مساء الخير
شارع حيفا
البارت العاشر
،،،،،،،،،،،،،،،،،،،،،،،
حرگتلهم
شكو بـروحي سنابل شوگ
ولا منجل محنه تكحل بـ طولي
،،،،،،،،،،،،،،،،،،،،
هلاو طيف شونك شون صحتك شون خاله
سلوان
شخباركم
صفنت بوجه
ثواني
وكلبي نذل مدري شبي كام يخفك حيل
هزيت راسي
زينين الحمدلله ومديت اله ايدي انطيته كتاب الفصل
اخذته فتحته عاقده حواجبه
قررت
وسدته
كالت بعد احسن اااف خصلت
رديت بنتر
شخلصتي
مستقبلج هذا انتي شدسوين وبروحج
يا مستقبل اصلا الله جابها اليمي كلش مااحب المدرسه عوفك منها حجيلي شخبارك
اخباري؟
ليش اخباري تهمج دباعي روحج مبينه لروحج مالج خلك مو عاد تسألين على اخبار غيرج
المهم شنو مطوله بلكعده هنا
رفعت كتافه
مادري
لعد منو يدري ابويه
ولو صدك اني شعليه وادخل مثل مكال لوي وحضرتج سمعتي وسكتي
اني رجال غريب
طيف ليش هيج تحاجيني
وشبي حجي ماعاجبج حمدي ربج اصلا موزين احجي وياج بعد الي سويتي والله لو مو عمي سلمان وانتي وصيته جان بعد مباوعت بوجهج يله ترجعين لبيتكم لو حلتلج الكعده هنا
مادري
هوه شنو المادري شو شحجي دكولين مادري
ضي انتي شبيج
قبل مترد
طلعت ام لوي بيدها كلاص ماي نطتني ورجعت كالت ضي
حبيبه جيبي غراضج ورجعي ويه طيف الامج
ضي باوعتله بغضب
ام لوي دكت على كتفه بخفه وكلته صيري حبابه وسمعي الكلام لاتباعيلي بهاي النضره ولاتتصورين اني اكرهج كوني مرت ابوج لا بالله احبج على حب سلمان الج الله يرحمه واكثر بس يم امج اامن الج واحسن
فاتت للبيت معصبه
كتله زين ماسويتي خاله رحمه الله والديج
تنهدت
البنيه هاي متعوبه وضايعه وذا تنترك اكثر تضيع ابني طيف اصلح بينها وبين امها الله يرضى عليك قبل منشيل خطيته تره فدنوب تربيتها ممتعوب عليها
جان كلبي يوجعني من هل حجي وبداخلي اكول تحمل طيف تحمل واتعب الخاطرها
بعدك بدايه المشوار وياها عدي كلشي عدي طيف
طلعت ضي جنطته على كتفها
بدون متسلم على ام لوي
المره قمه بلعقل وتفهم هزت راسه معديه كالت
الله وياكم توكلو
سلمت ومشينا الراس الشارع
كتله
ليش مسلمتي على مره ؟
ختولي متحبني
اكرها اموت منه يابسه صح لسانها ساكت بس عيونها تحجي كومه كلام
ااذتج بشي
