بسم اللّٰه الرحمٰن الرحيم
اللهم صلِ على محمد وآل محمد
بقلمي الكاتبه حوراء
الرجاس
___________________________
حورنمت الفجر بعد ما خابر عمي ابو تُليد
عفت ريم گاعده ماگدرت اضل وياها أكثر حيل نعسترحت لغرفتي تمددت ورحت بنومه عميقه فزيت على أثر حلم مزعج گعدت كلني ارجف
گوه گمت شربت ماي باوعت للساعة بـ 7 يعني مانمت هواي رجعت تمددت دقايق وگمت ماگدر اناملبست حجابي وطلعت شفت ريم دخلت لغرفتها وسدت الباب تنهدت بحزن خطية هل بنيه
اني ابوي مو زين وياي وأبد ما يحبني بس اني اذا تخربط لو صار بي شي اتخبل عليه
چا هيَّ شلون وعرفت من ترتيلريم گلش يحبوها ابوها واخوانها دائماً وياهم
وحتى قوية الشخصية مثلهم
وأبوها يحبها لأن دوم ويا تضحك وتسولف عكس ترتيل هادئه
فـ من چانت صغيره همَّ يحبوها
ومتعلقين بيها
وهيَّ تميل الهم أكثر من خواتها تعشقهمنزلت البيت هدوء الكُل نايم عدلت الصاله وصرت انضف على الماشي البيت نضيف
بديت اخدر الچاي دخلت امي صبحت عليها
بعدها جدتي گعدت وضلن وحده وره الثانية يگعدناحنه متعودين نگعد من الصبح عسى ما ننام بس ساعة هم نگعد
بديت احضر الريوگ خلصت وصحتلهن جدتي وعمتي ام محمد رفضن يأكلن جبرناهن جبر
ياله اگلن شويةالبنات نايمات بس اني افتر وحدي
صارت الساعة بـ 8 وربع صعدت گعدت البنات گوه گعدن بس ريم وترتيل واريج عفتهن نايماتشوية ونزلت ترتيل وراها اريج
بس ريم نايمهضلينه گاعدين بالصاله نخابر الولد محد يرد من طلعوا الفجر لهسه ما اجوا
ساعة 9 ضبط رن جهازي باوعت همام رأسن رديت عليه وهنَّ كلهن التمن عليه
اجاني صوته يحچي گوه
:– حور
_ ها
:– مات عمي
بلعت ريگي ماعرف شصار بيه
_ شنو چاي تگول ياهو منهم
:– عمي ابو محمد مات وهسه چايين للبيت وجايبي ويانه_ تمام منتضريكم
سديت الاتصال وباوعتلهن لزمتني اريج من اكتافي تهزني وتحچي
:– احچي حور شيريد همام اجه ابوي وصلوا مو؟ احچي شبيچ ليش وجهچ اصفر ؟
رفعت ايدي ضميت وجها بكفوف ايدي نزلت دموعي ورديت عليها بشهگه
:– انا للَّه وانا اليه راجعون البقيه بحياتكم
أنت تقرأ
الرجاس
De Todoالدين والكفر الحب والعذاب كربلاء والبصرة محبٍ وحبيب بطلاً وابطال جمعناهم في قصتاً واحدة الرجاس