مساء الخير
#شارع_حيفا
البارت السادس
،،،،،،،،،،،،،،،،،،،،،،،،،،
بسم الله الرحمن الرحيم
وبشر القاتل بلقتل ولو بعد حين
(صدق الله العلي العظيم )
يعني شنو
ماما انتي شنو
كلبج صخر
لو ميت
أريد افهم راح اتخبل
لاميت ولا صخر بس هاي الحقيقه
قبل سنين جان ابوج سبب بوفاه خالج الي هوه اخويه الوحيد وسندي بهاي الحياه واليوم هوه توفه وهذا حال الدنيا تدور تدور وترجع تضرب صاحبها وهاي الايه فيت على ابوج الله لا يرحمه
صميت اذني من سوالفه
وكمت اصرخ كل حسي
اااااني اكرهج
ااااااكرهج انتي مو امي
أريد بابا وخري أريد اطلع أريد بابا ليش مخليتيني اروح ويه طيف
ليشششش
جنت اعيط وارفس بلكاع
وهيه تدفع بيه دخلتني بلغرفه وقفلت عليه الباب من الخارج
مستحيل هاي تكون ام هاي وحش والله وحش
كعدت
دكات كلبي كامت تضعف وتقل
رجيت راسي على كومدي
ابجي بضعف
شكد ردت اروح ويه طيف بيت ابويه بس مخلتني سحلتني وصعدنتي للشقه واني اصرخ
حتى طيف بقى حاير مدري مصدوم بموت بابا
يباوعلي ويرجع يباوع الامي تالي من ايس انو تتركني اروح وياه عافني وراح
لزمت راسي بيدي
غرست اصابعي بداخل شعري
قرفصت روحي
ارتعش
يعني شنو
بابا بعد ماكو
المن اخابر واشكي
منو يفزعلي
منو بسندني
منو يدللني
منو يحن عليه
المن اكول بابا بعد ومن يسمعني؟
زين اسمع كلامها
اسكت
اعوف بابا يروح خلص وما اشوفه
مستحيل
كمت بهمه فكيت الكنتور
طلعت بليره سوده طويله لبسته فوك تراكي ولميت شعري وكفت ادك بلباب كسرته تكسر
مجاوبتني
رحت فتحت شباك غرفتي جان يطل على شارع وبديت اصرخ
بساع فتحت الباب وجتي جرتني
انتي تخبلتي شدتسوين
راح تفضحينا
باوعتله بغضب ودفعته بكل قوتي
وكعت بلكاع
ضلت متفاجاه فاكه حلكها اول مره امد اي عليها
قبل لاتحاول دكوم طلعت اركض ونزلت الدرج بكل سرعتي
اااشرت تكسي صعدت بي واني ميته بجي
السايق يحاجيني
واني اشهك
وين اوصلج؟
ليا منطقه بيا مكان
سكتت ثواني اني ادري بابا جان ساكن بمنطقه ال..... بس وين بضبط ماعرف
تلمست جيبي طلعت تليفوني دكيت على طيف وين اله جاوبني
صوت هوسه يمه
كال
هاا ضي
بجيت بحركه
طيف دليني بيت بابا وين بضبط
يابيت ضي بلاخبال هسه مو وكتج ابد كعدي وسكتي عود من اجي اني اقنع امج واجيب لهنا
طيف الله يخليك أريد اشوفه
والله اموت اذا مشفته
اني هسه بطريق هاك هذا السايق دلي البيت
منطيته مجال يحجي خليت الموبايل بيد السايق حجه وياه ونطانيا جنت دوم اخلي فلوس جوه الكفر طلعت منهن ونطيت كروه
وصلني ومن الهوسه بلفرع ندليت البيت
نزلت امشي وابجي
دخلت البيت مليان نسوان واكو لمه صايره بنهايه الصاله على مره
تقربت من يمها جانت ضعيفه كلش وناعمه رغم جبيره بلعمر بس بوسط الهوسه كوه تبين من الضعف
خطيه تبجي بحركه وبلاصوت
على سوالف النسوان وهنه يهدن بيه ويترحمن الابويه زدت بلبجي اكثر
+
