مساء الخير
#شارع_حيفا
البارت الرابع
،،،،،،،،،،،،،،،،،،،،،
- صـٌح تعبتنـي وسـومـرت
بِس اني اعجبـگ ماطحت
خط النهايه شما گرب كتلها منا نبدي
،،،،،،،،،،،،،،،،،،،،،
فتره مرت كلها هادى وعاديه مابيه شي مهم
سلوان وره محجيت وياه مفك حلكه بقى ساكت متفاجاه من تهديدي اله
صارت فجوه جبيره بينا
جنت شايل بكلبي هواي عليه وماكدر اتجاوز الي سواه بيوم وليله
بردت علاقتنا كلش
وصرنا نلتقي قليل
مرات انقهر كوني كطعت رزقه وخليتا مكابل البيت وكاعد بلا شغل وارجع اكول هيج احسن ولا يسويله مصيبه حتى كمت اقصر على روحي واخلي فلوس بمحفضته بدون ميدري
ومرت الايام
بنفس الروتين
اكضي شغلي وياه ابو ضي اودي اجيبا اتسوك لبيتهم وارجع اخلص شغل العماره واخم النواقص وهيج مكضيها
ضي من اخر لقاء بينا منزلت بعد واني الوب
احبه رغم ممحسسها بهل شي
احبه رغم كل تصرفاته الطفوليه
رغم الدلال
رغم فرق المستوى بيني وبينها
رغم قله عقلها
بس كل هذا انسى من اشوف عيونه 2
يمكن لان من وعيت وهيه كبالي
لو لأن دوم احس اني واحد منهم واهلها مشيليني المسوليه
ماعرف كل الي اعرفه اني احبها
وخلص
حتى لو كانت تجهل هل شي
اليوم واني راجع من المعمل
شفت امي تريد تصعد الهم وبيدها جدوره ثنين صغار مخليه شي فوك شي
تقربت منها
سلمت وسألته
هذا البيت ابو ضي
كالت
اي ام ضي اكيد ملتهيه بدوامها وبالي يم ضي شو صار فتره مدتنزل واني مفاصلي جانت هايجه عليه مكدت اصعدلهم عاد عزلت من غدانه وراح اودي
حنينيه فدوه لعينج انتي وين اكو منج .
بس عادي اودي اني
تغيرت ملامحها
ضاجت
وردت
لا ميصير تصعد والبنيه وحدها.
اني اوديهن وانزل بلعجل روح اسبح بين مااجي حتى اصبلك غده
جريت نفس
وعفته ومشيت
ادري تحس بيه
ومتقبل على الي بالي بس مغلس ومفاتح وياها موضوع
فتت للبيت
سلوان نايم بلهول جفي على وجه
من كعد من الشغل لليوم ينام الفجر ويبقى للمغرب وراها يطلع ساعه ويرجع بعد ميطلع
جنت اراقبه خوفا عليه
ومن اشوفه هيج هادئ ارتاح
سبحت وصليت
جابت امي الغده وكعدنا سوه نتغده
كالت
ضي تبين متعاركه ويه امها لان طلعتلي لعيون مورمه وشكله تعبان
وكفت لكمه بلعومي
كلبي كام يدك سريع
وبالي صار يمها
اغثها اني اي بس ماتحمل احد غيري يقهرها
ردت كالت امي
اسمع اكلك طيف صح اني احب ضي واحب عائلتهم كلها لأن محد وكفلنا بكل ضيج نمر بي مثلهم
لا بكرايب ابوك ولا بكرايبي بس ابد ماتعجبني عيشتهم
