مساء الخير
#شارع_حيفا
#البارت السادس والعشرين
،،،،،،،،،،،،،،،،،،،
باوعتله بقهر
الدموع تلالي بعيني
تنهد
ليش سكتي؟
ااشرت على روحي
هلكد اني رخيصه عندك وتريد تتزوجني بسر
ليش طيف ليش
لعد وين كلامك قبل فتره من دكلي ارجعج البغداد كدام كل العالم وشحده الي يجيب طاريج اسوي نصين
وينه هذا الحجي وين راح تبخر؟
فرك وجه متوتر
ضي فتهميني فدوه
اني تعبان وكومه مشاكل فوك راسي تمشكلت ويه خوالي فسخت الخطبه من بنتهم نطيته مهرها في سبيل بس اخلص منه
وامي نجنت تخبلت وكعت وتمرضت وحرت بيه
ضي اني احبج وسويت كل هذا علمودج لابيه اعوفج ولابيه اعوف امي انتو ليش محد بيكم يحس بيه
واني شنو ذنبي
هاي فوك كسرتي
ويتمي
وطيحان الحض الاني بي تجي انت وتكلمه دكلي اتزوجج بسر
هوه هذا الحب الخبصتني بي
هذا الحب الي موعت اذني وانت تحجي بي
تريد تمتلكني بلخفاء
ما اناسبك
ما اشرفك وتعترف بيه كدام الناس
فك عينه وتقرب مد ايده يصم بحلكي
موووووهيج موهيج القصد لاتفسرين بكيفج
دفعت ايده
ووووخر لاتلمسني هذا القصد والقصد الصحيح هم
اني ما اناسبك وانت مستعر مني ومتكدر تسويني زوجه الك كدام اهلك وعشريتك والناس
غير هذا القصد ماكو
وماريد اسمع اي تبرير لو عذر اترجاك
احجي ودموعي تنزل مثل المطر
كل حيلي يرعش
وكلبي ديتكطع
شكلي يمكن يقهر
تقرب راد يلمني يحاول يهديني تراجعت وعفته وفتت للغرفه قفلت الباب
لحكني
دكه
حاول يبرر حجه كومه ماسمتله ولا رديت
كمت فتحت الكنتور طلعت الذهب والفلوس وفكرت ابيع سيارتي واسوي الذهب فلوس ومابقى بعد بمكان طيف يندله
مابقى باالعراق خلص اني تعبت وشعندي باقيه اني منو عندي اصلا
وره ساعات هديت روحي
وطلعت سويت الوضع طبيعي
وعدت نفسي لازم مااضعف
ماابجي ضميت كسرتي بداخلي واجذب على روحي يمكن احاجيه كافي بس سكتي طلبج للزواج ورفضتي كافي تنوحين خليج اقوه من هيج
فتت للهول شفته نايم
باوعت خطف ماركزت بي
ماريد أضعف
اني قويه اي اني قويه
يجوز حتى اطرده حتى لا اضعفله
غسلت والميت شعري الي نصه وكع بيدي
بعدين رحت لبست الردا وخليت الشال شمر ونزلت تسوكت ورجعت
ويه فتحت الباب فز من النوم صارت عيني بعينه تجاهلته وفتت للمطبخ
لحكني
وين جنتي
لتفتت
نعم ؟
انعم الله عليج
سئلت وين جنتي
درت وجهي
أفتح بجياس
جاوبته
وانت شعليك
تقدم بهمه
جر الكيس من ايدي دفعه على صفحه مخنزو
شنو شعليك
هذا حجي جديد لو شنو
اي حجي جديد ومنا ورايح هواي راح تسمعه
وهسه وخر مني خلي اقوم بواجبك اسويلك اكل واكمل ضيافتك حتى تتوكل
