# مشهد #شارع حيفا
#للكاتبه #رفل الكناني
تحديدا حيث مكان سكني
ولادتي
وطفولتي
وشبابي
واكف كدام الشباك بكلب معصور شافه من طلعت
والنار تلهب بداخلي
ادخن واحترك ويه كل سحبه نفس
عيني على مكان طبكه سيارته
فارغ
وين صارت ؟
شون بيه
شسوي
اقتل نفسي واخلص
تنهدت اباوع للساعه صارت ٩ونص
توني رفعت راسي
وصارت كبالي
شرفت الهانم هسه ياله
طفت لايتات السياره ونزلت
آخر نزاكه
المكياج صارخ
الشعر يتطاير منا ومنا لأن تمشي بسرعه العلاليك الماركه تارسه ايده
فاتت واني غمضت قابض ايدي
اعصابي ترجف
مبيه بعد اسكت واصبر
طلعت حتى أسئله وين جانت بس ملحكت لان صعدت مستعجله سمعت بس طبك باب الشقه قوي
وكفت افرك بوجهي اهدي بروحي فات من يمي عمي نافع
هاااا ابو الشباب شو ضارب دالغه خيرك
بتسمتله سلامتك عمي ماكو شي هيج حسبه بالي
دك على جتفي بخفه
مكضيه ان شالله لاتهتم اله يمعود الدنيا خلصانه
امشي وياي امشي شون معمر نركيله تلوك لحلك والله
باوعت بوجه وداخلي اكول اروح اي خلي اروح وياه لأن ادري بنفسي اذا ابقى هنا معناها اضل افكر بهاي الغضب الفوك
هزيت راسي اي اروح وياك عمي ومشينا
وصلنه بيتهم فتح الباب ودخلنا بلحديقه هوه عالك جمريه عليها قوري الجاي يفور والفحم يلهب كام يشيل ويخلي للنركيله عمرها وصب الجاي واني اسحب بلقمجي شكد بي حروره مداحس بي منكد الحروره لبكلبي
عمي نافع يسولف كومه جابه من حرب ايران
لحرب الكويت
وحرب أمريكا وماخله واني صافن اسمع وارد اي واي لحدما كامت الدنيا تنكط وبلحضه تلايمت السما نصبغت بيضه من الغيم ترخصت من عمي نافع وهوه يلملم بغراضه وكمت رجعت للبيت
وصلت للعماره وانصدم بسيارته ماكو
فكيت عيني
واتلفت بين العماير والفروع خاف راحت للماركت
خاف طبكت بغير مكان من وره المطر
بس ماكو
مالكيت اله اثر
قبق راسي راد يطير
بقيت واكف انتضر هسه تجي
هسه ترجع وين ولت
مرتين صعدت للطابق مالتهم اوصل الباب الشقه أريد ادك الباب واتذكر اليوم امه مموجوده
وضرب كف ايدي بلحايط
يعني مثل كل مره
مثل كل يوم
رجعت لبيتنا كعدت وكابلت الشباك انتضره
ساعات مرت واني كاعد
احرك بروحي وباوع للساعه
وين راحت
وين صارت
اكو بنيه شريفه تبقى لهذا الوكت بره
واعصر فكي اسكت روحي
لساني موكادر ينطي بيه
الشباك صار بي طبات خفيفه
كمت فتحت البرده لكيت الدنيا تزخ والحالوب يتطافر وينصدم بجام
بقيت واكف راسي جمر قلق وتفكير وعيني مافاركت الساعه صارت بلوحده وعبرت وهيه ماكو
طلعت للحديقه الجوء شبه هدء
كعدت ساند ضهري على حايط اديه على راسي حسبه تاخذني والخ تجيبني
رجليه خيوط صارن خدرن
وكفت ايدي بجيوبي عاينت للسما وناجيت ربي
دخيلك ربي حلها من يمك لوتشيله من راسي لو تمسح على كلبي بلطفك ومتخليله مكان بي
خترق مسامعي صوت سياره طبكت قريب
هميت بسرعه وطلعت من باب الحديقه صارت كبالي توه تنزل من السياره
توجهت ليمها
وكفت كباله اسئل بيه باله مو يمي
هاي وين جنتي ؟
مجاوبت
وكفته ممتوازنه مدت ايده دفعتني من صدري تصيح
وووخر معليك انت
فار دمي
لزمت معصم ايده عصرته حيل ونزلت ايده بقوه صرخت بيه
ااايدج اكسره اذا ترفعيها انوب ادب سسسز
سئلتج جاوبي وين جنتي لهذا الوكت
احجي وعتعت بيه
ختل توازنه وكعت بلكاع توني ادنك ارفعها اشوف شبيه ونجريت من ياخه التراك قوي
لتفتت شفت الشاب الي وصله بدون تفاهم ولا كلام تلازمنه ضربه الي وضربه اله فقدت لدرجه كمت ماااحس حتى بضرباته
فجاه بتعد مني يلهث ويمسح بلدم الي لوث حلكه كل ضني ستسلم وخاف تقاويت اكثر وحلفت اليوم ماعوفه اذا مااسكطه
جريت الملعونه الي سوت روحه خايفه تبجي وترجف سحلته وشمرته بنص طابق العماره ورجعت لهذا الحقير
مجنت محسب لغدر
ولا بالي هذا الشخص هلكد نذل لان ماتبرطني بي اي معرفه ولا شايفه اصلا
باوعت لداخل سيارته مركز حيل شفته قابض على ستيرين بقوه تقربت تجاها صار يرجع بك
يرجع
واقترب
يرجع وقترب
وين أريد
هوه شناوي
لحضته مافكرت غير اادبه وامنعه يوصل لهنا بعد
بس خلال ثواني شغل اضويه سيارته بقوه وتقدم تجاهي بكل سرعه بحيث محسيت غير بضربه قويه وتفسخت كل اعضاء جسمي وصارت الدنيا بعيني سوده
سوده مثل اول يوم جيت بي لهاي الدنيا
سوده مثل كلبي الي نعمه عن كل نساء العالم وباوع اله
اله وبس
وهاي النتيجه
ألم حقير
وجسم مفسخ
ملوحه وحروره الدم ترست كل جزء بيه وغبت عن وعي مسلم روحي لله ولا حولا ولا قوة
.
.
.
.
.
.
يتبببببع
اتمنى هل مشهد نال إعجابكم وارائكم تهمني
شارع حيفا عنوان قصتنا الجديده بهذا الشارع راح نخوض اني وياكم رحله ملئيه بلمغامرات
شوكت التزم وانزل الله اعلم التساهيل من الله وكت الي اقرر راح ابلغكم
إلى هنا استودكم الله الذي لا تضيع ودائعه والسلام عليكم ورحمة الله وبركاته
احبكم اختكم رفل الكناني ❤❤❤
