مساء الخير
#شارع_حيفا
#البارت الثالث والعشرون
،،،،،،،،،،،،،،،،،،،،،
عمووو وين ماخذني
مارد
اتلفت ماكو بشر
الغطوه بيدي وتليفون وأبو رامي يسوق ويفر براسه يمنى يسرى ويرفع نفسه يباوع بمرايه الكدامه
حرك دمي
هوه ليش ميحجي وياي
جريته من ياخه القمصله
تررررره طكت روحي انت مو اخرس ليش متحجي شصاير واحنا وين رايحين جاوووب لا اخنكك
خزرني
قليله ادب
سكتي اني مالي شغله هيج جتني الاوامر
كمت اعتعت بي
وصيح نزلي وكف السياره وين ماخذني
صابني رعب ماعندي ثقه بااحد وفكرت خاف هذا مرجعني لابو صفوان
شلت التليفون دكيت على طيف
بس جاوب نهاريت
طيف تعالي هذا العجوز راح يخبلني طلعني ركض ركض من البيت ومدري وين ماخذني
ابو رامي فك عينه مستغرب الي سويته
طيف كال
وين ماخذج ليش شصاير
ماااادري طيف مادري ومديحجي
عفيه تعال خلصني لاتعوفني
راااااح اموت خوف
مد ايده ابو رامي
نطيني التليفون
مانطي
ماانطي طيف جاي تسمع
صيح
خرب بلوي نعلعلا عشيرته
فتحييييي سبيكر فتحي داحاجي
ابو رامي شصاير
عمي الاسايش جاي تسوي تمشيط بلمنطقه جايتهم اخباريه اكو مخربين عابرين تهريب واجاني اتصال من ناس ثقه كلولي اطلع من هذا المكان بسرعه خابرت الباشه كال اخذه واطلع ولاتكول اله خاف دكوم تخاف
هاهيه عمي ؟
هاي كل السالفه وكول اله تسكت تره ايده طويله وماتحترم خرمشت ركبتي من عتتني
وهسه وين ماخذها
ماعندي اوامر حتى احجي بكيفي خابر صاحبك هوه يكلك
صاح طيف
وينج ضي
هااا وياك
سدي سبيكر
تمام
كول
سمعي لاتاامنين خلي تليفون بيدج دقايق وارجع اخابرج بس اشوف سلوان العار
ماشي
انتضرك
سديته
وجسمي يرجف لحضته خفت لاتجيني النوبه وافقد وماعرف شنو تاليته
بديت اهدي بروحي
لفيت نفسي بلغطوه وجلبت بيه منصيه راسي اتنفس وانفخ على ايدي حتى تدفى
دك طيف
جاوبته بخوف
كال اهدئي هذا الكلب ابن الكلب سلوان هسه يكلي اامن وعلي ابو الحسن نمت على خوانيكه اذا يصيرلج شي اله اطلع روحه
بجيت
طيف اني خايفه
لاتخافين
كتلج اني يمج وماعوفج ابقي وياي على خط راح اجيب رصيد واجي خاف ينكطع
زين حجي ابو رامي صحيح يعني طلعنا من وره الاسايش موغير شي
حسبب حجي سلوان اي
بس هذا دوني هم ابقى ماصدك ولا اامن اله
