مساء الخير
#شارع_حيفا
البارت الثامن والعشرون
،،،،،،،،،،،،،،،،،،،،،
احبج احبج
احبج
وحاليا أسعد انسان بلكون اني
طاير
هيج طاير بيج
عصرني بين ضلوعه
واني اضحك
اخذ ايدي وكعدنا
لازم كفوفي لامهن بين ايده
يحجي
مبتسم
فرحان كلش
تدرين من كلتي نعم انت وكيلي
مصدكت اذني
مصدكت
ضي صارت
الي
مالتي
وين وين اضمج
شون اعبرلج عن فرحتي
شسوي فهميني
لمعت عيوني
دموع وفرح
لاتسوي اي شي يكفي الي سويته من اول متعرفت عليك لحد الان
يكفي تعرف بكل عيوبي وراضي
يكفي وكفاتك بجانبي بااصعب الضروف
يكفي سندك اليه باااكثر الموافق
مو انت الفرحان
اني اني الفرحانه اكثر منك وفرحانه بيك
بوس اصابعي
يردد الله لا يحرمني منج
توسدت على صدره
لاول مره بلا خجل
بدون تكلف
بلحلال
لحضات حلوه اذا أريد اسميه يمكن اطلق عليه اسم احلى لحضات حياتي
اليوم حسيت بحنانه
دفو كلبه
ومشاعره الي صارله كومه مكبوته
فسره كلها على شكل قبلات رقيقه ودافيه
ماعرف اعبر عن مشاعري كدامه
اقوه شي عندي اسوي
تكوم عيوني تهمل
تخبل
ليش ليش
ماريد هاي الدموع بعد
ماريد اشوفج ضايجه لو مقهوره
أريد اسعدج
اسعدج شكد ماكدر
كومي يله كومي غسلي وجهج
اذا تبقين تبجين واني امسح بدموعج وخشمج هيج احمر وايدي تلامس خدج مااضمن شنو ممكن اسوي
كمت من يمه
للحمام غسلت واسمعه يصيح يله وينج تعالي وراج اعمال شاقه صرتي زوجه بعد شيخلصج بعد
مديت راسي من باب المطبخ
لا والله
خاف تزعل
والله ازعل اذا مسويتي غده مال زوجه معدله
فكيت عيني
طيييف هيه مال غده وطبخ وزوجه معدله يمعود البارحه ردت افجر الشقه علينا
هههههه
تعاي تعاي اني يمج لاتخافين
تقربت جان فاتح المي الحار
ترس جدريه وخله الدجاجه بنصه نصبغ الماي احمر
ااشرلي يله
شهكت
شسوي ياربي
تهلسين الدجاجه غير
طيف ليش تسوي هيج يعني اكيد اكو منضفه وكامله ليش جايب من هاي والله مااتقرب ابد
جر ايدي
ورفع ردان التشيرت
يضحك ويكلي
متعمد جبته هيج
تعبي شويه حتى يوصل الثواب تره البارحه لو ما ستر الله جان صرتي حالج حاله ورحتي بلبيباي
بديت اشلع الريش ونفسي تكلب
هوه يشلع وياي ويصنف
مره يطبك حواجبه ويخزر يصيح خلصي عاد
ومره يكلي اااوي عيني سندوس شدعواج هلكد نكرزه
إلى أن كملنا الدجاجه سواني تصنيف
قطعناه وجيسناه نصه بثلاجه والباقي ملحنا وسيخنا شوي بلفرن
هل مره ما وصلت ولا تقربت صارت عندي فوبيا منه طيف تصرف وكلما يفتح باب الفرن يتفقد اركض اصير يم باب الشقه واصم اذني
