مساء الخير
#شارع_حيفا
#البارت السابع عشر
،،،،،،،،،،،،،،،،،،،،،،،،،،،
مولم من يتعذب شخص تحبه كبالك
من تشوفه يصارع الموت وانت مقيد متكدر تساعده
هل شخص هذا في يوم من الايام كعدت بينك وبين نفسك وقررت تطلعه من حياتك
تدوس على نفسك وتكول ميصلحلي خلي ابتعد بس نفس الوقت الايام والمواقف تجيبه كبالك
تخلي عقلك يستسلم القلبك
ساعته تعرف انت تحبه
رغم مساوه
رغم عيوبه
بعده كلبك ينبض بقوه من يشوفه
يميل اله
عيونك متكدر تنزل منه اذا صار كبالك
صراع بين عقلك وقلبك
هنا تطلق عليك عباره ومن الحب ما قتل
امشي بشارع
كلبي ينزف
البرد يكص بيه مامتهم
الهوا بارد بس من يفوت برئتي حار يجوي
اني شرجعني شون عفتها هناك
شون جيت وحدي
شون نطاني كلبي
منضرها وهيه مجتفه كبال عيني مديروح من بالي
اليوم اني عرفت روحي شكد احبها
شون ميت عليها
وشلون روحي تفرفح من تستنجد بيا وماكدر انقذها
بيدي سلمته للمستشفى
صارعت وعاركت امها واخذته ورحنا البيت لوي
طلعت خامله ذبلانه واكفه وره ام لوي وهوه يضحك مستمتع بعذابه
يحس نفسه من ضيع بنت سلمان مسوي انجاز
جنت متوقع راح نتذابح وميخلينه ناخذها
بس صار العكس جان بارد كلش
يمكن يفكر راح ترجع تجي شون مجته هسه بس هيهات اخليها بعد
اخذناها وطلعنا يباوع لساعته ويردد اربع ساعات ويخلص المفعول وراح ترجع لهنا لو تضموها بقوطيه
تحسبت بوجه
وتركته
مو بشر شيطان
تفقت ويه ام ضي ناخذها نسلمه للمستشفى
عارضت وخافت خاف يصير سين وجيم كتله سائل ومستفسر اذا تسلم نفسه بنفسه تسقط عنه المحاسبه قانونيا بس اذا هما يلزموها الامور تختلف
بجت تعض بصابعه ضاعت بنتي
بعديش ؟
دموعج متاخره كلش
ندمج فايت وكته
وصلنا المستشفى جلبت ضي بيدي
طيف شعدنا هنا
سلامتج بس انتي تعبانه السخونه ااذتج مودتصرفين متدرين بنفسج لو لا
هزت راسه اي
بتسمت بوجه
اامن خوفه
خلص لعد ناخذ علاج حتى تصيرين زينه ونرجع
لفت امها ايده عليها
بتعدت منه مالت ناحيتي
مديت اله ايدي خلت ايده شبكنا اصابعنا حيل
وهمست اله
مراح اعوفج
اني يمج لاتخافين
نصت راسه تفرك بخشمه
دخلنه واني مخليه تلتهي كل شويه سائله سوال شكل لأن اشوف عيونه تتلفت تريد تعرف يا مستشفى وتريد تقره اي علامه كباله.
واني اضيع واغطي
ضي جوعانه عطشانه
ضي بس تصيرين زينه متوصلين بيت ابوج بعد
شي اسمه لوي انسي
ترجعين تكملين دراستج
اني وياج متصالحين اي اني مبكلبي شي عليج
ارجع اوديج واجيبج بس متزمخين وتتعنطزين مثل قبل افلش وجهج والله
وامد ايدي اسوي حركه الضربه بضحك وهيه تبعد وجه تبتسم
