مساء الخير
#شارع_حيفا
البارت الثامن
،،،،،،،،،،،،،،،،،،،
مدري شمالهم
كلمن يحب نفسه
وكلما احجي..
روحي تصيح, مو هسه
وصل حده التعب, تندسني, دمعي يطيح
بعد ما جان گلبي ولاية الونسه
سلبوا راحتي ,
ونشدوني ,,ها مرتاح !
شگد ميت ضميره اليجرح وينسى
،،،،،،،،،،،،،،،،
صوت الاغاني عالي حيل
سديت اذني
باوعلي يبتسم ورجع يسوق
كمت افور
بابا توه ميت شهل وقاحه مالته
باوعتله بغضب ونترت بي
انت متستحي
الميت ماله حرمه عندك
مد ايده طفاه ورفعها
يعتذر
اني اسف تصدكين راح عن بالي الوالد
عوجت حلكي
اليسمعك يكول على اساس انت تحبه
تره مناسيه كلامك بيوم وفاته وانت تتمنى تطلع اعضاء جسمه حتى تتشفى بي
جق حلكه بحركه سريعه
معليج بلكلام مجرد حجي لايودي ولا يجيب هيج ردت استفز هذا الي اسمه طيف
ندرت اخزر بي
تجاهلني
عفته صديت للجامه
مالي نفس احجي وياه
وهوه هم سكت
وصلنا بيت ابويه صف السياره ونزلنا مشى كدامي تبعتا اول مفتت
جفلت من صوت الجلب مشفته جان وره الباب
لزمت كلبي وشهكت
بقى يضحك عليه واني كل جسمي يرجف
طلعت مرت ابويه تصيح اسم اسم الله بنتي لاتخافين تقربت حضنتني
ماعرف سلمت لو لا بس الي اعرفه اني جفلت جفله قويه بحيث بعد ماكدر افك حلكي
لوي تتقرب من الجلب مد ايده على راسه
كفخه خفيف ويحجي وياه
بمبر
صاير مستهتر تره مربيتك هيج يعني انت اعمى شلون تشوف هذا الجمال وتخرعه
صار بي شي شلون بله
غير ارميك طلقه اطشر راسك
بعد لاتعيدها
ضيوفنا العزاز ميستاهلون هيج نهبطهم
الجلب كنما يفهمله
بهدوء نصى ليم رجله وبقى مطلع لسانه يسويله حركات
بتسم ودفره
يكله
يله يله كوم سامحتك بس بعد لا تعيدها
مرت ابويه جانت مرتبكه كلش
تباوعلي وترجع تباوع لابنه
تالي اخذتني وفتنا للبيت
كعدتني بلمطبخ
جابتلي مي شربتني
تتعذر
سكتت الخوفه بعدها بيه ماكدر ارد
فات لوي وكف غسل ايده ونفضه
ندار يتااسف وحجالي على الجلب
بمبر
جلب وفي حيل مربي من عمره ٦اشهر حاسه الشم مالته فول وذكي إلى درجه لهذا ستغرب وجود شخص غريب وراد يهجم عليج
راح افوت ابدل حتى نتغده وراها عندي وياج حديث طويل
كمت وكفت
نتغده؟
على يا اساس
على اساس انتي اخت أخواني
وهذا بيت ابوج
مواحسن من كعدتج بيت ابو طيف وهما ناس غربه
فكيت عيني
انت شمدريك
اذا تردين تعرفين
حاولي تكونين شويه ريلاكس
فكي حواجبج المعكوده
ريحي نفسج ماله داعي هذا التوتر العندج
نتغده ونشرب الجاي وراها لكل حادث حديث
تركني ومشى
بقيت بس اتصفن
مرت ابويه تتحرك بلمطبخ عيني عليها جانت قلقه لدرجه تدور على حاجه وهيه كباله
صبت الغده
سفره كامله تخبل
اكل مرتب
كلشي نضامي ملاعق كلاصات وحتى محارم كدام كل صحن
