يا عواصف الدنيا هُبي..وطيري مع هبوبك سنيني

P4

<مر اسبوعين بدون اي أحداث مُهمه >

قبل ثلاث ايام من رمضان وببيت ابو يوسف بعد صلاه العصر :
ام يوسف كانت تبخر البيت ، دخلت غرفه بناتها ابتهاج ووتين ، شافت ابتهاج قاعده ع السرير ومييته ضحك وبهاج قدامها يبتسم ، نطقت : شفيكم يا امي ؟
ابتهاج التفتت عليها وقالت : خاله ولدك يضحكني مره
اوجعها قلبها يوم نطقتها باسم خاله ما نادتها امها ، ربتها سنين طويله وبيوم وليله تناديها بخاله وتنساها ،تنهدت بضيق وابتسمت مجامله ، وقف بهاج ورجله خفت بس يعرج عليها ونطق : عاد انا بمشي عندي شغل
تمسكت فيه ابتهاج : بهاج تكفى لاتروح ،
بهاج بضيق ما يبي يتركها بس لازم : بنادي وتين تسولف معك ،
ميلت شفتها بزعل : وتين كل ما اسولف معها تصيح تقول ما تتذكريني وانا والله مو بيدي !
بهاج مسح على راسها : ما عليك هي زعوله ، انتي حاولي تسولفين معها طبيعي ، بعد كم يوم بيجي رمضان وسعو صدوركم وانبسطي ،
هزت راسها بالايجاب ، مشى يطلع بعد ما باس راس امه ونطقت ابتهاج : خاله تبيني اساعدك بشي ؟
ام يوسف بهمس : ابيك تناديني يمه ،
ابتهاج بتساؤل: وش قلتي ؟
ام يوسف تتصنع الابتسام : ولا شي ما تقصرين انتي بس ارتاحي وبنادي لك وتين ،
طلعت ام يوسف وهي تمسح دموعها ، صعب عليها هالشي ، تربي بنتها ايام وسنين ، وبيوم وليله تنساها ، ما تلوم ابتهاج تدري انه مو بيدها ، تنهدت وهي تدعي ربي يرجع لها ذاكرتها ،
مشت تشوف وتين ضايق خلقها ويدها ما فيها شي سوى خدش بسيط ، وتين كانت تتابع التلفزيون والواضح انها مو معه ،
قالت ام يوسف : وتين يا امي ابتهاج تبيك بالغرفه ،
وتين بضيق : يمه ما ابي اروح ما اتحمل كيف نستني اعرف نفسي ببكي ،
ام يوسف بحزن : وش نسوي يا يمه ؟ تخيلي نفسك بمكانها ، ماتذكرين شي ووحده كل ما شافتك بكت ، تعوذي من بليس وروحي وسعي صدرها ،
وتين هزت راسها متوجهه لغرفتهم ، قبل تدخل شافت ابتهاج تطالع قدامها بسرحان ، تنهدت وتقدمت بابتسامه : ابتهاج
ابتهاج لفت عليها : هلا؟
قعدت وتين عندها : اسمعي دام ما باقي شي على رمضان شرايك نروح نشتري زينه نسوي اجواء رمضانيه ونشتري جلابيات بعد ؟
ابتهاج هزت راسها بالموافقه ، وتين ابتسمت: قومي نلبس عباياتنا وبروح اقول ليوسف يودينا ،
ابتهاج نطقت : طيب
مشت وتين لغرفه يوسف ، تقدمت تدخل ، شافته يقراء قران قعدت بجنبه تنتظره يخلص ، بعد ما خلص نطقت : يوسف
يوسف : لبيه
وتين : لبيت حاج ، اسمع ودينا انا وابتهاج السوق بنشتري اغراض رمضان ،
يوسف : الحين مشغول ، بعد المغرب امركم
وتين بعدم تصديق :اكييد ؟
بضحكه نطق: مو مصدقتني ؟
وتين ابتسمت: ايه ما اصدقك ترا ما نسيت يوم قلت لي ذاك اليوم قبل سنتين انك بتاخذني لبيت عمي وسحبت علي و...
قاطعها : يوووه ياحبك للسوالف اذا سولفتي تمسكين خط ، وبعدين ما نسيتي هالسالفه ، والله ان شاء الله اوديكم هذاني حلفت ،
وتين قربت تبوس راسه: وربي انكك كفو ، اجل بقول للبنات يمكن يروحون معنا
يوسف بضجر : الحين تعزمين كل بنات الحاره يركبون معنا ،
وتين : لا شدعوه بس ليالي وبنات جارتنا و
نطق بقله صبر : صراحه قليل مرره ، المهم بكيفك سوي الي تبين
ارسلت له بوسه وهي طالعه : ويلوموني بحبكك ؟؟
طالعها : اذا تحبيني صدق فكيني من هالحركات
ضحكت وطلعت ، اخذت جوالها تتصل على ليالي ثواني وردت : هلا
وتين : اسمعي يا بنت لا سلام ولا كلام ترا بعد المغرب بنروح انا وابتهاج مع اخوي يوسف للسوق نتقضى لرمضان تعرفين ما عندنا اذا تبين تجين معنا حياك الله وقولي لبنات جارتنا ام حسن اذا يبـ..
قاطعتها ليالي بصدمه : بسم الله بسم الله بشويش تكلمي ، ترا ما حد بياكلك اذا تكلمتي بشويش !
ضحكت وتين : شدعوه !
ليالي : اقول انكتمي وتكلمي بشويش وين بتروحين ؟
وتين بعبوس: قلت لك للسوق نشتري اغراض رمضان !
ليالي: خلاص بستأذن من امي اروح معكم ، واهمشي ما يدرون اخواني ، لو يدرون بيقولون احنا بنوديها هفف منهم كاني بموت اذا رحت مع غيرهم ،
وتين هزت راسها: خلاص تمام بقول لبنات جارتنا ام حسن ،
ليالي : تمام بلغيني اذا بيجون ،
قفلت وتين الخط واتصلت على بنات ام حسن ، وافقو يجون ، توجهت لغرفتهم تحاول تونس نفسها ، شافت ابتهاج جالسه ولابسه وخالصه نطقت : ترا ليالي وبنات ام حسن بيجون معنا،
هزت راسها ابتهاج ما تبي تسأل مين بنات ام حسن بس تعرف ليالي لانها تزورهم كثير: طيب ،