مساء الخير
شارع حيفا
البارت السابع
،،،،،،،،،،،،،،،،،،،
شسولف والعمـر ما جاي سد بسد
دنيا وطشرتني بيــن جــزر ومـــد
نــذرت شگــد
دعيــت شگــد
چـــم طــارش ادز للٓــه
وأتانـي_ومـا_يجينـي_الــرد
،،،،،،،،،،،،،،
وليش تشتكين على امج
اكو بنت تشكتي على امها
انتي شكد عمرج
سكتت صافنه بوجه الضابط ثواني وراها
ندرت ومشيت فتحت الباب أريد اطلع
صاح ورايه
ووووين؟
لتفتت بخوف
واني امتت كتله
بطلت ماريد اشتكي على احد
أريد اروح
ااشر على كرسي
بكل هدوء
كال
اكعدي بابا لاتخافين واحجيلي على كيفج شبيه امج وياج وليش تردين تشتكين
امي متامره هيه وابن مرت ابويه اسمه لوي واني ممرتاحتله ابد
بابا عمره وحياته ماشتكى من شي يوجعه ولاعنده اي امراض
فجاه وبيوم وليله مات ومنعرف شنو السبب
ماما ساكته ومكيفه مدري متشمته وابن مرت ابويه مقبل يتشرح مع العلم المستشفى موديه كتاب للطب العدلي تطالب بتشريح بس لوي ماعرف شلون لملم السالفه وسده بدون تشريح ابويه وسجل الوفاه بسكته قلبيه
وامج شنو دخله وتشركيها بشكوه ؟
امي انسانه نتهازيه
ممهتمه لموت ابويه ابد
واشك هيه متاامره ويه لوي
لأن عدها علاقه بي سابقه وجانت دائما تشكيله من ابويه يسوي مشاكل وياها
اهلج منفصلين؟
رسمي لا
امي هيه هاجره والدي الله يرحمه رغم هوه جان دائما يبادر حتى يتصالح وياها وترفض
تمام
تعاي وقعي هنا وخلي رقمج وعنوان البيت
وعنوان بيت المدعو لوي هم
تقربت على سجل
سجلت رقمي والعناوين
وتوجهت للباب داتطع وندرت كتله
اذا تردون تجون النه ياريت يكون الوقت من بعد ٣العصر اليوم لأن باجر متلكون ماما هيه تداوم ممرضه بلمستشفى يومين خفاره ويوم ينتهى دوامها ب٣ الضهر
خليت وطلعت
امشي
واسمع اشكال والوان الحجي ينذب ورايه من الشرطه وحراس المركز
رجعت للبيت ماما طالعه للدوام
فتت الغرفتي لفيت راسي ونمت
للضهر واسمع اصوت هوسه وماما تصيح
أنطوني مجال بس خل احجي بس خلي افهمكم
طلعت من الغرفه صارو كبالي ٣شرطه وامي بوسطهم تتوسل
نضراتهم صارت عليه
ماما لتفتت
باوعلتي الوجه اصفر كركم
تقربت ناحيتي
بدون تفاهم
جابتني برشدي وجهي ندار
لزمت مكان الضربه
اباوعله
طفرت دمعه من عيونه رفعت ايده
دكلي
ضي انتي شمسويه
صاح الشرطي
تمشون للمركز بلا هوسه رجاء ولاتخلوني استخدم وياكم القوه تره وكت ماكو والدوريه بره تنتضر
