ،
ليالي : ورربيي صادقه خلاصص قررت ابدا اسوي رجيم ،
ابتهاج :وش رجيمه ، تبين تختفين انتي ؟ ،
وتين بتاييد: صح وش رجيم ؟؟ انتي عظم وجلد سوي رجيم عشان تختفين وما عاد تتشافين ،
ليالي صدت : وجع مو لهدرجه !
ترف ناظرتهم : وسالفتي وش صار عليها ؟
وتين : اي سالفه ؟
ترف بقهر: اي سالفه ؟ وجع صدق مسحوب علي ، انقلعوا بشيلهم ما تستاهلون ،
تقدمت ابتهاج عندها : نفهم انك زعلانه ؟
ترف بضيق : لا مبسوطه ساحبين علي وانا كأني اكلم جدار ،
ابتهاج ضحكت : خلاص لا تشدينها انا بتابع معك ،
ترف : بعد ايش ؟
وتين : وانا بعد ،
ليالي رفعت يدها : معكم معكم ،
ابتهاج قرصت خد ترف : خلاص عاد ارضي ،
ابتسمت ترف : طيب طيب بس زعلتوني صراحه ،
ليالي : يقالي تتغلى اقول امشي نتابع يلا ،
ترف وقفت : شرايكم نطلع للسطح الاجواء حييل خياليه ؟
وتين وقفت : قداااام ،
ليالي : تم تم ، عاد مع التصوير بيصير خياليي ،
ابتهاج بضحك وهي تشيل فرشه حمراء : يا حبك للتصوير ،
طلعوا للسطح وفرشت ابتهاج فرشه حمراء ، حطو البنات عليها الاكل والبروجكتر ، ليالي قعدت تصور ، و وتين ترتب الاغراض ، وترف نطقت : بنات شرايكم نطلب من المطعم ماما بتعشيهم رز وصراحة مو مشتهيه ،
ابتهاج : ما اقول لا بس مو الحين لاني شبعانه ،
وتين : طيب امك عادي عندها ؟
ترف هزت راسها : نو لو تدري ماما ذبحتني اكره ما عندها نطلب اكل وهو موجود ،
ليالي : طيب كيف ووش بتسوين ؟
ترف تربعت : شوفو بطلب من المطعم وبقول لاخوي بدر يجيبه من المندوب واذا سالني وش ذا بقول امي طالبته للـ الحريم ، وعاد بحاول ادخله بالسر ،
هزو راسهم بالموافقه وطلبو .. وصل المندوب ودقت ترف على بدر تقوله مندوب برا ، طلع بدر واستلم الاكل ، عطاه ترف ومشى ما كان شاك بشي ، ابتسمت ترف بانتصار ولفت بتدخل بس انصدمت وهي تشوف وسن واقفه وبنجبها امها ، نطقت ام بدر بعصبيه : ترف وش هاللي بيدك ؟
ترف بتوتر : ءء يـ يمه هذا لنا انا والبنات ،
ام بدر ووسن معبيه راسها قالت بحده: وشو هو !
ترف بخوف تدري الكذب ما بيساعدها : مطعم ،
ام بدر انفجرت بوجهها : مطعمم ؟ كم مرره قلت لك لا تطلبين من المطاااعمم اذا فييه اكل ، كمم مره !
وسن بتغضيها : تخيلي خاله سمعتها تقول للبنات امي لا تدري بتخبي عليك !
ترف بقهر : انكتمي انتي يا الحيه اوريك ،
ام بدر تنرفزت : تكلمي معها بأدب البنت ما غلطت عليك ! هي تدور مصلحتك
ترف : ماما انت ليش مصدقتها ! تراها تكرهنيي ! وما تطيقني !
ام بدر اخذت الاكل : امشي قدامي حسابك بعدين ،
مشت ترف بقهر ليش امها هزئتها والمشكله قدام وسن ، طالعت وسن بتوعد ، وسن ابتسمت بانتصار وراحت تجلس عند الحريم بردت حرتها فيها ، رجعت ترف للغرفه وهي معصبه ، نطقت ليالي :ترف ويـ...
انفجرت ترف فيها : انكتمي فكيني منك ! ترف وترف خلاص قرفتوا عيشتي ، اسكتي وش تبين مني ! انقلعي ،
زعلت ليالي وطلعت ، ابتهاج باستغراب : بسم الله ترف وش فيك انفجرتي عليها ،
ترف بقهر ودها تصفق وسن : اسكتي انتي الثانيه الي فيني مكفيني !
جت وتين تجلس عندها : وش فيها الحلوه زعلانه ،
ترف بضيق : وتين مالي خلقك !
وتين هزت راسها : علمينا وش فيك ؟
ترف حكت لهم الي صار ، ابتهاج بقهر : اوريها ذي ام لسان ما اكون ابتهاج اذا ما قصيت لسانها !
وتين : وش فيها ذي ناشبه لنا ! عجزت ابلعها من اول ما شفتها يعع تقهر ،
ترف : شفتو والمشكله ماما واقفه معها هذا الي قاهرني وماما تشوفها ملاك ما تغلط...
ابتهاج : وعندها وجهين بعد ؟ كدينا خير ،
ترف ترص على سنونها : وامي ناويه تخطبها لبدر ، بنات تكفون ما اتحمل فكره انها تعيش عندنا !
شهقوا البنات بصدمه ، ضحكت على صدمتهم: هذا شكلي يوم قالت لي امي حاولت ارفض وقالت وش فيها وسن ؟ جمال ودلال ورزانه ،
ابتهاج : تكفييين لا تتزوجه وربي انها كريييهه شلوون بتتحملينهاا؟؟
ترف بقهر : وهذا الي قاهرني ،
وتين : خلاص بنات ما عليكم منها الحين شوفي ليالي زعلتيها وهي ما قالت لك شي !
ترف بندم : كنت معصبه مو قصدي والله ،
ابتهاج ابتسمت : ندري والله ، وليالي قلبها ابيض تسامح بسرعه ، روحي لها
هزت راسها ترف وطلعت متوجهه للصاله ، شافت ليالي قاعده ويوم شافتها صدت ، قربت ترف تقعد عندها : زعلتي مني ؟
ليالي ساكته ، ترف مسكت يدها : طيب والله ما اقصد كنت مقهوره من وسنوه الزفته ، وفرغت غضبي عليك وانت تدرين انك افضل بنت خاله عندي !
ليالي بضيق : ليش طيب تهاوشيني كذا ما سويت شي ،
ترف حضنتها : والله اني كنت معصبه ، ولا فيه احد يقدر يزعل هالجمال وما يراضيه ؟
ابتسمت ليالي: دوم لسانك يشفع لك ، خلاص مسامحتك ، بس ليش كنتي معصبه ؟
ضحكت ترف تسحبها : امشي نوسع صدورنا ، واقولك فوق امشي ،
راحت ليالي معها وقعدو يحشون بـ وسن وكيف ينتقمون منها ،
_