مساء الخير
شارع حيفا
البارت الواحد والعشرون
،،،،،،،،،،،،،،،،،،،،،،،
من شفت الشرطه تخشبت بمكاني
الرجال اجه وكف كبالي
كال مرتبك
سمعي اذا فاتو علينا سوي نفسج مخبله هيج سوي مثل هاي الحاله الشفته جتج راح اكلهم بنتي وعقلها مو تمام
هوه ويحجي ندك الباب لا مو ندك تكسر
عافني وراح يركض بثواني وشفت البيت كله جيش يصيحون ولغتهم ما مفهمومه
واحد منهم وجه السلاح بوجهي
من شفتهم تذكرت ابو صفوان وجماعته الخطفوني لا اراديا صابتني حاله الصرع
الرجال جا وخله الغطوه بنص حلكي وذوله ضلو صافنين وهوه يحجيلهم بلغتهم وهما متفاجئين
لحدما ساء وضعي مثل كل مره غبت عن الوعي
شنو صار بعدي ماعرف
من كعدت الرجال جان يغسل بوجهي ويصحي بيا
فتحت عيوني
بتسم
عمي طلعتي خوش تمثلين نقذتينا
بجيت
عمو اني مامثل والله
عفيه رجعني للمستشفى راح اتخبل هنا
مارد
عافني وطلع من الغرفه
كمت رحت للهول امشي لافه نفسي بلغطوه واستند على حايط
اخذت تليفوني ودكيت على طيف
من كال الو
تذكرت الصار
امه والبنيه
سمعت صوته
خليت وسديته
رجع كومه دك ما جاوبت
الرجال جان بره دخل مخلي التليفون على اذانه باوعلي ورجع يسولف وطلع
يكول
هاي كاعده ماكو شي وماصار اي شي غير السولفته الك باشي
لميت روحي
وخليت راسي بين رجليه
والف سالفه براسي
بابا مات
امي مو سند
لوي لوبيده بكطعني وصل وياكلني بسنونه
اخوتي امهم متخليهم يعترفون بيه تخاف عليهم يتصادمون ويه لوي
بس طيف جان عندي امل بي وهسه ضاع الامل طلع طيف خاطب وراح يتزوج شنو اني وافوت بحياته ويكعد يشيل همي ويحير بيه
بيومها
خلصت اكثر الوقت ابجي والوم يروحي كله مني
اني وصلت نفسي لهاي المواصيل
اني ضيعت روحي
الادمان دمرني
الله لايوفقك لوي
طيف طول الوقت جان يتصل مارد لحدما طفيت التليفون وشمرته راح جوه التخم
لثاني يوم
جا الرجال حتى ماعرف اسمه
كال وين تليفونج
درت وجهي مجاوبته
تقرب يكلي شو ماتحجين مو داسئلج
نترت بوجه
صرت مثلك انت مو متتحاجه اني هم مااحجي
رفع التليفون خابر اسمعه
يكول
البنيه تحجي مابيه شي بس عبالك هيه خيط وخيط وماتقبل تكلي وين تليفونه
رد كال
تمام
هاي وياك
مدلي تليفون
سمعت صوت سلوان يصيح الوو
عطت بي
سلوان الله لايوفقك تعال طلعني شكو هنا حابسني ولكم انتووووو شتريدون مني
كال
هااك استلم ودتعاركني علموده
اسمع لسانه شطوله شبيه هااا يله كلي شبيه عرج ميطكها دتسمع لو لا
