رواية ليتني مت ولا شفت السكين الي غرزتوها في ظهري ياهلي..

البارت السادس عشر

كان صاحب البصمه الاب محمد انصدموا كلهم انه اب اجرم في عياله وذبحهم بدم بارد مما اكتشف الطب الشرعي بان تم طعن الام ٦ طعنات في منطقة البطن مما ادى الى نزيف الدم و ادى الى وفاتها و طعن ابنته البالغه من العمر ١٠ سنوات ٣ طعنات وحده في البطن والثانيه في الصدر والثالثه في القلب و تم خنق ابنه البالغ من العمر ٧ سنوات حتى الموت .وكل هذا اب سوء بعياله اب دمر حياة عياله وزوجته اب قوى على قتل عائلته ،،بصمة صبع بس كشفت الجاني وكلهم ناظروا بعض وقالت :يعني هو ذبح عياله وزوجته .هز راسه المحقق احمد وقال :ايه ،نائبه بنصدر قرار اعتقاله .ردت عليه : ايه صدرو القرار والحين بنروح نقبض عليه وبنحقق معه...ركبوا سيايرهم متوجهين ناحية المستشفى للقبض على الجاني .....

في بيت سالم
صار وقت الغداء ونزلوا كلهم للغداء ماعدا الي كان في دوامه كانوا قاعدين ياكلون ودخل عليهم ابوهم وتفاجوا من رجوعه صار له حوالي شهر كامل ماكان متواجد وهو من يوم توفى جدهم كان قليل بانه يقعد في البيت و كانوا متفهمين وضعه وندمه بس عتبانين عليه هم الحين ما محتاجيين اهتمام بس محتاجين وجوده في البيت وسالم من بعد ما طرد تهاني وتوفى الجد حمد ابتعد من البيت وصار مايتحمل قعدته في البيت وصار كله يسافر او يتهرب بحجة الشغل في الشركه علشان مايوجهه عياله فرباهم عمهم ناصر وزوجهم بناته. وقف عبد الرحيم وقال :يبه تعال تغدى ،ابتسم سالم وقال :تعبان يايبه خلوني انام وبعدين انزل لكم .هز راسه رحيم وركضت شوق صوب ابوها تحضنه من شوقها وحبها له وبادلها الحضن وحبها من فوق راسها وقال لها :شواقه تعباان ابي انام بعدين انزل ونقعد مع بعض طيب .هزت راسها ب طيب وراح فوق ينام نتيجه تعبه..استأذن مازن وراح لغرفته ( مازن الوحيد الي ما تخطى اخته تهاني رغم صغر سنه بس الوحيد الي سالفتها للان مانساها ولا اخوانها وخواتها نسوها بس قاعدين يتناسوون الي تزوج واسس اسره و والي ينتظر مولوده والي يكمل دراسته ووووووو بس هو للحين ينتظر لحظه رجوعها ).قام عبدالله وطلع من البيت وراح لمجلس عمه ولقى هناك عمر وعمه وسالم كانوا قاعدين يسولفون ودخل وقال :السلام عليكم .ردو عليه :وعليكم السلام .ناداه عمر وقال :تعال تعال اقعد ابوي قاعد يقولنا سوالف شبابهم هههههههههه.ابتسم وراح يجلس جنبه وعمر انتبه لضيق عبدالله وهمس له : وشفيك مكشر (متضايق)...صاير شي بالبيت .هز راسه ب لا ،تفهم عمر وعرف مايبي يقول قدامهم ،انتبه عمر لعيون ابوه الي تغمز له بمعنى وشفيه ،حرك كتفه بمعنى ما ادري..جاء اتصال لسالم وبسرعه رد عليه وقال :الووووه ،رد عليه المتصل وقال : العسكري سالم ناصر ،رد عليه : اي نعم .قال المتصل :وصلنا بلاغ هروب جاني من المستشفى والوحده العسكريه تطلب حضورك باسرع وقت .رد عليه :تم ولايهمك عطيني عشر دقائق واكون معاكم .وسكر الاتصال وقام بسرعه وقال :يبه يستدعوني يقولون في زفت هارب من المستشفى ،فزو عمر وعبدالله وقالوا :شلووون ،رد عليهم :مادري مادري المهم يله استاذنكم،،رد عليه ناصر :روح روح الله يكون في عونكم وتلقونه ...ركض سالم وراح للموقع ّ....

لايك وكومنت 🤍🤍