#شارع_حيفا
البارت ١٢
مساء الخير
..............
ماعرف شلون رجعت للحياه بس الي اعرفه اني بعدني عايش البروده رجعت تمشي بوريدي
اصوات الاجهزه رجعت تشتغل
فتره قصيره وبديت احاول افتح عيوني امي بصفي ارمش مقوي روحي رغم اكو ثكل بجفوني بس داقاوم
صلاوات امي ترن بذني
والدكتور يكول
رجاء ممكن تطلعون
عفيه دكتور والله ابني يمكن صحى شوف شوف عيونه شون ترجف
حجيه اعرف وفرحان مثلج بس الهوسه والصوت موزين عليه خلي نسيطر على وضعيه ويفتح يرتاح عود نصيح الكم
طيف طيف
تسمعني اذا تسمعني سوي اي حركه تكدر عليها
فتحت عيوني
بتسم الدكتور تنفس براحه
بديت اغمض متعمد لأن صار وجع فضيع براسي
والدكتور مستمر يحجي وياي
اكو الم مو
طيف تسمعني اعرف اكو الم والم قوي هم بس انت بطل راح تتحمل وتضغط على روحك حتى تفتح
يله حاول
انت تكدر يله شو شوفني
يله لخاطر امك
واخوك خطيه صار شهرين مكابلين العنايه
عقجت وجهي
حيل يعني صار شهرين اني نايم مادري بدنيا
احجي بداخلي ودوس على نفسي حتى افتح
شويه شويه
صحيت تماما
غرفه بيضه
والدكتور يما ممرض ايدي بيها جهاز الاعطاء
صدري مكشوف كله لزكات
رجليه مجبسه
تحمدولي بسلامه وراها خلولي علاج بلمغذي وطلعو فاتو امي وسلوان من شفتهم مدرلي شصارلي دموعي ودموعهم كامت تتسابق
شهرين مفاركهم
شهرين عايش بس على أجهزه
شهرين تارك ربي صلاتي
بسبب منو
وعلى شنو
سمعت صوته وره شهرين وشفت ملامحه كبالي غمضت عيوني
تضاهرت النوم
تقربت تحجي بلهفه
خاله شنو كعد
شوكت
سلوان مو محلفتك ليش مخابرتني من كعد
خطوات امي من مشت اله مسموعه
خاله ليش تباوعيلي هيج
ضي عيني الله يخليج الاهلج بتعدي من ابني
هاهيه صحى والحمد لله ومشكوره على جياتج نجازيج ان شالله بلافراح بس الله يرضى عليج خليج بحياتج وخلينا بحياتنا
خاله ليش هيج تحاجيني
تره اني مسويت شي هاي لأن اجي كل يوم ازوره واسئل عنه مضوجتج
ما مضوجتني بس انتي تعرفين شي واني اعرف شي
ابني تعبان وماريده يتعب اكثر تفضلي طلعي واحنا هم راح نطلع حتى يرتاح الدكتور كال مزين عليه الصوت
صار هدوء فتحت عيوني
اي رده فعل ماعندي بس صافن
شلت راسي من المخده توجعت بسرعه رجعته
دخيلك ربي مو وجع موت احمر
رفعت ايدي بيه جبس بس اكدر احركها تلمست راسي مضبر
غمضت
داخلي اردد
الحمدلله على كل حال
