مساء الخير
#شارع_حيفا
البارت الخامس عشر
،،،،،،،،،،،،،،،،،،،،،،،،،،،،،،،،
عفت ضي ورجعت للبيت ابو قائد كاعد ضايج حقه يومين اني اتهرب بس هسه بعد ماكو مفر
طلعت امي مخابره سلوان وجايب شيخ وجاي
كعدنا الشيخ يقرأه بالي مو يما
كمل وعقد واني بس جسد كاعد بدون روح لا حساس ولا مشاعر
ماعرف عفاف شلون وافقت ولا امي شلون قنعتها رغم كتله وجه بوجه يا بنت الناس اني مافيدج
لحضته كلت اللهم اني بلغت اللهم فاااشهد
اني لاخدعتها ولا وعدتها بشي لهذا تتحمل الي راح يجيها مني
وخطيتها بركبه امي
بهل لحضات وصلت مرحله حتى ليباركلي مارد عليه فقط اهز براسي
كل هذا الشي غطت عليه امي بهلاهله وهوساته
جانت طايره من الفرح وكنما تحس نفسها خلص هيه سوت أكبر انجاز وكدرت تسيطرت عليه
مصار اي كلام بيني وبين عفاف حتى ماباركت اله ابوها وره روحه الشيخ وطش الجوكليت والهلاهل كال الهم تحضرو نرجع
بس طلعو من البيت اني جريت سلوان واخذته للشارع نمشي ونسولف
واكعلي دك تصنيف
اوويلي عليك طيف اليوم هلاهل وجكليت باجر ودي الحليب وجيب الحفاضات
أنجب سلوان وعوف سوالفك البايخه مو وكتها ابد
اسمعني اريدك تدبرلي مكان اكعد بي ولد صديقي مسويله مكسوره ومطلوب
وكف بنص الشارع يباوعلي فاك عينه
على بختك يمعود انت طيف لو غيرك هاي من يمتى ورايح انت تطمطم الاحد ولا عرفتك
صارت بعد وصرت خير شكلك اكثر من هيج المهم مثل مكتلك دبرلي مكان اذا عندك عرف
المكان الضي مو طيف؟
سكتت
احجيلي لاتضم عليه تره اعرف كلش زين
وشمدريك؟
رتبك اول شي بعدين حك راسه وكال
لا يابوي شمدريني بس هيج شاك لأن داشوفك هل يومين مخبوص وهل خبصه اني اعرفه كلش زين اكيد بيه ضي
بوكته ماركزت وياه وجان المهم عندي يلكالي مكان
كلي ماعندي غير المقبره هيه اامن شي وهم متخطر على بال احد
مجان عندي غير حل اخذته ورحنا للمخزن ضي جانت نايمه فزت بفتحه الباب
كتله لفي روحج بلعبابه واطلعي
جانت خامله ودايخه مسطوره عيونها تغفي وجه حيل تعبان
اباوع اله وادير وجهي اكول
طيف شبيك هاا حنيت
وارد اكول لا هيج بس دلاحض
دقنتي سلوان
يئشرلي بعيونه شبيه
كلت بداخلي الحمدلله يعني هيه فعلا مو طبيعيه
وصلنا المقبره من شافتها خترعت تتلفت
طيف
هاي وين جايبيني
رد سلوان
يمعوده شبيج جفلتيني ادري جايبج بتابوت راح ندفنج وهيج خايفه لوما جايه مشي على رجليج
