مساء الخير
#شارع_حيفا
#البارت الخامس والعشرين
،،،،،،،،،،،،،،،،،،،،،،،،
ابن هوار خبص الدنيا
يصيح ويهبد بيده
هوار لتهى بي
سلوان قفل السياره وندار من لمحنه
مد ايده بجيبه طلع نضارته لبسهن وتعدانا فات للعماره اني هم ترخصت من هوار الي يحاول يفهم ابنه شبي وصعدت للشقه
من وصلت جان سلوان يفتح بالباب باوعت للمفاتيح بيدي يعني عنده نسخه ثانيه
فتت وراه تسالمنه بس وضعه موتمام مرتبك مدري شبي
جبتله ماي من لزم البطل انتهب ايده ترجف
شويه شويه رجع طبيعي
كعدنا وأول سوال سئلته على امي
تنهد
الله يرحمه
راحت بعد
سلوان ليش تزوجته
امي مال زواج مال حباله شجابك عليها والله لو مخلفه ولد من وكت جان هسه بكدك
ليش هيج انت بشر موذي
اني ما جبرته
هاي جانت رغبته
ولاموتته هذا يومها اجه اني شعليه
سالت دموعي
رغم كلشي يا ناس هاي امي
وجيه سلوان ذكرتني بيه
من شاف دموعي كال
لاتبجين هيج تقهريني اني هم مقهور لأن امج الشخص الوحيد الي حبني من صدك
رغم اني اخذته على طمع بس هيه رادتني بدون دغش
رادتني رجال يحميها ويساندها
بس للاسف مالحكت تعيش وياي هواي ولأن مااذتني اني مقهور عليها
مد ايده بجيبه طلع جيس زغير
فتحه وفرغه على قنفه بي اساور امي ومحبسين وزوج تراجي وكلاده
كال ذني من حقج
صح اني دخلت عليها من باب الطمع بس شو من ماتت نفسي كشت مدري ليش
صارت فلوسه وذهبه ابد مو بعيني
جبتلج الذهب والفلوس دزيتلج شده ويه طيف كلج مدري لا والباقي راح ادزه حواله اائمن من الطريق
بجيت واني اباوع الهن
بجيت واني اتخيل ايدها وشون جانت محاوطتها هاي الاساور
ركبته والكلاده شون تلمع بيه
ياربي هيج الإنسان بتجرد من كلشي ومياخذ شي وياه من يموت غير الجفن
يارب اغفر اله وسامحها اني محللته من كلب ورب
مكدرت اكعد اكثر
عفت سلوان وكل شي ودخلت للغرفه
بحيت لحد ما تعبت
شكد توجع الذكريات
شكد تجوي نارها
شغلات ومواقف بديت أتذكرها بذاك الوكت شكد تافه بس هسه اتمناها ترجع
لو يرجع بيه الزمن جان وره كل عركه جانون يتعاركون امي وابويه ادخل بينهم اهدي واصالحهم مااقفل الباب على نفسي واخلي السماعه بذني حتى اتعده ضجيج اصواتهم
لو يرجع بيه الزمن ماعفتهم وعفت دراسي ومشيت وره طيشي
ولو
ولو
ولو
كلمه لو هواي بس شلفايده الراح بعد ميرجع
سلوان دك الباب
طلعي احجي وياج
ضي
كنله عفيه عوفني اني تعبانه جيتك هيجت عليه المواجع
ختفى صوته
يمكن طلع
بيومها عشت نفس الوجع العشته من سمعت خبر موته
دك عليه طيف مارديت بقى يدك بستمرار
رديت بصوت متعوب
هاا طيف
