مساء الخير
شارع حيفا
البارت السادس عشر
،،،،،،،،،،،،،،،،،،،.
من شفت الجيش مضل بيه حيل
العلاكه وكعت من ايدي
راحت ضي اكيد هاي الهوسه عليها
تقرب مني الحارس
خويه اساعدك بيك شي
تسلم العلاكه نشكت فجاه
اكلك هاي شكوو
شهيد ياخويه الله يرحمه ومبين جببر بدوله هل جايه وياه كل هاي العالم
تنفست بعمق ورددت الله يرحمه ويجعل مئواه الجنه
دنكت الم الغراض وفتت متوجه للغرفه لكيت ضي متخشبه بزاويه تبجي وتصك على اسنانه ترجف
ركضت اله
ضي شبيج
شكو
شجاج
طيف اخاف اخاف
وين رحت وين عفتني
راح ياخذوني
جايين عليه
راح تسلميني الهم
راح انسجن
راح تعوفني
طيف اموت والله اموت لاتخليهم ياخذوني
جريت راسها ضميته على صدري
ااااش
انتي شمسويه بروحج
تخبلتي راح تموتين بهاي سوايتج منو كال جاين عليج ذوله عدهم جنازه وهسه يخلصون دفن ويروحون
هدئت تباوعلي بخوف
صدك طيف الله عليك
اي والله اهدئي ماكو شي اني يمج
سكنت
مسحت دموعها ولاحضت بيه شغله غريبه
اكو تعب بعيونها فضيع وجوه عيونه خطوط زرك
تفرك بخشمها هواي
ماعرف شفسر هذا التعب
مو خوف لا شي اكثر من هيج بس ماعرفه شنو
بتعدت منه بلحدود لمخليها بينا
رجت راسها على حايط مغمضه
بقيت انتضر تطلع الهوسه بره حتى تروح تغسل وترتاح
بعدما صار هدوء
طلعت الريوك فرشته على علاكه جنت جايب حتى الجاي بطل وكلاصات سفري
اخذته غسلت ورجعنا اكلنا سوه بدون كلام واخذت الباقي لابو عزير لكيته يعد فلوس من شافني ضمهن جوه فراشه
نطيته الاكل ومن داطلع كال اكلك طيف البنت الدخيله يمك كلبي ما مرتاح اله
لتفتت اله بنصات
ليش عمي شسوتلك شايف منها شي
والله مادري شكلك بس البت اضن مضيعه روحها وماشيه بدرب اخوك سلوان
شلون يعني مافتهمت عليك وشبي سلوان
سلوان يبلع حبوب انه شايفه جوز انت ما منتبه وهل بنت لاحضته يمكنها مثله
حبوب؟
عمي رحمه لهلك انت شجاي تحجي حبوب ايش
ان شاء الله اطلع غلطان بشكي بهاي البنيه بس سلوان لا ما شاك بي أنه متاكد سلوان يبلع حبوب مخدرات هلوسه كبسله ماعرف وشايفه بعيني لهذا كتلك حتى تشوف بنفسك شسالفه
هزيت راسي وطلعت مسطور
سلوان كل السوالف المكسره عنده عربده شرب نسوان بس مخدرات هاي ابد ماخطرت على بالي ولامفكر بيه
زين ضي شنو علاقته بهاي الامور شجابها عليها
كاعد كباله
صافن بتفاصيله
معقوله تطلع منها هاي الأشياء
طيف ليش تباوعلي هيج
زين إحنا شوكت نطلع منا
والى متى نبقى محبوسين
اني ضجت
