مساء الخير
شارع حيفا
البارت الحادي عشر
،،،،،،،،،،،،،،،
حزن_كلبي
حزن كاروك ضل بغرفة_العاجر..
،،،،،،،،،،،،،،،
دفوت ابو حمودي فوت ادري ليش واكف بلباب والله ميصير دخلي نضيفك
طيوفي الذهب
اشكرك والله بيت العامر ان شالله بس مو مال كعده جيت اوصيك تسويلي لافته عرض الشقه للبيع اذا مابيه زحمه عليك
تبيع الشقه؟
ليش ابو حمودي خيرك انت جار متتعوض شلون تريد تبيع الشقه وتعوفنا صاير شي شو حالك معاجبني شكلك تعبان محتاج شي احجي تره اني اخوك بس ااشر
تسلم متقصر بس مالي كعده بلمنطقه بعد
الصار ميتسولف ولا ينحجي
اني بيتي نهجم ونفصلت عن المره وحاليا اخذت ابني منها وكاعد ويه اهلي تفاصيل ماكدر احجي لأن مثل مكتلك الي بيه ميتسولف
سكتت ماريد احرجه
يحجي مخنوك مدنك راسه ماردت اضغط عليه
خله بيدي فلوس لافتات ورقم تليفونه وراح
امي جانت تتصنط
وره مسديت الباب كالت ثلثين السجون والمقابر متروسه من وره النسوان
يعني شنو
مافتهمت عليج
الله اليعلم يا ابني بس الرجال مكسور ومايكسر الرجال غير المره
ويجوز من ايده لأن جان حابسهم وضاغط عليهم بعد ضلت يم الله بس هوه يدري شصاير بينهم
كعدت صافن
اربط حجي امي
ويه شكوكي ذيج المره وهسه سوالف هوار واتعوذ من الشيطان
تالي ستغفرت ربي وطلعت ماريد اشيل غيبه العالم
رحت للمطبعه كملت شغلي
وبديت اخلي بيهم براس شارع كبال العماره باب الشقه
توني كملت وطبكت سياره آخر موديل ضليت اباوع المن هاي
نزلت منها ضي
تقربت تبتسم
هلاو طيف شنو رايك
بشنو؟
بسياره
المن هاي
مالتي غير
اها بلخير عليج بس منين يعني منو شتراها الج
فركت خشمها
سكتت ثواني
وبعدين كالت
بحصتي غير
حاجيت لوي كتله أريد حصتي كال بعد ممقسمين الورث عندج اخو قاصر بعدين شتسوين بلورث شنو محتاجه كتله سياره بنفسي عاد جابلي هاي
ايبااااه
وبهاي السهوله بله منين نزلت على لوي هاي الحنيه المفاجئة
ماعرف ويهمني المهم عندي كل طلباتي دتجي اليمي غيرها مالي علاقه بي يله اترخص
عافتتي وصعدت الدرج
قبل ميختفي شكلها
صحت
ضي
لتفتت
ضي انتي دتلتقين ويه لوي
جقت حلكه
لا
وصعدت
مشيت تقربت للسياره
فتريت داير مدايرها حديثه وغاليه هاي
شديسوي لوي
شعنده ويه ضي وليش هذا التغييرر المفاجاه
منين طلع هذا بحياتنا وشنو ناوي
