مساء الخير
شارع حيفا
البارت التاسع والعشرين
،،،،،،،،،،،،،،،،
من شفته بلعين السحريه سويت الممر خطوتين
ركضت برعب وفتت للغرفه قفلته وكنما هل باب راح تحميني رغم اني اعرف لوي جماعته ميوكف كدامهم حايط مو عاد باب
الجرص يدك
واني ارتعش واضرب بخدي
حيفوتون حياخذوني
لوي ميعوفني
زززززين شرايد مني شرايد مكفاه نتقام موت بابا اكل حصتي من كل الاملاك
مرضني خبلني شريد بعد يسوي اكثر من هيج راح اتخبل
صار شويه هدوء فتحت الباب على كيف وطلعت
باوعت من العين
ديحجي ويه جارتنا الكرديه المره جبيره
شويه وعافته وفاتت هوه رجع يدك مره الباب مره الجرص
ركضت دكيت على طيف ابجي واحجيله
خليته ينكز
يكلي فوتي بلغرفه وقفليه عليج اياج تفتحين الباب
اني بطريق بطريق
ياربي شون اطير والله روحي كامت تطلع مني
ضي جايج والله جايج
سديته ورجعت اباوع
ماكو ماهوه
رحت فتحت الشباك شفته واكف على صفحه يتصل
سديت البرده بساع
وكعدت لازمه راسي
كام بنفض راح ينفجر
شيردون مني منين طلعلي هذا
دكيت على سلوان هوه يعرف خياساتهم
مغلق
دكيت على طيف سئلته عليه كلي مثلج عجزت واني اتصل بي مدري وين مولي مداحصله
ماضل شي ان شالله راح اوصل خليج قويه شكو ترجفين والله الي يمسج احركه واحرك اهله
بقيت بهل حاله
كل شويه اني وطيف على اتصال يصبر بيه
لاريوك ولا غده ولا شربت علاج
حلكي يبس بس خوف وتفكير للمغرب اله وصل طيف
من فتحت الباب وشفته كبالي
جيتت بحضنه مابراسي عقل
شمر الجنطه من جتفه والعكازه ولمني كل قوته
كعدنا ابجي واحجي الي صار ويمكن هاي ميه مره عدته وصفتله شكله ولبسه
هدئني وفات للمطبخ جابلي كلاص ماي شربني وراح فتح البلكونه بربع ساعه يباوع ويتفقد ماكو اي شي
رجع كال
راح انزل للماركت
جلبت بيده
لاتعوفني اموت والله
يابا شنو سالفه خلص اني يمج منو يوصلج هاي شبيج
كعدي هسه اجي
نزل قفلت الباب
ورحت باوعت من الشباك
يمشي ويسئل بعدين فات للماركت نص ساعه واجه
كال ماكو اي شي من الحجيتي حتى طلبت من الماركت يرجع الكامرات هوسه وكلشي مفتهمت
وهسه شنسوي
امشي نعوف الشقه ونروح لغير مكان
ضي شبيج سمسوين بايكن ناهبين من شنو انتي خايفه كتلج اني هنا كاعدله وداشوف شيكدر بسوي غير انعل والديه
جنت خايف عليج لان وحدج هسه اني يمج شكو بعد
كافي كومي غسلي وسوي لكمه باعي وجهج شون اصفر
ماريد ماريده اي شي اني خايفه خايفه والله
لاتضوجيني اني جاي تعبان
راح افوت اسبح اطلع الكاج غير شكل والله اذا لكيتج بهل حاله ازعل وانتي كيفج
فتح الجنطه طلع ملابس وراح للحمام
حاولت اسمع كلامه وهم رحت غسلت وجهي وسويت اكل شون مجان
من طلع بتسم وكعد كبال الصينه تقرب باس خدي وكال عاشت ايدج
