مساء الخير
#شارع_حيفا
#البارت السابع والعشرين
،،،،،،،،،،،،،،،،،،،،،،،
قبل قراءه البارت اتمنى نركز شويه بعض التفاصيل ومنكول قصه عباره وخلص
ياريت ناخذ الايجابي منه ونترك السلبي نتعلم من الاخطاء ونحاول ناخذ فكره من حياه البعض
اذا اكو رجال يقرون ويانه ياريت يتعضون من اخطاء هوار
واذا على بنات والاخوات العزيزات ياريت كل خطوه نخطيه نحسب حسابه لاتغرج الدنيا وتشغلج الحياه عن مخافه الله خلي تربايه ابوج وامج بين عيونج امج متستاهل تحجي بيه فلانه وعلانه وتكول ماعرفت تربي
سمعه اخوانج بين ايدج خطيه يطلعون للشارع منزلين روسهم
تعب زوجج خافي الله بي صح بعض الأحيان مو كلشي نريده نحصله بس دائما خلو عدكم قناعه وخلو العوض بكلشي على الله
مرات الله يحرمنا من اشياء ننقهر ونضوج مندري هوه ضام النه الاحسن منه
(بسم الله الرحمن الرحيم )
وَعَسَىٰ أَن تَكْرَهُوا شَيْئًا وَهُوَ خَيْرٌ لَّكُمْ ۖ وَعَسَىٰ أَن تُحِبُّوا شَيْئًا وَهُوَ شَرٌّ لَّكُمْ ۗ وَاللَّهُ يَعْلَمُ وَأَنتُمْ لَا تَعْلَمُونَ
(صدق الله العلي العظيم )
....................
اتركم ويه البارت
صارت عيني بعينه
كلبي يدك يم كلبه
غمضت ورفعت ايدي لزمت وجه
يتنفس بقوه
بعصاب
وخفتى الكلام بينه
ماكدر انطق
لا احجي
لا اتوسل لا اخاف
لامست شفايفه باطن ايدي
وهمس
ضي رحميني الف مره كتله الج
برطمت
وسالت دمعه من عيني
حجيت بضعف
زين انت ترضاها اليه
ترضاها اخذك من امك غصبا عنه
وخذيني من الدنيا كلها مو بس من امي
اخذيني من روحي
من جسدي
من نفسي
خليني ملكج واني اتحدى العالم كله وياج والاجلج
خلص وخر
الي تريده يصير
كلته وبجيت
بتسم ولمعت عيونه
بتعد كعد عدل روحه
جر ايدي
صرنا كبال بعض
يحجي ملهوف
اليوم اليوم
نعقد
نعقد قبل متقلبين لو تغيرين رايج
سمعتي لو لا
مسحت وجهي
هزيت راسي اي
طلع من الغرفه بسرعه ورجع بسرعه بيده كلاص ماي قربه مني ولزم اسفل حنكي
لزمي اشربي هبطتج مبيه حيل يصيرلج شي اني معودت وافقتي
شربت اباوعله وانصي
كملت خليت الكلاص على ميز
ثنى كبالي
درت وجهي ماكدر اخلي عيني بعينه مدري شصارلي
كال باوعلي
لاتخجلين
قرارج صح
مراح تندمين اوعدج
والله والله راح اخليج اسعد انسانه
نبدي من اول وجديد وراح تشوفين شون اعيشج احلى عيشه
مارديت
ما عندي جواب
ماكدر اكول اني مجبوره لأن اجذب
اني احبه اكثر منه ومالي غيره ونفس الوقت ماكدر ارفض واخلي حدود وشروط لاممكن تتنفذ
