مساء الخير
شارع حيفا
بارت الثامن عشر
،،،،،،،،،،،،،،،،،،،،،،،،،
يماااااا كافي كافي رحميني رائفي بحالي فكي عني ياخه راح تموتيني
ولك يمه وين رايح تريد الناس تاكل وجهي البنيه كاعده بدلته ليش تكسر خاطره وتعوفها وتروح كدام كل هاي الاوادم
شكسر خاطره مو نكسرت نفسي
نكسر كلبي
نكسرت روحي
ومستمر اتكسر من وره تصرفاتج واني مهامج انتي همج البنيه والناس والعالم
كافي دمرتيني عوفيني بحالي مثلت هواي تعبت شلت خطيه عفاف بما فيه الكفايه مدكليلي شلون تقبلين بهل لعبان نفس شون تتصرفين بكيفك شون تخططين
داكلج ماريد هل زواجه ماحب هل مخلوقه مهاوووويها هيه كوه خوما كوه
صيحت وعيون امي تشكلت ورايه
ماردت ولا بدر منه رده فعل
لتفتت
عفاف كامشه البدله بثنين اديه واكفه ورايه الدموع شلال
نحطيت بموقف ما اتمنى العدوي
موذنبي ما اميل اله
ولا ذنبه تعلكت بذيال واحد ما اله اي مكانه بكلبه
كله من امي
هيه السبب
منها الصوج هيه تدارك الموضوع وتحله
عفتهم وطلعت مخبوص
لاكاني ابو قائد وابنه مسلم
هااا طيوفي خيرك شو مستعجل وين تريد
ابو قائد اني لازم ارجع طلعت ناسي مفاتيح الشغل بجيبي وأبو المال خابرني يردون يعزلون وحايرين
هسه؟
بس الوقت متاخر شلون تروح
ادبر نفسي المهم اروح
يله في امان لله
بقو هوه وابنه واحد صافن على ثاني صافحتهم وطلعت لحكني مسلم كال يابه اصبر اقله خل اوصلك لشارع العام مناك اصعد البغداد منا راح دكها مشي
تشكرت منه وصعدت وياه لأن كلبي نار ومستعجل أريد اوصل رغم ضميري ياانبي اني داك الناقصه بااخته وهما عالم ميستاهلون والله
وصلني ليم سيارات بغداد صعدت وطول الطريق بالي مشغول شصار
نتحرت ضي؟
لو لوي سواله ملعوب
بس لا صفوان صحى وحجه الابو
اشكال الوان فكرت
لحد ما فتت المستشفى دمي بجسمي يابس
سالت الاستعلامات
اخويه اني مخلي رقمي عدكم وقبل كم ساعه اتصلتو بيه علمود المريضه ضي سلمان
اي اخي تفضل الغرفه المدير هوه يفهمك
تلفتت وين صايره بلا زحمه
بتسم
اخي مقابيلك اقره الوحه
فركت وجهي خجلان
اخويه اعذريني بس بالي مشغول وكلش تعبان
الله يساعد
تفضل هسه انطي خبر
توجهت الغرفه المدير
سلمت وكعدت وهوه يشرح كومه على حالات مشابه الضي
بس اني ماريد هذا الشرح اني أريد اعرف شصاير وشبيه ضي لحد ما شال سماعه التليفون وكال جيبو المريضه ضي سلمان
