مساء الخير
#شارع_حيفا
#البارت التاسع عشر
،،،،،،،،،،،،،،،،،،،،،
ام طيف
عوع عووووع شنو ابنك خال جهاله ولك سلوان شو انت متعرف تحجي شنوو نسيت طيف خاطب من خواله لو جاي تثوله
ضرب كصته يضحك
العفو يوم العفو عيوني نسيت نسيت اعذروني
ضلت امي تسئل وتستفسر شلون حبلت ام ضي رغم هيه كبيره عمر وسلوان ينفخ ويحمه عليه
عفتهم وطلعت الشغلي
اشتغل بالي شارد
قلق حيل
انوب بعد ماكدر ازور ضي اكيد مراقبيني
قررت اروح لدكتورها للعياده واحجيله كلشي وهم اشتري شريحه جديده اخليها بتليفون ضي وابلغ الدكتور اذا حالته تسمح ينطوها التليفون حتى اتواصل وياها
اخذت ساعه من الشغل ورحتله
بس خذلني وكلي حالته مساعد تشيل تليفون
دكتور بس هيه زينه واحسن من قبل ليش متسمحوله
اخ طيف اني كلتلك بلوقت الحالي فقط منكدر نخطي هاي الخطوه جوز بلايام الجاي اوك وماكو مشكله
خليها بالك كلما تتحسن كلما نخطي خطوه جديده وشوفه عينك اول شي زياره بعدين سمحنا تطلع حديقه وان شاء الله تتحسن وتشيل موبايل وراها تطلع ومع الف سلامه
الله يسمع منك يارب
لعد اني اترخص
وذا سئلت عني ياريت انت تتصرف بمعرفتك واذا تسويلي مكالمه وياها حتى لو بتليفون المستشفى اكون ممنون حتى بس لا تقلق لو يضل باله انت تعرف هيه ماله احد غيري وحتى امها رافضه الكلام وياها
تمام تدلل ان شالله الي نكدر عليه نسوي ومنقصر
بيومه طلعت من الدكتور
رجعت للبيت وعيني بتليفون
ياريت احجي وياها
ياريت اسمع صوته
هم روحي تهدء وهم أطمئن عليها واطمنها
ومرت الايام هادى
بارده مابيه اي روح
لحدما اجاني اتصال من المستشفى
رديت بلهفه
واجه صوته بذني
روحي سكنت
طيف شونك
انتي لووني
انتي زينه اني زين
انني تطيبين اني اطيب
انتي تتعافين اني بخير
اني مشتاقتلك
شوكت تجي
عندي شغل هواي هاي الفتره مراح اكدر اجي
بس ضي المستشفى اذا يشوفوج زينه ينطوج تليفونج ونتواصل اني وياج
شون تحسين نفسج
ان شاء الله احسن
اني زينه بس داضوج واحتصر حيل ومن الضوجه اكعد بس ابجي
تعال أريد اشوفك
أريد اكعد وياك واحجي كومه حجي كاتم على نفسي
المصلحتج هسه ماكدر اجي وبعدين راح تعرفين السبب هسه الي اريده منج تتواصلين وياي بتليفون كل يوم وتحسسين الدكتور انتي زينه حتى ينطيج التليفون
تمام ان شالله اكدر
بس انت هم حاول تجيني ولا تعوفني والله اني صرت زينه ليش مديطلعوني
