مساء الخير
#شارع_حيفا
#البارت العشرون
،،،،،،،،،،،،،،،،،،،،،،،،،،
زين ليش بسكوت علو شنو سبب
رجعت حضنتني تبوس بيه وتحجي
طلعي من الطابق بعدين افهمج هنا اكو كامرات
مشت واني وراها
احجي
زين خلي اجيب هدومي غراضي علاجي
ماردت
علو يمعوده لاتخبليني شبيج
وصلنه المصعد فتحته فاتت واني وراها
من نسد كالت
شبيج ماكدر احجي اكو كامرات بس طيف طلب مني اطلعج يكول حياته بخطر واني تدرين شون احبج راح اجازف واطلعج للحديقه بحجه تترفهين مثل كل يوم
راح تلكين مخليتلج علاكه بيه زي ممرضات وصدريه بيضه اخذيه وفوتي للحمامات الخارجيه بدلي واطلعي من باب الطوارى بدون خوف ولا توتر حتى لحد يشك بيج
واول متطلعين راح تلكين سياره ينتضر بيه طيف صعدي وروحي وياه
هاهيه ؟
صفنت بوجه
الخوف تملكني شون راح ادبر كل هذا
صدكت بيه وابد ماشكيت خصوصا من ذكرت طيف يكول حياتج بخطر راسن اجه على بالي ابو صفوان اكيد يقصد الخطر من ناحيته
من جانت تحجي تدوس بلمصعد حتى نبقى اطول وقت وتفهمني بعدين داست طابق ارضي وكالت اني حدي وياج للحديقه ضي صيري سبعه لاتخذلين طيف خلي يطلعج ويخلصج
نفتح المصعد
طلعنا جني خبله بس اتلفت وخايفه
هيه تمشي طبيعي وكل شويه تسلم على دكتور
هلاو عمو
وتبتسم
تك ايد بجيب الصدريه كل شويه تطلع الموبيل تباوع بي وترجعه
وصلنا الحديقه ومثل كل مره اكعد على مسطبات
هيه عافتني وراحت توصيني بعيونه
فترت عيني على الحديقه شفت علاكه جوه مسطبه مشيت اله شلته وكبل للحمامات
فتحته
زي ازرك
صدريه بيضه
نعال طبي
هاي مجهزه كلشي الله ينطيج العافيه علو معقوله راح اطلع منا واشوف طيف ويحميني من صفوان وربعه
بدلت بحماس
المرايه كبالي
لحضه انقهرت على روحي
شكد بابا جان يتمنى اكمل دراسه ودائما يكلي أريد الصدريه بيدج هيج اله اموت مرتاح
اااوف يا بابا لوتدري شصار بحالي وشويت بروحي بعدك ولو تدري هسه اني لابسه الصدريه مهزمه للمجهول
كملت وطلعت
بعدما ذبيت تراك الجنت لابسته بلحاويه
خليت ايدي بجيوب الصدريه ومشيت تجاه باب الطوارى اكو امن كاعد على كرسي من شافني وكف لحيله
عمه محتاجه شي اني اطلع اجيبلج؟
هزيت راسي لا وتعديته
عباله دكتوره
باب المستشفى كومه سيارات طابكه وينه طيف ؟
جاني صوت من ورايه
ددورين على طيف
هزيت راسي
اي
ااشرلي على سياره طابكه نهايه الفرع وفات للمستشفى
سرعت مشيتي وتعديت كل السياره إلى وصلت يم السياره نفتحت الباب مالته
ماكو طيف
نزلو ثنين منها جتفوني ودخلوني بيه
