مساء الخير
#شارع_حيفا
#البارت الثالث عشر
،،،،،،،،،،،،،،،،،،،،
اقل الساعه واجه لوي
وياه رتبه
ضي على نفس كعدتها مدنكه راسها صافنه
الضابط من شاف الرتبه ويه لوي فز من مكانه لتاف وره الميز اخذله تحيه وكف على صفحه
كعد الرتبه بمكان الضابط
وجهلي سوال
منو المشتكي؟
اني سيدي
باوعلي وسحب السجل فتحه وبلش يقرأه دقايق وكال
تمام
تكدر تتفضل المتهمه راح تكون يمنا قيد التحقيق وتكدر باجر تجي تطلع على مسار قضيتك وقع هنا والله معاك
باوعت على سلوان والضابط
هاي شديصر
شنو بهاي السهولة
شو حتى اقوالي مااخذها
سيدي بس هيج يعني ماكو اي اجرائات اخرى
عزيزي اقوالك اكيد مثبتى عدنا بالمحضر ميحتاج تعيد وتزيد بيها انت شتكيت والمتهمه يمنا وخلص تكدر تروح واحنا نتابع القضيه
وقعت وطلعت
سلوان يدردم
طيف انت مخبل
شون شون نعوف ضي هنا
وين حبك اله وين غيرتك عليها
سلوان اسكت كلشي انتهى
لامااسكت انت الضربه الي براسك اثرث عليك
خلتك تتصرف بلا وعي
وكفت بنص الشارع مخنز عليه
سلوان خلي نفسك بمكاني
اندعمت من وراها جسمي وراسي تفلش من غير كلبي الداسته وماهتمت
شون اعوفه
اترك حقي
اخلي الحقير الجانت جارته وراها وسوه بيه هيج حر طليق واكعد واسكت
عوج حلكه يضحك مستهزاء
خطيه انت والله
وليكن كلامك صح تره هيه جابت لوي وشفت بعينك الرتبه الي وياه يعني مجرد طلعنا نسدت القضيه كلها
لا مانسدت وهسه تشوف
صدكني نسدت وهسه تلكه لوي ديثني ويتشكر بدل ميدافع اله ويبرر
طيف انت كلش خطيه هواي مسالم وهواي على نياتك اني مجاي ادفع ضي بلعكس اني مثلك شايل بكلبي عليها بس جنت تكدر تعاقبها بطريقه اخرى غير المركز والقانون لان ذني بوكتنا هذا ينباعن وينشرن بتلافيس وكومه قضايه نسدت بكم ورقه
ماسمتله
عفته يحجي ويلوم ورجعت للبيت
كلشي مخربط
كلشي هوسه
كلشي فوضى
اني وضعي
عقلي
افتر وحتى وجع جسمي مداحس بي
نصب الغده ماضكته
الي سويته صح لو لا
حجي سلوان صح لولا
ضي وين بلمركز
لو لوي سدهه مثل مكال سلوان
عيني على باب
هسه تجي ام ضي
تعتب
هسه تجي تتوسل اتنازل حتى اطلعها
محد اجه ولاوصل
شلت عكازتي وطلعت بطابق
صنتى
طيف انت شسويت
شون تفوت ضي للمركز
شون تعوفها يم لوي وتجي
اروح اتنازل اي اروح اتنازل لو اروح واكلهم ضي ماله شغله جيبو صاحب السياره الدعمني هوه سبب بس خلي ضي تنطيكم عنوانه واجيبه واجي
