مساء الخير
#شارع_حيفا
البارت الأول
للكاتبه المبدعة رفل الكناني
..............
في الجانبِ الخطأِ من بغداد
ستجِدُ هناك
بغدادَ أخرى
لا تعرِفها
ولا تعرفك
في الجانبِ الخطأِ من دجلة
كان "شارع حيفا"
شارعًا يعيشُ في الروح
التي تشبهُ روحي
في الجانبِ الخطأ من البستان
ماتَ النارنج
في الجانبِ الخطأِ مِني
أنتَ هنا
وسعيد جدًا
لأنّ كلّ مسامةٍ بيَّ
تضج بِك .
في شارع حيفا
حيث ولادتي
وطفولتي
وحياتي
هنا أجد نفسي
بين افرع تلك البنايات حكايات
ك حكايات الف ليله وليله
خطت بكل مطبات الحياه
من عسر
يسر
وحب
وهيام
ياترى ما النهايه؟؟؟؟؟؟
طيف طيف
صوت ينده بااسمي
لتفتت
شفتها كبالي خزرته وتلفتت على شارع فارغ يصفر دنيا الضهر صيف والحر يكتل
مسحت كصتي العركانه ونترت بيه
انتي فد وحده بلا مستحه
اااامشي ارجعي شكو لاحكتني
طيف بس احاجيك فدوه
ماعندي وياج حجي
امشي ولي وجفيني شرج
تركهتا ورجعت
امشي ودردم
نسوان متستحي سايبه دايحه
انعل ابوكم لا الحب لابو اهله
وصلت البيت فكيت الباب
امي صافنه على تلفزيون
سلمت وكعدت
كالت سوده عليه ميت حر مو
هزيت راسي
اي
يوم جوعان
توجت على كاع وكامت
يخسى الجوع هسه دقايق واصبلك
بتسمت اله اخفي تعبي
دك تليفوني
سلوان العار
جاوبت بغضب
لك هااا كوا.......
طيف شبيك على كيفك وياي
سلوان اسمعني اني من اليوم لاعرفك ولاتعرفني تره اني الله مطيح حضي لاتكمله انت عليه جفيني شرك ولي من طريقي
مع الاسف عليك طيف هيج تحاجي خويك
ماعندي اني اخون لو عندي اخون جان مصار هذا حالي سلوان بروح امك بروح ابوك اني دروب العوجه مااحبه ولو ادري انت تمشي بهيج درب اعوج جان مماشيتك ابد
تنهد بحسره
طيف انت هسه معصب واني راح اعذرك يله مع سلامه من تهدى تنخابر
سديته قبل ميسده وشمرت التليفون
جتي امي شايله الصينه اخذته منه اعاونه نزلته للكاع وكمت للحمام
ذبيت هدومي وفتحت الدوش وكفت جواه مغمض لازم راسي افرك بي كد ميوجعني جان انجوي
ماي التانكي نار
بتعدت اعصر بكتوفي
صاحت امي
وينك طيف بس لا دتسبح
رديت
اي يمه
كالت
يااااه هسه وكته غير من كمت اصب الغده تفوت للحمام لو خلصته تخابر
سديت الماي ولفيت روحي بلمنشفه
غسلت بس ايدي وطلعت بدلت
وكعدت تغديت وامي تسولف على سكان العماره وشون الناس الي بصفنا جايهم خطار سياره آخر موديل
والفوكانه متعاركين ومتسنطه عليهم
بتسمت
حجيه مشتغله بلمخابرات العراقيه قبل
