مساء الخير
#شارع_حيفا
#البارت الثالث
للكاتبه المبدعة رفل الكناني
،،،،،،،،،،،،،،،،
شـايـف مـن تـهـز حـسـراتـك الـگـاع
ومامـش بشـر گـدهـا يصيـرلـك بـيـر
شـايف مـن يسـألونـك علــه الـحـال
تگـول بخيـر وأنـت مضيـع الـ خيررر
،،،،،،،،،،،،،،،،
طيف اوكف وين رايح
طيف اسمعني
سلوان انت فد واحد متستحي
ماعندك ذمه ولا ضمير
ياااخي انت يهودي هاااا كلي انت يهودي لو شنو
لك ولد سلوان ولد تجيب
ذاك اليوم جايب بنيه تلاغيت وياك وراها كلت ماعيدها ونزوه وسكتت تجي وره فتره تسوي الاكثر لا عاد لهنا وحدك اليوم اذا موكفت هاي المهزله اله اطلع كلب ابن كلب
مشيت وعفته واني كتله من الغضب
لزم ايدي حاول يوكفني دفعته
صح ادري بي مستهتر بس متوصل لهل الدرجه الولد الجايبهم والموقف الشفته بعيني طير عقلي من راسي
تخبل وحاول بكل طريقه يبرر موقفه مسمعتله
وصلت بيت ابو المال
دكيت الباب طلع ابنه تسالمت وياه وكتله بلكي تصيح الوالد
سلوان كام يكمز
طيف شتريد تسوي لك اني اخوك
راح تفضحني
نجب وانلصم
وذا حاولت تجذبني اقسم بالله اطب القران كدام الرجال في سبيل انهي الجاي تسوي بروحك وبينا لك هاي سمعتنا واحنا كاعدين هنا عمر تجي من تالي تلطخها هيج من الله لا يوفقك
طلع ابو المال
سكتتا وسلوان مخنزر
الرجال كاعد توه من النوم شاف سلوان نطرك
باوعله وكال
خير خوما اكو شي المولد بي شي شكو سلوان شجايبك بهل وكت
رديت
عمي اني الجايك مو سلوان
وياريت تمشي للمولد تشوف شجاي يصير هناك وتشوف اخويه شلون مو كد المسوليه الخاله بركبته واني رجال اخاف هم على اخويه وهم على مالك
خاف ابو المولد وكال شصاير تره حيلي باد واني فاتح هل مولد مصدر رزق وعيشه اليه والعائلتي لا دكلولي صار بيه شي وراح تعبي تره لهسه كومه فلوس مطلوب عليها
رد سلوان
عمي معليك بطيف والله ماكو شي
امشي طيف
وجر ايدي ضاغط على سنونه
نترت ايده
وباوعت بعين الرجال
كتله
اللهم اني بلغت
اللهم فااشهد
حتى لا بعد شكم يوم تدك بابي ودكول تعال شوف اخوك شمسوي اني جيتك قبل ما انت تجي
سلوان كام يبرر
عمي والله مسوي سهره مال شباب وطيف مدري شجاه
لك طيف تخبلت اكو واحد يفتن على اخوه
عفتهم ومشيت لأن سلوان لسان وديدافع على روحه بقوه لهذا اني محجيت وشرحت الموضوع ردت الرجال يشوف بعينه بس هوه تماهل وراد يعرف من لسانه
اني وامشي تقربت اصواتهم من يمي لتفتت لكيتهم يمشون ورايه
عكست اتجاه المشي لمكان المولد
وسلوان بعده يهربذ بالي مو يمه
وصلنا باب الغرفه مفتوح
كبل فتنا جانت الغرفه فارغه بس الشرب والاكل موجود الولد السربتيه طافرين
